jump to navigation

ទៅ​សៀមរាប ចន្ទ 30 តុលា 2017

Posted by រដ្ឋ in កំណត់​ហេតុ, ពីនេះ​ពីនោះ.
1 comment so far

ម្សិលមិញ​នេះ (២៩ តុលា ២០១៧) ខ្ញុំ​និង​គ្រួសារ (ប្រពន្ធ​និងកូន) បានទៅ​ខេត្ត​សៀមរាប​ដើម្បី​ចូលរួម​ពិធី​មង្គល​ការ​មិត្តភ័ក្តិ​ជិត​ស្និទ្ធ​របស់ប្រពន្ធ​​ខ្ញុំ​ (កូន​ក្រមុំ) ដែល​រាប់​អាន​គ្នា​តាំង​ពី​នៅ​រៀន​វិទ្យាល័យ​ម៉្លេះ ។ គាត់​ជាមនុស្ស​តែម្នាក់​ដែល​បាន​នាំ​ខ្ញុំ​និង​ភរិយា ​ដើរ​ទស្សនា​ប្រាសាទ​នានា និង​បារាយណ៍​ទឹកថ្លា​​នៅ​ខេត្ត​សៀមរាប កាល​ពី​ដំណើរ​កម្សាន្ត​រាត្រីចន្ទ្រ​ទឹក​ឃ្មុំ​របស់​ខ្ញុំ​និង​ភរិយា​កាលទើប​រៀបការ​ថ្មីថ្មោង​នា​ឆ្នាំ​២០១២ម៉្លេះ ។

ខ្ញុំ​និង​ភរិយា មិន​បាន​នៅសម្រាក​នៅ​សៀមរាប​ទេ គឺ​ចេញ​ពី​ការភ្លាម​ម៉ោង ៧.៥០នាទី​ ចេញ​ពី​សៀមរាបត្រឡប់​មក​ផ្ទះ​វិញ​​នៅកំពង់ធំ​នេះ ដល់ផ្ទះ​ម៉ោង ១០.២០នាទី ។

null
null
null
ទិដ្ឋភាព​ក្នុង​ភោជនីយដ្ឋាន​ អាប៉ូឡូ ផ្លាសា

Advertisements

ខួប​១ឆ្នាំ​មរណភាព​អតីត​នាយករដ្ឋមន្ត្រី​លោក​ប៉ែន​សុវណ្ណ ចន្ទ 30 តុលា 2017

Posted by រដ្ឋ in បុគ្គល​សំខាន់.
1 comment so far

អតីតនាយក​រដ្ឋ​មន្ត្រី​ខ្មែរ លោក ប៉ែន សុវណ្ណ ទទួល​មរណភាព​ហើយ ក្នុង​ជន្មាយុ ៨០ឆ្នាំ លោក​ត្រូវ​បាន​គេ​ទទួល​ស្គាល់​ថា​ជា ​បិតា​៧មករា ដែល​កូន​ខ្មែរ​ជំនាន់​ក្រោយ​មិន​សូវ​ស្គាល់ ។

ថ្ងៃ​នេះ​ជា​ខួប​១ឆ្នាំ នៃ​មរណភាព​របស់​លោក​ ប៉ែន សុវណ្ណ (៣០ តុលា ២០១៦ – ៣០ តុលា ២០១៧) អតីតនាយក​រដ្ឋ​មន្ត្រី​ខ្មែរមួយរូប ។

nullប៉ែន សុវណ្ណ (ពាក់វ៉ែនតា)

===============
អាន​ផងដែរ៖
១. អតីត​នាយក​រដ្ឋមន្ត្រី​ខ្មែរ​ទទួល​មរណភាព​ហើយ
២. ចងចាំ​បិតា​ស្ថាបត្យកម្មខ្មែរ​ វណ្ណ មូលីវណ្

