jump to navigation

ឆ្លង​ឆ្នាំ​នៅ​ឯណា? សៅរ៍ 30 ធ្នូ 2017

Posted by រដ្ឋ in ពីនេះ​ពីនោះ, រឿងរ៉ាវ​របស់​ខ្ញុំ.
add a comment

[ផ្សាយ​ម្ដងទៀត]

កាន់​តែ​កៀក​ហើយ កាន់​តែ​កៀក​ហើយ​បង​ប្អូន! ឲ្យ​តែ​ដល់​ពេល​មុន​ឆ្នាំ​ថ្មី​មក​ដល់ គ្រា​នេះ​ជា​សម័យ​ដែល​គេ​ចូលចិត្ត​សួរ​ថា ឆ្លង​ឆ្នាំ​នៅ​ឯណា យប់​ថ្ងៃ​ទី៣១? ជា​សំណួរ​ទំនើប​មួយ​ដែល​ខ្ញុំ​ទើប​តែ​ឮ​ពីរ​បី​ឆ្នាំ​ចុង​ក្រោយ​នេះ​ទេ ។ មិន​ថា​នៅ​ក្រុង នៅ​ខែត្រ​ទេ រដ្ឋបាល​ប្រចាំ​តំបន់​គេ​តែង​រៀប​ចំ​ពិធី​អធិកអធម​មួយ​សម្រាប់​អបអរ​ឆ្នាំ​សកល​ថ្មី​មក​ដល់ តែ​ការ​ធ្វើ​នេះ​ភាគ ច្រើន​តែ​តាម​ទី​ប្រជុំ​ជន​ប៉ុននោះ​ឯង នៅតាម​ស្រុក​ស្រែ​យ៉ាង​ហោច​គេ​ចាក់​ធុង​បាស់​រាំ​ គ្រាន់​ជាន់​ជើង​គ្នា​លេង​អបអរ​ឆ្នាំ​ថ្មី​តែ​ប៉ុណ្ណឹង ! មិន​សូវ​ដឹង​ដែរ​ព្រោះ​អត់​បទ​ពិសោធន៍​ខាង​ហ្នឹង ។

មើល៍… បើ​ជា​លោក​អ្នក​វិញ គួរ​ឆ្លើយ​ថា​ម៉េច​បើ

​គេ​សួរ​ច្នោះ? បើ​ខ្ញុំ​វិញ មិន​ដឹង​ជា​មាន​អី​គួរ​ឲ្យ​ព្រឺ​រោម​ផង គ្រាន់​ដឹង​ក្នុង​ចិត្ត​ថា​ផុត​យប់​ថ្ងៃ ៣១​ខែធ្នូ គឺ​ចូល​ឆ្នាំ​ថ្មី​តែ​ប៉ុណ្ណឹង ។ និយាយ​ទៅ​ខ្ញុំ​មិន​ដែល​ស្គាល់​អា​រសជាតិ​ខោនដោន​ស្អី​ហ្នឹង​ផង កាល​ប៉ុន្មាន​ឆ្នាំ​មុន (​រាល់​ឆ្នាំ​ក៏​​ដោយ) ​នៅ​ស្រុក​ខ្ញុំ​បាទ (វេទិកា​ខែត្រ) គេ​រៀប​បាញ់​កាំជ្រួច​ដែរ​តើ បើ​អត់​ដឹង​រឿង​ក៏​មិន​បាន​ទៅ​លេង​នឹង​គេ​ដដែល​ហ្នឹង យប់​ព្រលប់​ដេក​នៅ​ផ្ទះ ឱប​ក្បាល​ពោះ​ក៏​ម្យ៉ាង ហេហេ ។

បើ​អ្នក​ភ្នំពេញ​វិញ គេ​ទៅ​មាត់​ទន្លេ​ឆ្លង​ឆ្នាំ ហើយ​បើ​អ្នក​គ្រាន់​គេ​អាច​ទៅ​ប៊ូហ្វេ​ក្រេប​វ៉ាញ​តាម​ហាង ឬ​សណ្ឋាគរ​ធំៗ ឬ​អ្នក​ខ្លះ​ចូល​រួម​អបអរ​សាទរ​នៅ​មុខ​ណាហ្កា នៅ​សួន​សម្ដេច​ដេជោរ​ មើល​គេ​ប្រគំ​តន្ត្រី ។ល។ ឯ​ក្រុម​អ្នក​ខ្លះ​គេ​អាច​ហួស​ទៅ​ឆ្ងាយ​ពីរាជ​ធានី ដល់​ក្រុង​អង្គរ​វត្ត ឬ​ដល់​ឆ្នេរ​សមុទ្ទ​អី​ចឹង ឬ​ឯនេះ​ឯនោះ​អីចឹង… គឺ​ធ្វើ​យ៉ាង​ណា​ឲ្យ​តែ​ជីវិត​មាន​ន័យ​ទៅ​បាន​ហើយ តែ​មិន​ដល់​ថ្នាក់​ជ្រៅ​ដូច​ស្រា​ផែនដី​ទេ ។

