jump to navigation

៧ មករា ខួប​ទី​៤០ ចន្ទ 7 មករា 2019

Posted by រដ្ឋ in ទីនេះ​កម្ពុជា, ព្រឹត្តិការណ៍​សំខាន់.
1 comment so far

ជ័យជម្នះ ៧ មករា ខួប​ទី៣៩
(៧ មករា ១៩៧៩-២០១៩)

រដ្ឋបាល​ខេត្ត​កំពង់ធំ​រៀបចំសាងសង់​រង្វង់មូល​វិមាន​ឯករាជ្យ​ក្នុង​ក្រុង​ស្ទឹងសែន ចន្ទ 15 តុលា 2018

Posted by រដ្ឋ in ទីនេះ​កម្ពុជា.
Tags:
add a comment

កំពង់ធំ – កាល​ពី​ ខែ​មេសា ឆ្នាំ​២០១៨ រដ្ឋបាល​ខេត្ត​កំពង់ធំ ដឹក​នាំ​ដោយ​ឯកឧត្តម សុខ លូ អភិបាល​នៃ​គណៈអភិបាល​ខេត្ត​កំពង់ធំ រួម​ទាំង​មន្ត្រី​រាជការ​ពាក់ព័ន្ធ ចូល​រួម​ដោយ​ប្រជាពលរដ្ឋ ក្នុង​ពិធី​បើក​ការដ្ឋាន​សាងសង់​រង្វង់​មូល​ថ្មី​មួយ ក្នុង​ទីរួមខេត្ត​កំពង់ធំ (ក្រុង​ស្ទឹងសែន) គឺ​រង្វង់​មូល​វិមានឯករាជ្យ ។ អាច​ថា​ជា​សមិទ្ធ​​ផល​ថ្មី បើ​តាម​ខ្ញុំ​ដឹង រង្វង់​មូល​វិមានឯករាជ្យ​នេះ មិន​មែន​មាន​តែ​ក្នុង​រាជធានី​ភ្នំពេញ​ទេ ហើយ​ដែល​ខ្ញុំ​បាន​ឃើញ​និង​ទៅ​ដល់ មាន​ដូច​ជាខេត្ត​កំពង់ឆ្នាំង ខេត្ត​ឧត្តរមាន​ជ័យ ជាដើម ។


អ្វី​ដែល​ខ្ញុំ​ចាប់​អារម្មណ៍​ចំពោះ​ខេត្ត​នេះ គឺ​ដោយសារ​បន្ទាប់​ពី​ទទួល​បាន​អភិបាល​ខេត្ត​ថ្មី យើង​ឃើញ​មាន​អ្វី​ៗ​ប្លែក​ច្រើន ក្នុង​នោះ ដូច​យ៉ាង ការ​បិទ​មិន​ឱ្យ​មាន​ការ​បិទ​ផ្សាយ​ផ្ទាំង​ឃោសនា​ស្រា​បៀរ (គ្រឿង​ស្រវឹង) កែ​លម្អ​សួន​កុមារ កន្លែង​ហាត់ប្រាណ រៀបចំ​ក្រុងឱ្យ​មាន​សោភ័ណ កំណើន​ភ្ញៀវទេសចរតាម​តំបន់រមណីយដ្ឋាន​ដ៏​ច្រើន​របស់​ខេត្ត​ជាដើម ។

ងាក​មក​ប្រធាន​បទ​យើង​វិញ ។ ថ្វី​ដ្បិត​តែ​វា​ចំណាយ​ថវិកា​រដ្ឋ​ដ៏​ច្រើន តែ​បើ​ជ្រុល​ចំណាយ​ហើយ គួរ​តែ​បន្សល់​អ្វី​ឱ្យ​រាស្ត្រ​បាន​ឃើញ​ការ​អភិវឌ្ឍ​ផង ។ ជាក់ស្ដែង ខ្ញុំ​តែង​ឮ​ប្រជាពលរដ្ឋ តាម​តំបន់​ខ្លះ​លើក​ពី​ខេត្ត​នេះ​ច្រើន ពិសេស​អភិបាល​ខេត្ត​ចាស់ ដែល​នាំ​ខេត្ត​អន់ថយ​ពី​មួយ​ឆ្នាំ​ទៅ​មួយ​ឆ្នាំ ។ មតិ​របស់​ខ្ញុំ​គឺ ជា​ខេត្ត​មួយ​ដែល​ស្ថិត​នៅចំ​កណ្ដាល​ទ្រូង​នៃ​ផែនទី​របស់​ប្រទេស​កម្ពុជា តែ​សូម្បី​សាលារៀន សាកលវិទ្យាល័យ អគារ​ពាណិជ្ជកម្ម ហាង​លក់​ទំនិញ មាន​តិច​តួច​មែនទែន (ពីមុន) ។

គួរ​បញ្ជាក់​ផង​ដែរ​ថា ការ​សាងសង់​រង្វង់​មូល​វិមានឯករាជ្យ​នេះ គឺ​ជា​ការ​រំឭក​នូវ​ប្រវត្តិសាស្ត្រ​ខ្មែរ​ក្នុង​រជ្ជកាល ព្រះ​បាទ​សម្ដេច​ព្រះ​នរោត្តម សីហនុ ព្រះ​បរមរតនកោដ្ឋ ដែល​ទ្រង់​ទាមទារបាន​ឯករាជ្យ​ជូនជាតិ​ពី​បារាំង​ ចន្លោះ​ឆ្នាំ ១៩៤៩ -​១៩៥៣ ។ អាន​ប្រវត្តិ​វិមានឯករាជ្យ​

