ចេញលក់ហើយ ខែ មិថុនា 29, 2008
Posted by naraths in My Journal, ការកំសាន្ត, ចម្រៀងខ្មែរ.20 comments
ប្រហែលជាបានស្ដាប់ហើយមែនទេ បទប្រាថ្នា ដែលខ្ញុំដាក់ឲ្យស្ដាប់កាលពីលើកមុន ដែលច្រៀងដោយលោក សិលា ។ ឥឡូវនេះនាំអារម្មណ៍ទាំងអស់គ្នាមកស្ដាប់បទ ចិត្តប្រកាន់ ចំណងជើងគម្របស៊ីឌីដែលទើបចេញលក់ពេលថ្មីៗនេះ ។ មិនផ្សាយអីទេ គ្រាន់តែចូលចិត្តបទពិរោះ គឺក្រុមពួកគាត់សំឡេងពិរោះៗណាស់ ។ គម្របស៊ីឌីនេះ មានរូបរបស់ សិលា (ម្ចាស់បទ ប្រាថ្នា), ស្រីម៉ុច (ម្ចាស់បទ Baby អូននឹក), និង សិទ្ធ (បទ ចិត្តប្រកាន់) ក្នុងនោះមានចម្រៀងរែបផងដែរដោយ Khmer Thug (បទ ចូលមកអូនស្រី, បទ ណែ៎ ពិសី)
Download New (Acustic Version)
for entertainment only
ខាតមួយម៉ោង ខែ មិថុនា 29, 2008
Posted by naraths in My Journal, អធិប្បាយពីខ្ញុំ.7 comments
ថ្ងៃនេះប្រាកដជាថ្ងៃអាទិត្យហើយ ។ ខ្ញុំចូលគេងពីថ្ងៃអាទិត្យ ដល់ក្រោកឡើងក៏ថ្ងៃអាទិត្យដដែល ។ កាលមុនចូលគេង នឹកឃើញក៏ស្ដាយមួយម៉ោង ព្រោះយប់មិញខ្ញុំអង្គុយមុខកុំព្យូទ័រម៉ោងប្រហែល 2AM ដល់ខ្ញុំមើលម៉ោងទូរស័ព្ទឃើញ 3AM យ៉ាងម៉េចអញ្ចេះ? ខ្ញុំក៏ប្ដូរតាមម៉ោងកុំព្យូទ័រវិញ ព្រោះគិតថាកុំព្យូទ័រមិនដែលដើរខុសទេ លើកលែងតែអស់ថ្មស៊ីម៉ូស ។ ដល់ចឹងទៅនឹកឃើញពីល្ងាចម៉ាតង់ទៀតហើយ ថាកាលនោះបើទៅញ៉ាំគុយទាវកាត់ ឬនំប៉័ងប៉ាត់តេមានជ័យថ្មី (ម៉ូយ) បែបបានបាត់ និយាយញ៉ាំចឹងហើយកូនគេសុភាពព្រោះថ្មើរហ្នឹងកំពុងតែឃ្លានវាផង ដល់ចឹងទៅ យីស! កាលនោះម៉ោងទូរស័ព្ទ 8PM ច្បាស់ជាម៉ោងពិតប្រាកដត្រឹមតែ 7AM ប៉ុណ្ណោះ (ពេលប្ដូរស៊ីម ប្រហែលខ្ញុំកំណត់ម៉ោងខុស)! ដល់វា៨ទៅហើយវាយប់ទៅហើយ ខ្ជិលចេញពីផ្ទះតាម៉ងទៅ ព្រោះបុរសភេទដើរយប់ព្រលប់មិនសូវល្អទេ sic! ហាហា
ខ្ញុំអានអត្ថបទខ្លះ រួចក៏បន្តរៀនសរសេរ សាប់ថាយថយ បកទៅជាខ្មែរទៀត រហូតដល់ជាងម៉ោង 4AM ទម្រាំបានដេកលក់ម៉ោង5AM បាត់ ។ រឿងធ្វើសាប់ថាយថលឲ្យបង្ហាញជាអក្សរខ្មែរលើកុំព្យូទ័រនេះ ចាំថ្ងៃក្រោយចាំនិយាយ ពេលនេះខ្ញុំកំពុងតែជក់ចិត្ត ព្រោះបញ្ចាំងកុនម្ដងៗ ដាក់ សាប់ថាយថយ ជាខ្មែរ មានអីអ៊ែមស៊ែមដែរតើ! ចេញច្បាស់ហើយស្អាតទៀត ។