ការ​ពិត​ទៅ​ឆ្លង​ឆ្នាំ​នៅ​ឯណា ក៏​គង់​តែ​កញ្ចាស់​ឡើង​អាយុ​ដូច​តែ​គ្នា​ទេ កុំ​ភ័យ ។ ចាំ​មើល​ដល់​ថ្ងៃ​ហ្នឹង​មើល បាន​ទៅ​ណា​អត់ ព្រោះ​អត់​ចេះ​គ្រោង​អ្វី​ទេ ថា​ត្រូវ​ទៅ​គឺ​ទៅ អត់​គឺ​អត់… អេ! ប្រិយ​មិត្រ​ខ្សែ​ទូរស័ព្ទ​សូម​បញ្ចូល​លុយ​ឲ្យ​ពេញ​ផង​គ្រាន់​ផ្ញើ​មីសេក​ជូន​ពរ​គ្នី​គ្នា (កុំ​ភ្លេច​ផ្ញើ​មក​ខ្ញុំ​ផង អរគុណ​ទុក​ជា​មុន​បាទ! 😉 ) ហើយ​ហាម​បិទ​ទូរ​ស័ព្ទ​ប្រយ័ត្ន​អត់​ដឹង​គេ​ផ្ញើ​ឲ្យ ៕

Advertisements

កាល​បរិច្ឆេទ​ចន្ទគតិ​​អាច​នឹង​ប្រើ​ទាំង​រដ្ឋ​ប្រើ​ទាំង​ឯកជន? សុក្រ 22 ធ្នូ 2017

Posted by រដ្ឋ in ទីនេះ​កម្ពុជា, ពីនេះ​ពីនោះ.
add a comment

សម្រាប់​ខ្ញុំ​ប្រហែល​ជា​ព័ត៌មាន​ភ្ញាក់​ផ្អើល​ដែរ ដែល​ពី​ដំបូង​ដែល​កាល​រាជរដ្ឋាភិបាល​កម្ពុជា​ចេញ​សារាចរ​ណែនាំ​ឱ្យ​ប្រើ​ប្រាស់​កាល​បរិច្ឆេទ​ថ្មី​សម្រាប់​ឯកសារ​គតិ​យុត្ត​និង​រដ្ឋបាលនានានោះ ខ្ញុំ​ស្មាន​តែ​ប្រើ​សម្រាប់​តែ​ក្រសួង​ឬ​ស្ថាប័ន​រដ្ឋ​ទេ​ដែល​ត្រូវ​ប្រើ ស្រាប់​តែ​នៅ​កន្លែង​ធ្វើ​ការ​ឮ​គេប្រាប់​ថា​ឱ្យ​អាប់ដេត​បណ្ដើរ​ៗ​ទៅ​សម្រាប់​ឯកសារ​ណា​ដែល​ត្រូវ​ប្រើ ឬ​ឆ្លង​កាត់​អាជ្ញាធរ​ឃុំ​/សង្កាត់ ឬ​ស្រុក/ខណ្ឌ ផ្សេងៗ​ក្រែង​ពួក​គាត់​ទាមទារ​ឱ្យ​ប្រើ​តាម​សារាចរ ។ ថ្នាក់​ដឹក​នាំ​ម្នាក់​បាន​បង្ហើប​ដូច្នេះ ដោយ​គាត់គិត​ថា​ក្រុម​ហ៊ុន​​របស់​យើង​ទំនង​នឹង​ចេញ​សេចក្ដី​ណែនាំ​រាល់​ឯកសារ​នានាត្រូវ​តែ​ប្រើ​កាល​បរិច្ឆេទ​របៀប​នេះ​ឆាប់​ៗ​មិនខានឡើយ ។

គួរ​រំឭក​ផង​ដែរ កាល​ពី​ពេល​កន្លង​ទៅ​ថ្មី​ៗនេះ (១៤ ធ្នូ ២០១៧) រាជ​រដ្ឋាភិបាល​កម្ពុជា បានចេញ​សារាចរ​ណែនាំ​ជា​ផ្លូវ​ការ​អំពី​ការ​ប្រើប្រាស់​កាល​បរិច្ឆេទ​ថ្មី ទាំង​ចន្ទគតិ ទាំង​សុរិយគតិ​ក្នុង​លិខិត​បទដ្ឋាន​គតិយុត្ត និង​លិខិត​រដ្ឋបាលនានា​​ដល់​ក្រសួង​ ស្ថាប័ន​ទាំងអស់ ដើម្បី​ឱ្យ​មាន​ភាព​ស៊ី​ចង្វាក់​គ្នា​ និង​រលូន ឬ​ឱ្យ​មាន​ស្ដង់ដារ​រួម​មួយ ៕