គម្រប់​១៣​ឆ្នាំ​គ្រង​ព្រះបរមសិរី​រាជ​សម្បត្តិ អាទិត្យ 29 តុលា 2017

Posted by រដ្ឋ in អតីត​ព្រះ​មហាវីរក្ស័ត្រិយ៍.
1 comment so far

សូម​ព្រះ​បារមី​ព្រះមហាស្វេតច្ឆ័ត្រ និង​វត្ថុ​ស័ក្តិ​សិទ្ធ​ក្នុង​លោក​ប្រោស​ប្រទាន​ពរជ័យ​ សិរីមង្គល​ថ្វាយ
ព្រះ​ករុណាជា​អម្ចាស់​ជីវិត​តម្កល់​លើ​ត្បូង
ព្រះ​បាទ​សម្ដេច ព្រះ​បរមនាថ នរោត្តម សីហមុនី
ព្រះ​មហាក្ស័ត្រិយ៍ នៃ​ព្រះ​រាជាណាចក្រ​កម្ពុជា
ក្នុងព្រះរាជពិធី​គម្រប់​ខួប ១៣​ឆ្នាំ នៃ​ការ​ឡើង​គ្រង​សិរីរាជសម្បត្តិ
null
សូម​ព្រះរាជានុញ្ញាត​ទូលថ្វាយ​នូវ​ព្រះសព្ទសាធុការពរ
សូម​ព្រះ​អង្គ​ទ្រង់​ប្រកប​ដោយ​ព្រះរាជសុខភាព​ល្អ​បរិបូរណ៍ ព្រះ​កាយពល​មាំមួន ព្រះ​បញ្ញាញាណ​វាងវៃ ដើម្បី​ទ្រង់គង់​ប្រថាប់​ជាម្លប់​ដ៏​ត្រជាក់ និង​សេចក្ដី​សុខ​ក្សេមក្សាន្ត​ដល់​ប្រជានុរាស្ត្រ​របស់​ព្រះអង្គ​ជានិច្ច​និរន្តរ៍

 

ក្រាប​បង្គំ​ទូល​ថ្វាយ​ពី
null
គេហទំព័រ ​ពូរដ្ឋ

ធនាគារ​ជាតិប្រកាស​ធនបត្រ​ថ្មី​ដើម្បី​អបអរខួប​គ្រង​សិរីរាជសម្បត្តិ​ព្រះ​មហាក្ស័ត្រយ៍​ខ្មែរ ព្រហស្បតិ៍ 26 តុលា 2017

Posted by រដ្ឋ in ទីនេះ​កម្ពុជា, ពីនេះ​ពីនោះ.
add a comment

ម្សិលមិញ (២៥ តុលា ២០១៧ ម៉ោង​៤ល្ងាច), ដើម្បី​អបអរ​សាទរ​ខួប​១៣​ឆ្នាំ​នៃ​ការ​ឡើង​គ្រងព្រះ​បរម​សិរីរាជ​សម្បត្តិ​របស់​ព្រះមហាក្ស័ត្រយ៍ ព្រះ​ករុណា​សម្ដេច ព្រះបរមនាថ នរោត្តម​សីហមុនី នា​ថ្ងៃ​ទី ២៩ តុលា គ.ស ២០១៧ ​ខាង​មុខ​នេះ ធនាគារ​ជាតិ​នៃ​កម្ពុជា​បាន​ប្រកាស​ដាក់​ឱ្យ​ប្រើប្រាស់​នូវ​ធនបត្រ​ប្រភេទ​ថ្មី​ចំនួន​២​ គឺ ក្រដាស់​ប្រាក់ ៥,០០០៛ និង​ក្រដាស់​ប្រាក់ ១,០០០៛។ គ្រា​នេះ​ខ្ញុំ​សូម​អនុញ្ញាត​ប្រកាស​ស្ដី​អំពី​លក្ខណៈ​ពិសេស​របស់​ប្រភេទ​ក្រដាស់​ប្រាក់​ទាំង​ពីរ​នេះ ដើម្បី​ទុក​ជាឯកសារ​ផង។ អត្ថបទ​ទាំង​ស្រុង​ពី​គេហទំព័រសប្បាយ៖