ដេកយល់សប្តិពេលដែលអារុណរះអារម្មណ៍ខ្ញុំបានទៅដល់ឋានត្រៃត្រឹង (មិនដឹងនៅ ឯណាទេ) ទោះនរណាហៅ នរណាគោះទ្វារក៏លែងឮអ្វីទាំងអស់ ប្រហែលជាខ្ញុំបានជួបវរនារីល្អឯកណាក៏មិនដឹងឥឡូវភ្លេចអស់ហើយ ។ ម៉ោង ១០AM បានខ្ញុំក្រោក! មើលទូរស័ព្ទមាន Misscalled មួយនៅអាខ្សែទី២ ប្ដូរស៊ីម បើកអាខ្សែទី១ មាន Voice mail មួយ ខ្ញុំបើកស្ដាប់អស់៣សេន អត់ឮនរណានិយាយអីទេ ឮតែចម្រៀងល្បើយៗ និងខ្យល់ ប្រហែលគេមិនអាចនិយាយព្រោះមិនទម្លាប់អាសេវា voice mail ដែលខ្ញុំដាក់ ។ ម៉ោង ១១Am ទៅបើកឆ្នាំងមានតែបាយផ្អូម ខ្ញុំគ្មានកម្លាំងទេ ដាំវាថ្មីទេ ក៏ ទាញអាសម្លាញ់ជិះទៅ ផ្ទះចឹកលក់បាយជិតផ្សារទួលទំពូង ញ៉ាំបាយសម្លការី គេចាក់រឿងខ្មោចឆៅឲ្យមើលទៀត ។ មនុស្សចូលទទួលទានបាយច្រើនពេកខ្ញុំចេញមកផ្ទះវិញ ។ ការពិតព្រឹកនេះខ្ញុំខកម៉ោងបន្ថែមមួយនៅ សាលាពីព្រឹក ដែលខ្ញុំសម្រេចថាមិនទៅ ព្រោះរវល់ផ្ទុំ ណាមួយកាលវិភាគខ្ញុំអត់មានរៀនជាមួយគាត់ថ្ងៃសៅរ៍ អាទិត្យទេ គាត់ថែម ជាកំហុសរបស់គាត់ ។ តែក៏ស្ដាយហេងស៊យគាត់លើកទឹកចិត្តអ្នកទៅម្នាក់៥ពិន្ទុទៅ! ១ពិន្ទុ មិនងាយរកឯណា (៤៩.៩៩ ក៏ធ្លាក់ដែរ) ។
ម៉ោង 1PM ខ្ញុំទៅរៀនវគ្គខ្លីកុំព្យូទ័រ ។ ទូរស័ព្ទញ័រ… អាឡូ…. គឺអ្នកដែលផ្ញើខ្យល់ Voice mail តែសំឡេងខ្យល់នេះជាសំឡេងខ្យល់បក់ពីមាត់សមុទ្ទ ស្ដាប់ល្ហើយត្រចៀក ។ អ្វីទាំងអស់ដែលខ្ញុំសរសេរនេះ ព្រោះ ខ្ញុំនឹកឃើញរឿងស្ដាយមួយម៉ោង ។ ហើយថ្ងៃនេះ មិនទៅញ៉ាំគុយទាវកាត់ទេ ព្រោះឆ្អែតសម្លការីពីថ្ងៃហើយ ។ កំណត់ហេតុខ្ញុំមានតែបែបនេះឯង គ្រាន់ជាងអ្នកមិនបានសរសេរ ។ ថ្ងៃក្រោយខ្ញុំអាចនឹងមកមើលវាម្ដងទៀត ហើយខ្ញុំនឹងនឹកឃើញរឿងសប្បាយចិត្ត….
សំបុត្រស្នេហ៍ឆ្លងភព ខែ មិថុនា 26, 2008
Posted by naraths in My Journal, ភាពយន្តកូរ៉េ.22 comments
Click Here to watch movie!