———————
អាន​ប្រកាស៖
១. សារាចរ​ស្ដី​ពីការ​ប្រើកាល​បរិច្ឆេទ​ថ្មី

លើក​នេះ​ទៅ​ភ្នំពេញ៥​ថ្ងៃ សៅរ៍ 16 ធ្នូ 2017

Posted by រដ្ឋ in កំណត់​ហេតុ.
add a comment

ស្អែក​នេះ (១៧ ធ្នូ ២០១៧) ខ្ញុំ​ត្រូវ​ឡើង​ទៅ​ភ្នំពេញ​ទៀត​ហើយ ដើម្បី​បំពេញ​ការងារ​មួយ​ចំនួន​រយៈពេល ៥​ថ្ងៃ ។ លើក​នេះ​ខុស​ពី​ពេល​មុនៗ ដែល​ជា​ទម្លាប់​ខ្ញុំ​ក្រោក​ពី​ព្រលឹម​អុលៗ​ដើម្បី​បើក​ឡាន​ទៅ​ម្នាក់​ឯង ដោយ​លើក​នេះ​អមដោយ​សហសេវិក​២នាក់​ រួម​នឹង​ប្អូន​ថ្លៃ​ម្នាក់​ទៀត​សុំ​ដោយ​សារ​ជាមួយ​ផង ។

​ដំណើរ​លើក​នេះ គឺ​ចាប់​ផ្ដើម​ពីព្រឹក​​ថ្ងៃ​ទី១៧ ដល់​២២ធ្នូ ។ យើង​ធ្វើ​ការ ៥​ថ្ងៃ (១៨-២២ ធ្នូ) ហើយ​រំពឹង​ថា​ត្រលប់​មក​ផ្ទះ​វិញ (កំពង់ថ្ម) នៅ​ល្ងាច​ថ្ងៃ២២​តែ​ម្ដង ៕

——————–
អាន​ផងដែរ៖
១. ទៅ​ភ្នំពេញ​៤​ថ្ងៃ

សារាចរ​ស្ដី​ពីការ​ប្រើកាល​បរិច្ឆេទ​ថ្មី ព្រហស្បតិ៍ 14 ធ្នូ 2017

Posted by រដ្ឋ in ទីនេះ​កម្ពុជា, ពីនេះ​ពីនោះ.
1 comment so far

ថ្ងៃ​នេះ (១៤ ធ្នូ ២០១៧) រាជ​រដ្ឋាភិបាល​កម្ពុជា ចេញ​សារាចរ​ណែនាំ​ជា​ផ្លូវ​ការ​អំពី​ការ​ប្រើប្រាស់​កាល​បរិច្ឆេទ​ថ្មី ទាំង​ចន្ទគតិ ទាំង​សុរិយគតិ​ក្នុង​លិខិត​បទដ្ឋាន​គតិយុត្ត និង​លិខិត​រដ្ឋបាល​នានា ។ បើ​តាម​ខ្ញុំ​មិន​ច្រឡំ​នោះ​ទេ សារាចរ​នេះ​គឺ​កើត​ឡើងពី​សម្ដេច​នាយករដ្ឋមន្ត្រី​លោក​ចាប់​អារម្មណ៍​នឹង​ក្រសួង​រដ្ឋ​មួយ​ដែល​ប្រើ​ទម្រង់​កាល​បរិច្ឆេទ​នេះ ហើយ​លោក​សរសើរ​ថា ជា​ការ​ល្អ​ដែល​នៅ​រក្សា​ការ​ប្រើ​កាល​បរិច្ឆេទ​ចន្ទ​គតិ​ផង​នៅ​ក្នុង​លិខិត​រដ្ឋបាល​នានា​កន្លង​មក ។ សូម​ទស្សនា​សារាចរ​ និង​ឧទាហរណ៍​ខាង​ក្នុង​ហ្នឹង​ផង ។

null
null

ភ្ជាប់​ពាក្យ​ប្អូន​ថ្លៃ អាទិត្យ 10 ធ្នូ 2017

Posted by រដ្ឋ in កំណត់​ហេតុ, រឿងរ៉ាវ​របស់​ខ្ញុំ.
3 comments

បន្តបន្ទាប់​គ្នា​បន្ទាប់​ពី​ពិធី​រៀប​មង្គល​ការ​បងប្រុស​របស់​ខ្ញុំ​រួច​រាល់ យើង​មាន​កម្មវិធី​ភ្ជាប់​ពាក្យ​ប្អូន​ថ្លៃ​ស្រី​ម្នាក់​ទៀត ។ ពិធី​ភ្ជាប់​ពាក្យ​នេះ ធ្វើ​ចំ​ថ្ងៃ​សម្រាក (១០ ធ្នូ ២០១៧) ដើម្បី​ជា​ការ​ងាយ​ស្រួល​ផង ទាំង​ខ្ញុំ​ទាំង​ប្រពន្ធ​ផង បាន​នៅ​ជួយ​រៀបចំ​ពិធីឲ្យ​រលូន ។