កាល​ពី​ថ្ងៃ​ទី​២៥​ខែ​តុលា​ឆ្នាំ​២០១៧​នេះ​ធនាគារ​ជាតិ​នៃ​កម្ពុជា​​បាន​ចេញ​សេចក្ដី​ប្រកាស​ស្ដី​ពី​ការ​ដាក់​ឱ្យ​ចរាចរ​ក្រដាស​ប្រាក់​៥០០០​រៀល​និង​១០០០​រៀល​ថ្មី​ជា​ផ្លូវ​ការ​​ដើម្បី​ចូល​រួម​អបអរសាទរ​ព្រះរាជ​ពិធី​បុណ្យ​ខួប​នៃ​ការ​យាង​គ្រង​ព្រះបរម​រាជ​សម្បត្តិ​របស់​ព្រះករុណា​ព្រះបាទ​សម្តេច​ព្រះបរមនាថ​នរោត្តម​សីហមុនី​​ព្រះមហាក្សត្រ​នៃព្រះរាជាណាចក្រកម្ពុជា។​ដូច្នេះ​សូម​បង​ប្អូន​ប្រជាពលរដ្ឋ​មក​ស្វែង​យល់​លក្ខណៈ​ពិសេស​និង​លក្ខណៈ​សម្គាល់​នៃ​ក្រដាស​ប្រាក់​ថ្មី​ទាំង​ពីរ​នេះ​​ដោយយោងតាមសេចក្ដីរបស់ប្រកាសរបស់ធនាគារជាតិ។

លក្ខណៈ​ពិសេស​និង​លក្ខណៈ​សម្គាល់​នៃ​ក្រដាស​ប្រាក់​៥០០០​រៀល​ថ្មី៖

១.​លក្ខណៈ​ទូទៅ

  • ទំហំ​ធនបត្រ៖​បណ្ដោយ​១៤២​មម​និង​ទទឹង​៦៨​មម
  • ពណ៌​ចម្បង​គឺ​ពណ៌​ស្វាយ​និង​ពណ៌​ត្នោត

២.​ផ្នែក​ខាង​មុខ​នៃ​ធនបត្រ
null

  • ផ្នែក​កណ្ដាល​ខាង​ស្ដាំ​ត្រូវ​បាន​រំលេច​ឡើង​នូវ​ព្រះឆាយាល័ក្ខណ៍​​នៃ​ព្រះ​បរម​រតន​កោដ្ឋ​ព្រះបាទ​នរោត្ដម​សីហនុ​វរ្ម័ន​កាល​ពី​ព្រះអង្គ​កំពុង​បំពេញ​ព្រះរាជ​បូជនីយកិច្ច​ដឹក​នាំ​ចលនា​ទាមទារ​ឯករាជ្យ​ជាតិ​​ពី​ពួក​អាណានិគម​និយម​បារាំង​សេស។​ចំណែក​ខាង​ឆ្វេង​មាន​លេខ​«៥០០០»​នៅ​ពី​លើ​គេ​បន្ទាប់​មក​ពី​ជា​ហត្ថលេខា​របស់​ទេសាភិបាល​និង​អគ្គបេឡា​ព្រម​ទាំង​រូប​តែង​លម្អ​យក​តាម​រូប​ក្បាច់​ហោជាង​នៃ​អគារ​តុលាការ​កំពូល​និង​ខាង​ក្រោម​នោះ​មាន​លេខ-មាលា​បោះពុម្ព​ដោយ​ទឹក​ខ្មៅ​ពណ៌​ខ្មៅ។​កាន់​តែ​ពិសេស​ក្រដាស​ប្រាក់​​៥០០០​រៀល​ថ្មី​នេះ​មាន​រូប​ក្បាល​នាគ​​៥​នៅ​វិមានឯករាជ្យ​និង​អក្សរ​​«ប្រាំ​ពាន់​រៀល»​ព្រម​ទាំង​អក្សរ​«អ្នក​ក្លែង​ក្រដាស​ប្រាក់​នឹង​ត្រូវ​ផ្ដន្ទាទោស​តាម​ច្បាប់»​នៅ​គែម​ខាង​ក្រោម​នោះ។
  • ផ្នែក​ខាងស្ដាំ​ជ្រុង​លើ​មាន​អក្សរ​«ធនាគារ​ជាតិ​នៃ​កម្ពុជា»​ព្រម​ទាំង​មាន​លេខ-មាលា​បោះពុម្ព​ដោយ​ទឹក​ខ្មៅ​ពណ៌​ក្រហម​និង​នៅ​កណ្ដាល​មាន​រូប​ភាព​អង្គ​ដៅ​ខាង​មុខ​ដែល​មើល​ឆ្លុះ​ឃើញ​លេខ​”5000”​និង​ជ្រុង​ក្រោម​មាន​លេខ​«៥០០០»​ព្រម​ជាមួយ​លេខ​”5000”​នៅ​ពី​ក្រោម​នោះ។
  • ផ្នែក​ខាងឆ្វេង មាន​លេខ “5000” ព្រាល​ៗ​បោះពុម្ព​តាម​បន្ទាត់​បញ្ឈរ ព្រម​ទាំង​រូបភាព​តែង​លម្អ​ពណ៌​ប្រាក់​យក​លំនាំ​តាម​ក្បាច់​ចម្លាក់​នៅ​ប្រាសាទ​បន្ទាយ​ស្រី បោះពុម្ព​កាត់​ទទឹង​ក្រដាស​ប្រាក់​ពី​លើ​ដល់​ក្រោម និង​ជ្រុង​ក្រោម​មាន​និមិត្ត​សញ្ញា​សម្គាល់​ប្រភេទ​ប្រាក់​សម្រាប់​ជន​ពិការ​ភ្នែក ព្រម​ទាំង​គំនូស​បន្ទាត់​ខ្លីៗ​ជា​ច្រើន​បង្កើត​ឡើង​ដោយ​លេខ «៥០០០» ដ៏​តូច​ល្អិត។

៣.​ផ្នែក​ខាង​ខ្នង​នៃ​ធនបត្រ
null

  • ផ្នែក​កណ្ដាល ត្រូវ​បាន​រំលេច​ឡើង​នូវរូបភាព​រូប​នាគ​ក្បាល ៩ នៅ​ស្ពាន​បុរាណ​កំពង់ក្ដី និង​រូប​តួ​ស្ពាន មើល​បញ្ឆិត​ពី​ចំហៀង​ខាង​ស្ដាំ នៅ​ពី​លើ​រូប​ស្ពាន​មាន​តែង​លម្អ​ដោយ​ក្បាច់​ចម្លាក់ នៅ​ប្រាសាទ​បន្ទាយ​ស្រី និង​នៅ​ពី​ក្រោម​មាន​អក្សរ «ប្រាំពាន់រៀល»​។
  • ផ្នែក​ខាង​ស្ដាំ ជ្រុង​លើ​មាន​លេខ “5000” បោះពុម្ព​តាម​បន្ទាត់​បញ្ឈរ នៅ​កណ្ដាល​ជា​រូប​ចម្លាក់​នៅ​ប្រាសាទ​បាយ័ន និង​នៅ​ជ្រុង​ក្រោម​មាន​លេខ «៥០០០»។
  • ផ្នែក​ខាង​ឆ្វេង ជ្រុង​លើ​មាន​អក្សរ «ធនាគារ​ជាតិ​នៃ​កម្ពុជា» អក្សរ “NATIONAL BANK OF CAMBODIA” និង​លេខ “2015” និង​នៅ​កណ្ដាល​មាន​រូបភាព​ព្រាលៗ​នៃ​រូប​ចម្លាក់​ព្រះកេស​ទេវតា​នៅ​ឯ​ទ្វារ​ជ័យ​ខាង​ត្បូង​នៅ​ប្រាសាទ​បាយ័ន និង​ក្បាច់​តែង​លម្អ​ពណ៌​ប្រាក់ ផ្ដុំ​ឡើង​ដោយ​លេខ​ «៥០០០» ព្រម​ទាំង​រូបភាព​អង្គ​ដៅ​ចំណាំ​ខាង​ខ្នង​ដែល​មើល​​ឆ្លុះ​ឃើញ​លេខ “5000” ផ្កាប់​ និង​នៅ​ជ្រុង​ក្រោម​មាន​លេខ «៥០០០»។

លក្ខណៈ​ពិសេស​និង​លក្ខណៈ​សម្គាល់​នៃ​ក្រដាស​ប្រាក់​១០០០​រៀល​ថ្មី៖

​​១.​លក្ខណៈ​ទូទៅ

  • ទំហំ​ធនបត្រ៖​បណ្ដោយ​១៤២​មម​និង​ទទឹង​៦៨​មម
  • ពណ៌​ចម្បង​គឺ​ពណ៌​ផ្ទៃ​មេឃ​និង​ពណ៌​ខៀវ​និង​ពណ៌​លឿង​ទុំ