យ៉ាហ៊ូ បង្កើតអ៊ីមែលថ្មី ខែ មិថុនា 21, 2008
Posted by naraths in My Journal.10 comments
ថ្មីៗនេះយ៉ាហ៊ូ បានបន្ថែមសេវាអ៊ីមែលពីរបន្ថែមទៀតគឺ Ymail និង Rocketmail ដែលសេវានេះក៏មិនខុសពីសេវាមិនគិតថ្លៃនៃអ៊ីមែលលើកមុនដែរ ។ មើលទៅ ymail គឺជាឈ្មោះថ្មីដែលបានពី yahoo + mail ឯចំណែក Rocketmail ហាក់ដូចជាឈ្មោះប្លែកមួយ ។ តាមពាក្យចេចចូចតាមឥន្ថឹណិតនានា បានឲ្យដឹងថា Rocketmail ជាក្រុមហ៊ុនបម្រើសេវាប្រើប្រាស់អ៊ីមែលយ៉ាងកញ្ចាស់មួយដែលស្លាប់បាត់សំឡេងយូរមកដែរហើយ តែឥឡូវ Yahoo បានទិញយក Rocket mailដាក់ជាសេវាកម្មមួយរបស់ខ្លួន ក៏ដូចជាជួយឲ្យ Rocketmail មានឈ្មោះសារថ្មីវិញម្ដងទៀត ។ ហាហា មិនដឹងជាស្អាតត្រង់ណាឈ្មោះដូចគ្រាប់បែក សោតក៏វែងទៀត ពីណាគេប្រើ!! តែទំនងឡូយផស់គេដែរ… ច្រើនណាស់ឥឡូវអ៊ីមែល មិនដឹងប្រើអាណាទុកអាណាទេ ស៊ូប្រើអាចាស់ដដែលចុះ @yahoo.com ។
ភាពយន្តខ្នាតខ្លី ការណាត់ជួបដ៏ល្អ ខែ មិថុនា 18, 2008
Posted by naraths in My Journal, ភាពយន្តខ្មែរ.11 comments
ថ្ងៃនេះប្លែកអារម្មណ៍ ឆែកអ៊ិនតាណែតចុះឡើងៗ ឃើញកុនខ្នាតខ្លីមួយមើលបានបន្តិចចង់តែសើច ព្រោះរឿងមើលទៅពិតជាកំប្លែងណាស់ ហាហា ។ គឺរឿង «ការណាត់ជួបដ៏ល្អ» ពីផលិតកម្ម Sothea Studios ពួកគាត់ជាជនជាតិបរទេស តែពូកែនិយាយខ្មែរណាស់ ។
http://www.youtube.com/watch?v=UhJCdT0d-10
http://www.myspace.com/perfectdatemovie
http://www.findingnatalie.com
សូមថ្វាយព្រះពរសម្ដេចម៉ែ ខែ មិថុនា 18, 2008
Posted by naraths in My Journal, ប្រទេសកម្ពុជា.add a comment
The Forbidden Kingdom ខែ មិថុនា 16, 2008
Posted by naraths in My Journal, ការកំសាន្ត, ភាពយន្តបរទេស.19 comments
យូរៗបានមើលកុនខ្នាតធំម្ដង សប្បាយចិត្តមែនទែន ។ យប់មិញមើលរឿងនេះ ស្ដាយណាស់អត់មានសាប់ថាយថលមើល ខំផ្ទៀងគេនិយាយគ្នាចង់ងាប់ អាចមើលរូបកាត់យល់ផ្សំបាន អាសូរថាគាត់និយាយចិននៀក ចប់បណ្ដោយ ត់ដឹងម៉ង់ទីទុយទេ ។ ឆ្ងល់រោងកុននេះម៉េចក៏អត់ដាក់សាប់ថាយថលចឹង!! យ៉ាប់មែន… ចេញតំបូងអ៊ូខុងចេញក្បាច់គុន ខ្វាកខ្ចាច់ មើលគាត់អត់ស្គាល់ ទាល់ចូលសាច់រឿងបានដឹង តាប៉ិអ៊ូខុងហ្នឹង លី លានជា សោះ ។ ម្នាក់ប្រើក្បាច់ស្រវឹងមួយទៀត ចេញម៉ោស្គាល់តាម៉ង គឺបងឈិនឡុង ។ រឿងនេះតួស្រីស្អាតណាស់ ចេញភ្លាម យី! ដូចធ្លាប់ស្គាល់ រកនឹកឈ្មោះតួស្រី ការពិតគាត់ជាមីងអាយ៉ាងគួសោះ គឺសៀវ ឡុងនី ស្រីស្អាតក្នុងពិភពគុន ហាហា! ចំណែកតួស្រីចិត្តអាក្រក់ រាងដូចឥន្ទ្រី ពេលគាត់ហោះម្ដងៗ ឮសត្វឥន្ទ្រីស្រែក កញ្ញាហ្នឹងក៏មិនអន់ជាងសៀវឡុងនីប៉ុន្មានដែរ ស្អាតម្យ៉ាងម្នាក់ គឺសក់គាត់ហាយឡាយពណ៌សស្គុះ ។ អូ! ភ្លេចនិយាយពីអាតួ ម្នាក់ហ្នឹងគេហៅ កុងហ៊្វូប៊យ គ្មានអីរ៉ាយរ៉ាប់ពីគាត់ទេ គ្រាន់ជាអ្នកដែលឆ្កួតនឹងកុនហុងកុងទៅជាស្រមើស្រមៃចេញជារឿង Forbidden Kingdom ឲ្យអ្នកមើលកុនឯណេះឆ្កួតតាម ហាហា ។ ទេសភាពក្នុងផ្ទៃភាពយន្តស្អាតៗណាស់ មើលហើយជក់ចិត្តតាម៉ង ចឹងបានគេហៅកុនខ្នាតធំមែន!!!
តន្ត្រីវិទ្យាល័យ ខែ មិថុនា 13, 2008
Posted by naraths in My Journal, ភាពយន្តបរទេស.20 comments
កាលមុនមានស៊ីឌីចម្រៀង High School Musical មួយអាល់ប៊ុម តែខ្ញុំមិនស្ដាប់ ព្រោះមិនចេះស្ដាប់ ណាមួយអ្នកចម្រៀងស្រែកអាឡេអាឡូពេក ។ ខ្ញុំមិនចង់ស្ដាប់ ខ្ញុំលុបចោល ។ តែដល់ថ្ងៃមួយ ភឿនណែនាំឲ្យមើលរឿង High School Musical ថាល្អមើលណាស់ ។ ខ្ញុំក៏ចង់មើលដែរ ព្រោះឮគេនិយាយច្រើនគ្នា ថាវាល្អមើល ។ មើលចប់ខ្ញុំមានអារម្មណ៍ថាចូលចិត្តភាពយន្តនេះខ្លាំងមែនទែន ព្រោះវានិយាយពីជីវិតសិស្សសាលាក្នុងពេលរៀននៅវិទ្យាល័យ ។ ក្រោយមកខ្ញុំក៏ចូលចិត្តស្ដាប់ចម្រៀងរបស់ពួកគេដែរ គឺមានទឹកដមកន្ត្រាក់អារម្មណ៍ ។ ភាពស្រស់ស្អាតនៃយុវភាពរបស់សិស្សសាលា ធ្វើឲ្យខ្ញុំនឹកឃើញកាលរៀននៅវិទ្យាល័យដែរ ។ ក្នុងរឿងនេះ គេក៏បង្ហាញផងដែរ ពីឪពុកម្ដាយដែលហួងហែងពីកូនខ្លួនឯង តែមិនយល់ពីបំណងរបស់កូន ។ ឪពុកម្ដាយបង្ខំកូនឲ្យរៀននូវមុខវិជ្ជាដែលលោកស្រឡាញ់ តែចំណូលចិត្ត រួមនិងនិស្ស័យក្មេង មិនដូចមនុស្សចាស់ឡើយ ។ អ្នកនិពន្ធចង់បង្ហាញបញ្ហានេះដល់សង្គមមនុស្ស ឲ្យយល់ពីដួងចិត្តយុវវ័យសម័យបច្ចុប្បន្ន ។ យុវវ័យជាវ័យឈាមរាវ ចង់ដឹង ចង់សាក ចង់ឃើញ ចង់ស្គាល់ ចង់បានអ្វីតាមអារម្មណ៍របស់គេ មិនចង់បានការកៀបសង្កត់ពីអាណាព្យាបាលឡើយ តែសំខាន់ឲ្យមានព្រំដែនរបស់វា ។ ទីបំផុតឪពុកម្ដាយ ត្រូវសម្របចិត្តរបស់កូន បើលោកយល់ឃើញថាអ្វីដែលពួកគេធ្វើគឺសុទ្ធតែក្នុងផ្លូវល្អហើយ សូមផ្ដល់ឱកាសឲ្យពួកគេក្នុងការជ្រើសរើសអ្វីដែលគេពេញចិត្ត ចៀសវាងការមានវិប្បដិសារី ។
ខ្ញុំមិនទាន់បានមើលវគ្គទី២ទេ ។ ខ្ញុំចង់មើល High School Musical 2 ទៀត…
ហា… ឈិះ… ខែ មិថុនា 13, 2008
Posted by naraths in My Journal, អធិប្បាយពីខ្ញុំ.34 comments
ហ៊ើយ… ផ្ដាសសាយទៀតហើយ… យ៉ាប់ណាស់!!