តាម​ពេលា​ដែល​រក​បាន និង​ដើម្បី​ជា​សិរី​សួស្ដី​ផង ពិធី​នេះ​គេ​តម្រូវ​ឲ្យ​ខាង​ប្រុស​រាប់​ទាំង​ឪពុកម្ដាយ​សាច់​ញាតិ​ជិតស្និទ្ធ​ចូល​មក​ផ្ទះ​ខាង​ស្រី​ឲ្យ​បាន​ពី​ព្រឹក គឺ​នៅ​ម៉ោង ៧ព្រឹក ។

ដោយ​សង្ខេប ពិធី​ភ្ជាប់​ពាក្យ​នេះ​មាន​ចំណុច​គួរ​ឲ្យ​ចាប់​អារម្មណ៍​មួយ​ចំនួន​ដូច​ជា៖ ការ​ជួបគ្នា​រវាង​ឪពុកម្ដាយ​ទាំង​សង្ខាង ការ​យល់ព្រមព្រមព្រៀងគ្នា​ព្រមទទួល​យក​កូន​ទាំង​ពីរ​ដើម្បី​ភ្ជាប់​ពាក្យ​ភ្ជាប់​សម្ដី​នឹង​គ្នា ពិធីប្រគល់លុយបង្គាប់ (ថ្លៃទឹកដោះ ឬថ្លៃផ្ទះ ហៅតាម​តំបន់ តែ​ស្រុកនេះ​ច្រើន​ហៅថ្លៃ​ផ្ទះ) រួម​នឹង​ពិធី​បំពាក់ចិញ្ចៀន​ភ្ជាប់​ពាក្យ និងពិធី​សែន​ចងដៃ ។ ពិធីសែន​ចងដៃ ក្នុង​គ្រា​នេះ ខ្ញុំ​មិន​ដឹង​ច្បាស់​ពី​ប្រភព​ណាមួយ​ទេ ខ្ញុំ​គ្រាន់​តែ​ឃើញ​គេ​ធ្វើ​តៗ​គ្នា​រៀង​មក មិន​ទូទៅ​ឡើយ ហើយ​ការចងដៃនេះ (ភ្ជាប់​នឹង​លុយ​ផងនោះ) សម្រាប់​តែ​សាច់​ញាតិ​ផ្ទាល់​ទាំង​ខាង​ប្រុស និង​ខាង​ស្រី​ប៉ុននោះ ឬអាច​មិត្ត​ភក្តិ​ជិតដិត​របស់​សាមី​ខ្លួន​ទាំង​ពីរ​ផង​ក៏​មាន រី​ឯ​ភ្ញៀវ​ដែល​មក​ចូល​រួម​តាម​ការអញ្ជើញ​ជា​កិត្តិយស​នោះ ពុំ​ចាំបាច់​ក៏​បាន ព្រោះពួក​គេ​នឹង​អញ្ជើញ​ម្ដង​ទៀត​នៅ​ពេល​មាន​ពិធី​រៀបមង្គល​ការ​មកដល់​នាពេលដ៏ខ្លី​ខាង​មុខ​។​ ការ​រៀបចំ​ទទួលភ្ញៀវ​ពិសាភោជនាហារ យើង​ធ្វើ​ទូទៅ​ធម្មតាគ្មាន​អ្វី​ពិសេស​ទេ គឺ​ពេល​ព្រឹក​មាន​បបរគ្រឿង និង​ពេលជិតថ្ងៃត្រង់​មាន​បាយម្ហូប ផ្លែឈើ បង្អែមនំ និង​​ភេសជ្ជៈ​ជាដើម ។

និយាយជារួម តាម​ពិតពិធីភ្ជាប់​ពាក្យ​នេះ ជា​ពិធី​តូច​មួយ​ ដែល​យើង​ធ្វើ​តែ​មួយ​កំណាត់​ថ្ងៃ​ពេល​ព្រឹក ដើម្បី​ជា​ការ​ប្រកាស​ឲ្យ​ដឹង​ឮ​ដល់​មនុស្ស​ទូទៅ​ផង​ទាំង​ពួង និង​សាច់​ញាតិ​ទាំង​សង្ខាង​ផង ពី​ទំនាក់ទំនង​ ដែល​ឈាន​ដល់​ការ​ភ្ជាប់​ពាក្យ​ភ្ជាប់​សម្ដី​រវាង​ឪពុក​ម្ដាយ​ចាស​ទុំ​ទាំង​សង្ខាង​ផង ។ មួយ​វិញ​ទៀត ពិធី​នេះ​ក៏​ពុំ​មែន​ចាំបាច់​ខាន​មិន​បាន​ដែរ យើង​ធ្វើ​ក៏​បាន មិន​ធ្វើ​ក៏​បាន ឲ្យ​តែ​ភាគី​ទាំង​ពីរ​ឯកភាព​គ្នា​ ៕