​​២.​ផ្នែក​ខាង​មុខ​នៃ​ធនបត្រ​​
null

  • ផ្នែក​កណ្ដាល ខាង​ស្ដាំ​ត្រូវ​បាន​រំលេច​ឡើង​នូវ​ឆាយាល័ក្ខណ៍​នៃ​ព្រះ​បរម​រតន​កោដ្ឋ​ព្រះបាទ នរោត្ដម​សីហនុ​វរ្ម័ន កាល​ពី​ព្រះអង្គ​​គង់​ប្រថាប់​ក្នុង​ព្រះបរម​រាជ​សម្បត្តិ។ ចំណែក​ខាង​ឆ្វេង​មាន​លេខ «១០០០» នៅ​ពី​លើ​គេ បន្ទាប់​មក​ពី​ជា​ហត្ថលេខា​របស់​ទេសាភិបាល និង​អគ្គបេឡា ព្រម​ទាំង​រូប​តែង​លម្អ យក​តាម​រូប​ក្បាច់​ហោជាង នៅ​ប្រាសាទ នៃ​ព្រះបរម​រាជវាំង និង​ខាង​ក្រោម​នោះ​មាន​លេខ-មាលា​បោះពុម្ព​ដោយ​ទឹក​ខ្មៅ​ពណ៌​ខ្មៅ។ កាន់​តែ​ពិសេស​ក្រដាស​ប្រាក់​ ១០០០​រៀល​ថ្មី​នេះ មាន​រូប​ក្បាល​នាគ​ ៥​នៅ​ប្រាសាទ​បឹង​មាលា និង​អក្សរ​ «មួយ​ពាន់​រៀល» ព្រម​ទាំង​អក្សរ «អ្នក​ក្លែង​ក្រដាស​ប្រាក់​នឹង​ត្រូវ​ផ្ដន្ទាទោស​តាម​ច្បាប់» នៅ​គែម​ខាង​ក្រោម​នោះ។
  • ផ្នែក​ខាងស្ដាំ ជ្រង​លើ​មាន​អក្សរ «ធនាគារ​ជាតិ​នៃ​កម្ពុជា» ព្រម​ទាំង​មាន​លេខ-មាលា​បោះពុម្ព​ដោយ​ទឹក​ខ្មៅ​ពណ៌​ក្រហម និង​នៅ​កណ្ដាល​មាន​រូប​ភាព​អង្គ​ដៅ​ខាង​មុខ ដែល​មើល​ឆ្លុះ​ឃើញ​លេខ “1000” និង​ជ្រុង​ក្រោម​មាន​លេខ «១០០០» ព្រម​ជាមួយ​លេខ “1000” នៅ​ពី​ក្រោម​នោះ។
  • ផ្នែក​ខាងឆ្វេង មាន​លេខ “1000” ព្រាល​ៗ​បោះពុម្ព​តាម​បន្ទាត់​បញ្ឈរ ព្រម​ទាំង​រូបភាព​តែង​លម្អ​ពណ៌​ប្រាក់​យក​លំនាំ​តាម​ក្បាច់​ចម្លាក់​នៅ​ប្រាសាទ​បន្ទាយ​ស្រី បោះពុម្ព​កាត់​ទទឹង​ក្រដាស​ប្រាក់​ពី​លើ​ដល់​ក្រោម និង​ជ្រុង​ក្រោម​មាន​និមិត្ត​សញ្ញា​សម្គាល់​ប្រភេទ​ប្រាក់​សម្រាប់​ជន​ពិការ​ភ្នែក ព្រម​ទាំង​គំនូស​បន្ទាត់​ខ្លីៗ​ជា​ច្រើន​បង្កើត​ឡើង​ដោយ​លេខ «១០០០» ដ៏​តូច​ល្អិត។