អាទិត្យម្សិលម្ងៃ… ខែ មិថុនា 10, 2008
Posted by naraths in My Journal, អធិប្បាយពីខ្ញុំ.25 comments
ម៉ោងបួនជិតកន្លះ ខ្ញុំមកដល់បរិវេណសកលវិទ្យាល័យភូមិន្ទភ្នំពេញ ជិះម៉ូតូចូលផុតមាត់ច្រកបន្តិចងាករកមើលយុវជនមួយក្រុម ។ ខ្ញុំឃើញពួកគេហើយ បត់ម៉ូតូង៉ែវ មកចតជិតសួនស្មៅមុខអគារមហាវិទ្យាល័យវិទ្យាសាស្ត្រ ។ ចាន់ផល លើកដៃរាចុះឡើង ជាសញ្ញាថាពួកគេនៅម្ដុំណា ។ ខ្ញុំមើលជុំវិញខ្លួន សភាពទីនោះគឺអ៊ូអរខ្លាំងណាស់ គ្រាន់តែឃើញក៏ដឹងថារាល់ល្ងាចថ្ងៃអាទិត្យយុវសិស្ស យុវនិស្សិត ជាច្រើនមកកកកុញដើម្បីស្រូមអាកាសបរិសុទ្ធក្បែរស្រះទឹកដ៏មានទឹកថ្លាឈ្វែង ។ យុវជនទាំងប្រុសទាំងស្រីមានទឹកមុខស្រស់ស្រាយគ្រប់គ្នា ខ្លះជជែកគ្នាលែង ខ្លះលែងវាយសី ខ្លះអង្គុយពិភាក្សាគ្នាចេកចាចពីរឿងនេះរឿងនោះ ទាំងនេះសុទ្ធជាទិដ្ឋភាពគួរឲ្យសប្បាយចិត្តក្រៃលែង ។
ខ្ញុំទៅជួបអ្នកទាំងបួន ហើយនិយាយ សួស្ដី ទៅកាន់គ្រប់គ្នា ហើយទទួលពាក្យសួស្ដីមកវិញដែរ ។ ពួកយើងអង្គុយក្បែរមាត់ស្រះ តែរាងឆ្ងាយបន្តិច គឺនៅជាប់វិថី ដែលនិស្សិត ឬសាស្ត្រាចារ្យធ្វើដំណើរទៅមក ។ អង្គុយភ្លាម ចាន់ផល ណែនាំមិត្រថ្មីៗផ្សេងទៀត ហើយហុចក្រដាសឲ្យខ្ញុំអានមួយចប់សិន ចាំនិយាយ ។ ខ្ញុំអានបណ្ដើរស្ដាប់ និមល ចាក់ចម្រៀងចេញពីទូរស័ព្ទបណ្ដើរ ហើយឆ្លៀតងាកនិយាយលេងម្ដងម្កាល ។
ប៉ុណ្ណឹងសិន…ដល់ម៉ោងទៅសាលាហើយ!