ទៅ​ភ្នំពេញ​៤​ថ្ងៃ អាទិត្យ 26 វិច្ឆិកា 2017

Posted by រដ្ឋ in កំណត់​ហេតុ.
1 comment so far

មាន​ការងារ​មួយ​ចំនួនត្រូវ​ធ្វើ​តាំង​ពី​ថ្ងៃ​ទី ២០ ខែ​វិច្ឆិកា​នេះ​ម៉្លេះ តែ​ដោយសារ​ជាប់​រវល់​ការ​បង​ប្រុស​ឯ​ខេត្ត​បន្ទាយមានជ័យ ក៏​សុំ​គេ​ពន្យារដល់​ថ្ងៃ​ទី២៧​តែ​ម្ដង​ទៅ​ ។

ព្រឹក​នេះ (២៧ វិច្ឆិកា ២០១៧) ខ្ញុំ​ត្រូវ​ងើប​ឡើង​ទៅ​ភ្នំពេញទាំង​ព្រឹក​តាម​ទម្លាប់ គឺ​ចាប់​ពី​ម៉ោង ៥​ព្រឹក ហើយ​នឹង​ទៅ​ដល់​ភ្នំពេញ​ម៉ោង​ប្រមាណ ៧​ព្រឹក​អី​នេះ​ឯង ។ ដំណើរ​លើក​នេះ​មានរយៈពេល​៤​ថ្ងៃ ហើយ​នឹង​ត្រលប់មក​វិញ​នៅ​ថ្ងៃសៅរ៍ ទី១ ខែ​ធ្នូ ដើម្បី​បំពេញ​ការងារ​ប្រចាំ​ថ្ងៃ​ដូច​ធម្មតា​វិញ​​​ គឺចូល​​ខែ​ថ្មី​តែ​ម្ដង ៕

———————–
ប្រកាសទាក់ទង
១/ ទៅ​ភ្នំពេញ​មាន​កិច្ច​សំខាន់​មួយ​ចំនួន
២/ ទៅ​ភ្នំពេញ​មួយ​ជើងទៀត
៣/ ទៅ​សៀមរាប
៤/ ត្រឡប់​ពី​ការ​បងប្រុស​វិញ

មក​មើល​ការ​បែង​ចែក​អាសនៈ​របស់​គ.ជ.ប សុក្រ 24 វិច្ឆិកា 2017

Posted by រដ្ឋ in ទីនេះ​កម្ពុជា, សេដ្ឋកិច្ច និង​នយោបាយ.
add a comment

null

កាល​ពី​ថ្ងៃ​ទី​២២ ខែ​វិច្ឆិកា ឆ្នាំ​២០១៧ គណៈកម្មាធិការជាតិ​រៀបចំ​ការ​បោះ​ឆ្នោត  (គ.ជ.ប) បាន​សម្រេច​បែងចែក​អាសនៈ​ដែល​ទំនេរ ស្រប​តាម​មាត្រា​188ស្ទួន នៃ​ច្បាប់​ស្ដី​ពី​វិសោធនកម្ម​ច្បាប់​ស្ដីពី​ការ​បោះ​ឆ្នោត​ជ្រើសតាំង​តំណាង​រាស្ត្រ​ ជូន​គណបក្ស​នយោបាយ​ដែល​បាន​ចូល​រួម​ក្នុង​ការ​បោះ​ឆ្នោត​ក្នុង​រាជធានី​ខេត្ត ក្នុង​សម័យ​បោះ​ឆ្នោត​ជ្រើសតាំង​តំណាង​រាស្ត្រ នីតិកាល​ទី៥ ឆ្នាំ​២០១៣ ។

គណបក្ស​ដែល​ទទួល​បាន​អាសនៈ​រួម​មាន៖​

  • គណបក្ស​ហ៊្វុនស៊ិន​ប៉ិច ទទួល​បាន ៤១ អាសនៈ
  • គណបក្ស​សម្ព័ន្ធ​ដើម្បី​ប្រជាធិបតេយ្យ ទទួល​បាន អាសនៈ
  • គណបក្ស​ខ្មែរ​ឈប់​ក្រ ទទួល​បាន អាសនៈ
  • គណបក្ស​សញ្ជាតិ​កម្ពុជា ទទួល​បាន អាសនៈ
  • គណបក្ស​ខ្មែរ​អភិវឌ្ឍ​ន៍សេដ្ឋកិច្ច ទទួល​បាន អាសនៈ

ដោយ​សារតែ​គណបក្ស​២​ខាង​លើ គឺគណបក្ស​សម្ព័ន្ធ​ដើម្បី​ប្រជាធិបតេយ្យ (៦អាសនៈ) និងគណបក្ស​ខ្មែរ​ឈប់​ក្រ (៥អាសនៈ) មិន​ទទួល​យក​អាសនៈ​ដែលគ.ជ.ប.​បែង​ចែក​នោះ ទើប គ.ជ.ប បាន​សម្រេច​បែងចែក​ឱ្យ​ទៅ​គណបក្ស​ប្រជាជន​កម្ពុជា (សរុប​បាន ១១អាសនៈ) ដែលជា​គណបក្ស​សំឡេង​ភាគ​ច្រើន​នៅ​ក្នុង​រដ្ឋសភា និង​ជា​គណបក្ស​កាន់​អំណាច ។