៣.​ផ្នែក​ខាង​ខ្នង​នៃ​ធនបត្រ
null

  • ផ្នែក​កណ្ដាល​ត្រូវ​បាន​រំលេច​ឡើង​នូវ​រូបភាព​ព្រះទីនាំង​ទេវា​វិនិច្ឆ័យ​មើល​បញ្ឆិត​ពី​ចំហៀង​ពី​ជ្រុង​មុខ​ខាង​​​ឆ្វេង​និង​នៅ​ពី​ក្រោម​​នោះ​មាន​អក្សរ​«១​ពាន់រៀល»​។
  • ផ្នែក​ខាង​ស្ដាំ​ជ្រុង​លើ​មាន​លេខ​”1000″​បោះពុម្ព​តាម​បន្ទាត់​បញ្ឈរ​នៅ​កណ្ដាល​ជា​រូប​ចម្លាក់​គ្រុឌ​ឈរ​ទ្រ​ចែង​ប្រាសាទ​ព្រះរាជ​ដំណាក់​ច័ន្ទ​និង​នៅ​ជ្រុង​ក្រោម​មាន​លេខ​«១០០០»។
  • ផ្នែក​ខាង​ឆ្វេង​ជ្រុង​លើ​មាន​អក្សរ​«ធនាគារ​ជាតិ​នៃ​កម្ពុជា»​អក្សរ​”NATIONAL​BANK​OF​CAMBODIA”​និង​លេខ​”2016”​និង​នៅ​កណ្ដាល​មាន​រូបភាព​ព្រាលៗ​នៃ​រូប​ចម្លាក់​ដាក់​តាំង​នៅ​ព្រះ​បរម​រាជវាំង​នៃ​អតីត​ព្រះ​មហាក្សត្រ​ព្រះបាទ​នរោត្ដម​ទ្រង់​ឈរ​ប្រថាប់​លើ​ព្រះទីនាំង​ពាលី​ព្រម​ជាមួយ​ក្បាច់​តែង​លម្អ​ពណ៌​ប្រាក់​ផ្ដុំ​ឡើង​ដោយ​លេខ​​«១០០០»​ផ្ទុយ​គ្នា​និង​នៅ​ជ្រុង​ក្រោម​មាន​លេខ​«១០០០»។

តាម​សេចក្ដី​ប្រកាស​របស់​ធនាគារ​ជាតិ​​នៃ​កម្ពុជា​ចាប់​ពី​ថ្ងៃ​ប្រកាស​នេះ​ត​ទៅ​ធនបត្រ​ប្រភេទ​​៥០០០​រៀល​និង​១០០០​រៀល​គំរូ​ថ្មី​ត្រូវ​បាន​ដាក់​ឱ្យ​ធ្វើ​ចរាចរ​ទន្ទឹម​គ្នា​ជាមួយ​ធនបត្រ​ជាតិ​ប្រភេទ​ផ្សេងៗ​ទៀត​ដែល​ត្រូវ​បាន​ចេញ​ផ្សាយ​រួច​មក​ហើយ។​ដូច្នេះ​សាធារណជន​ត្រូវ​ពិនិត្យ​-សម្គាល់​ធនបត្រ​គំរូ​ថ្មី​នេះ​ឱ្យ​បាន​ច្បាស់​លាស់​ដើម្បី​ជៀសវាង​ការ​ភ័ន្ត​ច្រឡំ៕

អត្ថបទ៖ថោ ច័ន្ទឬទ្ធិ

===============
អាន​ផង​ដែរ៖
១. គម្រប់​១៣​ឆ្នាំ​គ្រងព្រះបរម​សិរីរាជសម្បត្តិ

ចម្ងាយ​ពី​ភ្នំពេញ​ទៅ​បណ្ដា​ខេត្ត​ក្រុង ព្រហស្បតិ៍ 26 តុលា 2017

Posted by រដ្ឋ in ទីនេះ​កម្ពុជា, ពីនេះ​ពីនោះ.
add a comment

ចម្ងាយ​ពី​ភ្នំពេញ​ទៅ​បណ្ដា​ខេត្ត​ក្រុងចុច​មើល​រូប​ធំ
ស្រង់​ពី​គេហទំព័រ​សាលារាជធានី​ភ្នំពេញ

ទិវា​រំឭក​ខួប​​នៃ​កិច្ច​ព្រមព្រៀង​សន្តិភាព​ទីក្រុង​ប៉ារីស លើក​ទី២៦ ចន្ទ 23 តុលា 2017