គួរ​រំឭកផង​ដែរ​ថា ​គណបក្សសង្គ្រោះ​ជាតិ ត្រូវ​បាន​តុលាការ​កំពូល​នៃ​ព្រះរាជាណាចក្រកម្ពុជា​សម្រេច​ចេញ​សាលដីការម្លាយ​ជាស្ថាពរ​ និង​បិទ​ផ្លូវ​តវ៉ា​​ទៅ​ហើយកាលពី ថ្ងៃទី១៦ ខែវិច្ឆិកា ឆ្នាំ២០១៧ ហើយបាន​ផ្អាក​សកម្មភាព​នយោបាយ​រយៈពេល ៥ឆ្នាំ ​របស់​ថ្នាក់​ដឹកនាំ​ជាន់ខ្ពស់​របស់​គណបក្ស​សង្គ្រោះ​ជាតិ ចំនួន១១៨​រូប​ផង​ដែរ ៕

================
ប្រកាស​ទាក់ទង៖
១. ប្រវត្តិសាស្ត្រ​ថ្មី​មួយ​ទៀត​សម្រាប់​​ថ្ងៃនេះ​គឺ​ការរម្លាយ​គណបក្ស​ប្រឆាំង​ដ៏ធំ​មួយ​នៅ​កម្ពុជា

ត្រឡប់​ពី​ការ​បងប្រុស​វិញ ព្រហស្បតិ៍ 23 វិច្ឆិកា 2017

Posted by រដ្ឋ in កំណត់​ហេតុ, រឿងរ៉ាវ​របស់​ខ្ញុំ.
1 comment so far

ថ្ងៃទី២៣ នេះ ត្រូវ​កំណត់​ត្រូវ​ត្រឡប់​ពី​ការ​បងប្រុសវិញ…

យើងចេញ​ពី​ខេត្ត​បន្ទាយមានជ័យ​ម៉ោង​ប្រមាណជាជាង​១២​ថ្ងៃ​ត្រង់ មក​ដល់​ត្រង់រង្វង់មូល​ក្រឡាញ់ ប្រពន្ធ​ខ្ញុំ​ឈប់​ទិញ​នំ​ជាច្រើន សម្រាប់​ផ្ញើ​អ្នក​រួម​ការងារ​ដែល​គេ​ឱ្យ​ទិញ​ឱ្យ ពេល​បាន​ជិះ​កាត់​ផ្សារ​ក្រឡាញ់ ខេត្ត​សៀមរាប​ និង​ទុក​បរិភោគតាម​ផ្លូវ​ផង ។

មក​ដល់​ខេត្ត​សៀមរាប ម៉ោង​ប្រមាណជា ២.៣០រសៀល  យើង​ឈប់​ចូលលេង​ខេត្ត​សៀមរាប​បន្តិច និងដោយ​ចង់​ឱ្យ​ម្ដាយ​ក្មេក​បាន​ទស្សនា​ស្ពាន​បណ្ដែត​ទឹក​ជា​របស់ប្លែក​ភ្នែកផង ។ ខ្ញុំ​ក៏បាន​មក​ជាន់​ស្ពាន​បណ្ដែត​ទឹកជា​លើក​ទី២ ។ សម្រាក​ និង​ថត​រូប​ទុក​ជា​អនុស្សាវរីយ៍​ជិត​១ម៉ោង យើង​ក៏​បន្ត​ដំណើរ​តទៅទៀត ហើយ​មក​ដល់​កំពង់ថ្ម​ម៉ោង​ជិត​៧យប់ ៕

=====================
អាន​ផងដែរទៅ​ការបងប្រុស

ខួប​៧ឆ្នាំ​សោកនាដកម្ម​​កោះពេជ្រមហារន្ធត់ ពុធ 22 វិច្ឆិកា 2017

Posted by រដ្ឋ in ប្រវត្តិសាស្ត្រ, ព្រឹត្តិការណ៍​សំខាន់.
add a comment

រំឭកថយ​ក្រោយ​បន្តិច កាល​ពី​៧ឆ្នាំ​មុន កាល​ដែល​ស្រុក​ខ្មែរ​ជួប​នៅ​មហាសោកនាដកម្ម​ដ៏​សែន​រន្ធត់​ក្រៃលែង ដែល​មនុស្ស​ខ្មែរ​ទាំងឡាយ​ទាំង​ពួង​ស្ទើរ​តែ​មិន​ជឿ​នឹង​ភ្នែក ។ វា​គឺ​ជា​គ្រោះ​ថ្នាក់​ចៃដន់ (?) មហាចៃដន់​គ្មាន​នរណា​គិតទុក ដែល​កើត​ពី​ការ​ផ្អើល​រត់​ជាន់​គ្នា​នៃ​បងប្អូន​ជនជាតិ​ខ្មែរ​ដែល​ទាំង​មក​ពី​បណ្ដា​ខេត្ត​និង​រាជធានី មក​ទស្សនា​ព្រះរាជពិធីបុណ្យ​អុំ​ទូក​កាល​ពី​ឆ្នាំ ២០១១ ។ ស្ដាប់​ទៅ​មិន​គួរឲ្យ​ជឿ តែ​វា​បាន​កើត​ឡើង​រួច​ទៅ​ហើយ ។

កាល​នោះ បើ​តាម​អ្វី​ដែល​ខ្ញុំ​ចាំ គឺ​គេ​និយាយ​តគ្នា​ពី​មាត់​មួយទៅ​មាត់​មួយ​ថា​មាន​ការ​ផ្ទុះ​អាវុធ បោក​គ្រាប់​បែក ធ្វើ​ឲ្យ​មនុស្ស​ផ្អើល ខ្លះ​ថា​ដាច់​ស្ពាន ខ្លះ​ថា​ដាច់​ខ្សែភ្លើងឆក់​តគ្នា ។ល។ រឿង​ដែល​ធ្ងន់​ជាង​គេ​នោះ គឺ​ពាក្យ​ថា​ដាច់​ស្ពាន​នេះ​ឯង ពេល​ដែល​មនុស្ស​ចាប់​ផ្ដើម​ឈរ​លើ​ស្ពាន (ស្ពានពេជ្រ) ចំនួន​លើសលុប ធ្វើ​ឲ្យ​ស្ពាន​មាន​ចលនា​រង្គើ​យោគៗ មនុស្ស​ចាប់​ផ្ដើម​ស្រែក​ខ្លាំង​ឡើងៗ ហើយ​ភាព​ភ័យ​ស្លន់ស្លោ​ តក់ស្លុត​កើត​មាន​ពេញ​ផ្ទៃ​មុខ​គ្រប់​គ្នា​ទៅ​ហើយ ហើយ​ភាព​ចលាចល​ចាប់​ផ្ដើម​កើត​មាន​ឡើង​ពេញ​បន្ទុក ។ នេះ​ក៏​ព្រោះ​តែ​សន្តិសុខ​​យាម​ក្បែរ​ស្ពាន​មិន​អាច​គ្រប់​គ្រង​ស្ថាន​ការណ៍​បាន​ទៅ​ហើយ ឬ​និយាយ​បាន​ម្យ៉ាង​ថា វា​ជិត​នឹង​ដល់​ពេល​គ្រប់​គ្នា​សម្រាក​ទៅ​ហើយ ព្រោះ​វា​ជា​យប់​ចុង​ក្រោយ​នៃ​ព្រះរាជពិធី​អុំទូក ។ មនុស្ស​រត់​ចូល​បញ្ច្រាស់​ទិស​គ្នា​លើ​ស្ពាន​ពេជ្រ​ដ៏​តូច​មួយ ហើយ​អ្វី​ដែល​កត់​សម្គាល់​នោះ ដែលយើង​ដឹង​តៗ​គ្នា​នោះ គឺ​ពេល​នោះ​រឿង​ដ៏​គួរ​ឲ្យ​ចាប់អារម្មណ៍​នោះ សម្រែក​មនុស្ស​ស្រែក​ថា ឆក់​ខ្សែភ្លើង​នោះឯង ហើយ​វា​ក្លាយ​ជា​អាថ៌កំបាំង​ពេញផ្ទៃ​ហេតុការណ៍​ដែល​គ្មាននរណា​និយាយ​ដោយ​ចំហ​ថា​ស្ពាន​នោះ​ពិត​ជា​សាងសង់​ខុស​បច្ចេកទេស​ឬ​យ៉ាង​ណា ។ […]​ ការ​ប្រកាស​នានា ទាំង​រដ្ឋាភិបាល ទាំង​សារព័ត៌មាន​នានា ចាប់​ផ្ដើម​រៀបរាប់​បន្ត​បន្ទាប់​ពី​តួលេខ​មនុស្ស​ស្លាប់ និង​បាត់ខ្លួន​ខ្ទង់​រយ​នាក់ ។

តើ​ពេល​នោះ​ខ្ញុំ​នៅ​ឯណា?