Posted by រដ្ឋ in ព្រឹត្តិការណ៍​សំខាន់.
add a comment

ttttt
ទិវា​រំឭក​ខួប​​នៃ​កិច្ច​ព្រមព្រៀង​សន្តិភាព​ទីក្រុង​ប៉ារីស
លើក​ទី២៦
២៣​ តុលា ១៩៩១ – ២៣ តុលា ២០១៧

null

Cambodian WordPress Community Meetup at Barcamp ASEAN សៅរ៍ 21 តុលា 2017

Posted by រដ្ឋ in Wordpress.com.
add a comment
  •  Saturday, October 21, 2017 8:00 AM

    to

  • Russian Conf. Blvd, Phnom Penh (map)

  • Hey what’s up guys! Cambodian WordPress Community Meetup is coming back next weekend!

    We’ll host our meetup together with Barcamp Asian with 2 sessions:

    1. How to build an online course website using WordPress by Sereyboth Yorn, Co-Founder and Advisor, ThemeCountry

    2. Continuous Delivery with WordPress and BitBucket Pipelines by Tepken Vannkorn, Co-Founder, CAMWP DEV

    When? 21st-22nd October, 2017Where? Institute of Technology of Cambodia (ITC)

    There is no entrance fees and you’ll have a chance to get free T-Shirts by registering here https://barcampasean2017.eventbrite.com/

     

null

ទៅ​ភ្នំពេញ​មួយ​ជើងទៀត សុក្រ 20 តុលា 2017

Posted by រដ្ឋ in កំណត់​ហេតុ, រឿងរ៉ាវ​របស់​ខ្ញុំ.
2 comments

ព្រឹក​មិញ​នេះ ខ្ញុំ​ត្រូវ​ត្រលប់​ទៅ​ភ្នំពេញ​វិញ​ម្ដង​ទៀត ដោយសាតែ​ការងារ​ពី​ម្សិលមិញមិន​ទាន់​រួច​រាល់ ។ គេ​បាន​ទូរសព្ទ​ប្រាប់​កិច្ចការ​ស្រប​ពេល​ខ្ញុំ​ជិះ​ជិត​ដល់​ផ្ទះ​ហើយ ទើប​ធ្វើ​ឱ្យ​ខាត​អស់​មួយ​ជើង​ដូច្នេះ ។

ជាទម្លាប់​ ខ្ញុំ​ទៅ​ភ្នំពេញ​ម្នាក់​ឯងស​មិនដែល​ដេកផ្លូវ​ទេ ព្រោះ​បើកឡាន​ទៅ​ខ្លួន​ឯង ណាមួយ​ចម្ងាយ​ផ្លូវ​ពី​ផ្ទះ​ទៅ​ភ្នំពេញ​ទៅ​មក​ប្រមាណ​ជា​តែ ១២០គម​ប៉ុណ្ណោះ​ឯង ។

មិន​ភ្លេច​ទេ ឆ្លៀត​ឱកាស​ពេល​ឈប់​ស្តុប​ខ្ញុំ​ផ្ដិត​រូប​ទីក្រុង​ភ្នំពេញ​ទុក​ទស្សនា ។ សូម​ទស្សនា​របស់​ប្លែក​ៗ៖

null
ទិដ្ឋភាព​ទីក្រុង​ភ្នំពេញ​បច្ចុប្បន្ន (២០ តុលា ២០១៧)
null
ទិដ្ឋភាព​ទីក្រុង​ភ្នំពេញ​បច្ចុប្បន្ន (២០ តុលា ២០១៧)
null
ទិដ្ឋភាព​ទីក្រុង​ភ្នំពេញ​បច្ចុប្បន្ន (២០ តុលា ២០១៧)