យប់​នោះ ខ្ញុំ​កំពុង​ដេក​ក្នុង​បន្ទប់​ជួល​មួយ​នៅ​ភ្នំពេញ ។ (ខ្ញុំ​មិន​ចាំ​ម៉ោង​ច្បាស់​ទេ ប្រហែល​ក្រោយ​កើត​ហេតុ​បន្តិច) ទូរសព្ទ​ខ្ញុំ​រោទិ៍​ឡើង…
-អាឡូ! ណារដ្ឋ នៅ​ឯណា? (គឺ​លេខ​នាយក​ខ្ញុំ​តេមក)
-បាទលោកគ្រូ (នៅ​គ្រឹះស្ថាន​ហិរញ្ញវត្ថុ គេ​និយម​ហៅ​គ្នា លោកគ្រូ) ខ្ញុំ​នៅ​ផ្ទះ
-ល្អ​ហើយ​ចឹង ហើយ​មាន​ដឹង​គ្នា​យើង​ណា ទៅ​លេង​កោះពេជ្រអត់? (ខ្ញុំ​នៅ​មីងមាំង​មិន​ដឹង​គាត់​និយាយ​ពី​ស្អី​ឲ្យ​ប្រាកដ​ទេ) គាត់​ប្រាប់​ពី​ហេតុការណ៍​កើត​ឡើង​និង​មាន​មនុស្ស​ស្លាប់ ហើយ​ឲ្យ​បើក​ទូរទស្សន៍​មើល…
ម៉ោង​ប្រហែល ៣យប់ បងស្រី​ខ្ញុំ​ពី​បន្ទាយមានជ័យ ក៏​តេ​មក​សួរ​ខ្ញុំ ក្រែង​ខ្ញុំ​ដើរ​លេង​យប់​ដែរ…
ខ្ញុំ​គេង​លែង​លក់ ហើយ​ឮមាត់​អ្នក​ជិត​ខាង​គេ​និយាយ​រអ៊ូៗ​ពី​រឿង​នេះទល់​ព្រឹក…

ការ​បង​ប្រុស អង្គារ 21 វិច្ឆិកា 2017

Posted by រដ្ឋ in កំណត់​ហេតុ, រឿងរ៉ាវ​របស់​ខ្ញុំ.
4 comments

ថ្ងៃ​នេះ​ (២១ វិច្ឆិកា ២០១៧) ជា​ថ្ងៃ​ចូល​រោង​នៃ​អាពាហ៍​ពិពាហ៍​របស់​បងប្រុស​ខ្ញុំ នៅ​ខេត្ត​បន្ទាយ​មានជ័យ ។ យើង​​ចេញ​ពី​កំពង់ធំ​ម៉ោង ៨ព្រឹកបូក​ទាំង​សម្រាក​តាម​ផ្លូវ​តិចតួច​ផង ​យើងទៅដល់​បន្ទាយមានជ័យ​ប្រហែល​ម៉ោង ១​រសៀល​ល្មម គឺ​ដើម្បី​ឱ្យ​ទាន់​កម្មវិធី​ពេល​ល្ងាច​ផង ។

ស្រុក​នេះ គេ​ទុក​ថ្ងៃ​ចូល​រោង​​ជា​ការ​សំខាន់​មួយ​នៃ​អាពាហ៍ពិពាហ៍​បច្ចុប្បន្ន ដោយ​មាន​រៀបចំ​ពិធី​ជប់លៀង​ធំដុំុំ​ផង ជួប​ជុំ​បងប្អូន​ខាង​ប្រុស​ខាង​ស្រី ផឹក​ស៊ី​សប្បាយ​ផង​គ្នា​នារាត្រី​ហ្នឹង ។ គេ​មាន​រៀប​អាហារ​ពិសេសៗ (គ្រឿងក្លែម) សម្រាប់​ភ្ញៀវ​ដែល​ជិតដិត​ខ្លាំង​ចាប់​ពី​ល្ងាច​ទៅ ដោយ​ឡែក​សម្រាប់​ភ្ញៀវ​ស៊ី​តុ​នៅ​ថ្ងៃ​ស្អែក​ (២២ វិច្ឆិកា ២០១៧) មួយឈុត​ធំ​ទៀត​ទើប​ជា​ពិធីធំ​តែម្ដង ។ ទាំង​នេះ វា​បាន​ប្រែក្លាយ​ជិត​ដូច​អ្នក​នៅ​ភ្នំពេញ​ហើយ ដែល​ពី​ដើម​ឡើយ បន្ទាយមានជ័យ គេ​និយម​អញ្ជើញ​ភ្ញៀវ​ពិសា​ភោជនាហារ​តែពេលថ្ងៃ​ត្រង់ តែ​ដោយ​សារ​សម័យ​កាលចេះ​តែ​វិវត្តន៍​ឥតឈប់ ខេត្តបន្ទាយមានជ័យ​ក៏​មាន​ពិធី​អញ្ជើញ​ភ្ញៀវ​ពិសា​ភោជនាហារ​ទាំង​ពេល​ថ្ងៃត្រង់ និង​ពេលយប់ ។

សូម​បញ្ជាក់​បន្តិច ក្នុង​ចំណោម​បង​ប្អូន​ខ្ញុំ​៥នាក់ ៤នាក់​រស់នៅ​ខេត្ត​បន្ទាយមានជ័យ ឯខ្ញុំ​តែ​ម្នាក់​រស់នៅ​ខេត្ត​កំពង់ធំ ៕

nullការ​តុបតែង​ពេល​ពិធី​មង្គលការ​បង​ប្រុស​ខ្ញុំ