==================
ប្រកាសទាក់ទង៖

១. ទៅ​ភ្នំពេញ​មាន​កិច្ច​សំខាន់​មួយ​ចំនួន

ទៅ​ភ្នំពេញ​មាន​កិច្ច​សំខាន់​មួយ​ចំនួន ព្រហស្បតិ៍ 19 តុលា 2017

Posted by រដ្ឋ in កំណត់​ហេតុ, រឿងរ៉ាវ​របស់​ខ្ញុំ.
1 comment so far

ព្រឹក​មិញ (១៩ តុលា ២០១៧) ​ត្រូវ​ទៅភ្នំពេញ​ធ្វើ​កិច្ច​ចាំបាច់​មួយ​ចំនួន ។ ខ្ញុំ​រក​ឃើញ​វិធីសាស្ត្រ​មួយ​ក្នុង​ការ​ចូល​រាជធានី​គុជ​កុំ​ឱ្យ​ស្ទះ គឺ​ខ្ញុំ​ត្រូវ​ក្រោក​ទៅ​ពី​ម៉ោង ៥​ព្រឹក ដូច្នេះ​ខ្ញុំ​អាច​ទៅ​ដល់​រាជធានី​នៃ​យើង​ខ្ទង់​ម៉ោង ៧​ព្រឹក បែប​មិន​សូវ​ស្ទះ​ខ្លាំង​ទេ ។

ថ្ងៃ​មុន​ខ្ញុំ​ជ្រុល​ទៅ​ម៉ោង ៦ព្រឹក ម៉ែ​អើយ​ដល់​រាជធានី​ម៉ោង​ ៨ព្រឹក គឺ​ស្ទះ​តាំង​ពី​ហាងនំប៉័ង​បាយ័ន​ម៉្លេះ ព្រោះ​ស្ពាន​ជ្រោយ​ចង្វារ​ជិះ​បាន​តែ​ម្ខាង ខណៈ​ម្ខាង​ទៀត (ស្ពាន​ជ្រោយចង្វារ​ចាស់) កំពុង​ត្រូវ​បាន​ជួសជុល​ដោយ​អាជ្ញាធរ​រាជធានី ។

ខ្ញុំ​ត្រូវ​ធ្វើ​កិច្ច​សំខាន់​បី​ថ្ងៃ​នេះ ដោយ​ចាប់​ផ្ដើម​ពី​ចំណុច បាក់ទូក រួច​ទៅម្ដុំ​ក្រសួង​ការងារ និង​ចុង​ក្រោយ​បុកទៅ​ម្ដុំ​ក្បែរ​ៗ​ព្រះ​បរមរាជវាំង (តែ​មិនមែន​ទៅ​ស្បថ​នៅ​ព្រះ​អង្គដង្កើទេ សូម​បង​ប្អូន​កុំ​យល់​ច្រឡំ ដ្បិត​ថ្ងៃ​នេះ​ថ្ងៃ​សីល) ។

null
ទិដ្ឋភាពស្ពាន​អាកាស ៧មករា
null
ទិដ្ឋភាពស្ពាន​អាកាស ៧មករា

null
ព្រះ​បរមរាជវាំង
null
ប្រទីប​របស់​ក្រសួង​ព្រះ​បរមរាជវាំង ត្រៀម​ដាក់​បណ្ដែត​បុណ្យ​អុំទូក
null
ប័ណ្ណ​ផ្សព្វផ្សាយ​ពី​ព្រះរាជពិធីបុណ្យ​អុំ​ទូក របស់​គណៈកម្មការបុណ្យជាតិ-អន្តរជាតិ បិទផ្សាយ​តាម​ដើមឈើ​ធំៗ និង​ទីសាធារណៈ​ក្នុង​រាជធានី

=================
ប្រកាសទាក់ទង៖
១. ទៅ​ភ្នំពេញ​មួយ​ជើង​ទៀត

ខួប​គម្រប់ ៥​ឆ្នាំ យាង​សោយ​ទិវង្គត​នៃ​អតីត​ព្រះ​មហាក្ស័ត្រិយ៍ ព្រះ​បរម​រតនកោដ្ឋ អាទិត្យ 15 តុលា 2017

Posted by រដ្ឋ in អតីត​ព្រះ​មហាវីរក្ស័ត្រិយ៍.
add a comment

សូម​គោរព​ព្រះ​វិញ្ញាណក្ខន្ធ
ព្រះ​ករុណា ព្រះបាទ​សម្ដេច ព្រះ​នរោត្តមសីហនុ
ព្រះ​មហាវីរក្ស័ត្រិយ៍ ព្រះ​វររាជ​បិតា​ជាតិ​ខ្មែរ ព្រះ​បរម​រតនកោដ្ឋ
ជាទី​គោរពសក្ការៈ
១៥ តុលា ២០១២ – ១៥ តុលា ២០១៧

null