ទស្សនា​រូបភាព​ខ្ញុំ​ថត​បាន, ពី​ទំព័រ​ហ្វេសប៊ុក និង​ពី​គេហទំព័រ​រដ្ឋបាល​ខេត្ត​កំពង់ធំ




លោក​អភិបាល​ខេត្ត​ក្នុង​ពិធី​ក្រុងពិលី

វិមានឯករាជ្យ (រូបតំណាង)

ជ្រុង​មួយ​ពី​ខេត្ត​កំពង់ចាម សៅរ៍ 9 មិថុនា 2018

Posted by រដ្ឋ in កំណត់​ហេតុ, ទីនេះ​កម្ពុជា.
2 comments

កាល​ពី​ថ្ងៃ​ទី ០៦ មិថុនា ២០១៨ ខ្ញុំ​មាន​វាសនា​បាន​ទៅឃើញ​​កំពង់ចាមក្រុង​ ដែល​គេ​ល្បី​ថា​ស្រស់​ស្អាត​មិន​ដាច់​ពី​មាត់ ទី​នោះ​ធ្លាប់​មាន​ការ​រៀប​ចំ​បុណ្យ​ទន្លេ​ មាន​មាត់​ទន្លេ មាន​វិថី​ធំ​ៗ មាន​មន្ទីរ​រដ្ឋ ឯកជន​ជា​ច្រើន និង​ជា​ពិសេស​ជា​តំបន់​សេដ្ឋកិច្ច​សំខាន់​មួយ​ដែរ​របស់​ប្រទេស​កម្ពុជា ។ អ្វី​ដែល​ចាប់​អារម្មណ៍​នោះ ក្នុង​ក្រុង​នេះ មាន​បណ្ដុំ​គ្រឹះស្ថាន​ធនាគារធំៗ ក្រុម​ហ៊ុន​វិនិយោគ​ជា​ច្រើន ដែល​នៅក្នុង​ទីរួម​ខេត្ត​​ដទៃ​ទៀត​មិន​មាន​ដូច លើក​លែង​តែ​ខេត្ត​សៀមរាប​ចេញ ។

មួយ​ទៀត ដែល​ខ្ញុំ​ចាប់​អារម្មណ៍ នោះ​គឺ​រុក្ខវិថី​ធំៗ​ដែល​នៅ​កំពង់ធំ ខេត្ត​ដែល​ខ្ញុំ​កំពុង​រស់​នៅ​ពុំ​មាន​ដូច ហើយ​ហេដ្ឋារចនា​សម្ព័ន្ធ​វិញ​ស្ទើរ​តែ​មិន​អាច​ប្រៀប​ធៀប​គ្នា​បាន ។ ខ្ញុំ​ធ្លាប់​ប៉ង​ថា​ទៅ​លេងទីនោះ​ច្រើន​ដង​ហើយ មាន​កាល​មួយ​នោះ ក៏​ធ្លាប់​បាន​ជិះ​កាត់​ដែរ តែ​ឆ្លង​ពី​លើ​ស្ពាន​គីសូណា​ប៉ុណ្ណោះ គឺ​ក្នុង​ដំណើរ​កម្សាន្ត​ទៅ​កាន់​ខេត្ត​មណ្ឌល​គិរី រតនគិរី ។ តាម​ពិត កំពង់ចាម​មាន​លក្ខណៈពិសេស​ជា​ច្រើន​ទៀត ហើយ​ដែល​ខ្ញុំ​មិន​អាច​រៀប​រាប់​អស់​ពេល​នេះ ។ វា​មាន​តាំង​ពី​តំបន់​ទេសចរណ៍​ស្អាត​ៗ រមណីយដ្ឋាន​កែច្នៃ និង​ធម្មជាតិ​ច្រើន​កន្លែង ចម្ការ​ដំណាំ​ហូប​ផ្លែ ដែល​ដាំ​ដោយ​កសិករ​ខ្មែរ​ពិតៗ ដែល​បង​ប្អូន​ជន​រួម​ជាតិ​ធ្លាប់​ល្បី​ឈ្មោះ​យូរយារ​មក​ហើយ ហើយ​បើ​មាន​ឱកាស​ខ្ញុំ​នឹង​ប្រកាស​ជា​បន្តបន្ទាប់​កន្លែង​ដែល​បាន​ទៅ​ដល់​ពី​ខេត្ត​នេះ ។

តាម​ពិត​ទៅ ខ្ញុំ​មាន​កិច្ច​ការ​ត្រូវ​ទៅ​មន្ទីរ​សុរិយោដី​ខេត្ត​កំពង់ចាម ក៏​ឆ្លៀត​ឱកាស​នេះ​ដើរ​ថត​រូប​ទុក​ទស្សនា​ពី​ការ​រីក​ចម្រើន​ស្រុក​ទេស​បន្តិច​ទៅ ។ សូម​ទស្សនា​ររូប​ដែល​ខ្ញុំ​បាន​ថតខាង​ក្រោម…







សួន​សន្តិភាព​កំពង់ចាម
ស្ពាន​គីហ្សូណា
ធនាគារ​ជាតិ នៃ​កម្ពុជា សាខា​ខេត្ត​កំពង់ចាម

ស្ពាន​កោះប៉ែន
ស្ពាន​កោះប៉ែន
ជីវភាព​ក្រោម​ស្ពាន ​គីហ្សូណា
ធនាគារ​ឯកជន

៧ មករា ខួប​ទី​៣៩ អាទិត្យ 7 មករា 2018

Posted by រដ្ឋ in ទីនេះ​កម្ពុជា, ព្រឹត្តិការណ៍​សំខាន់.
add a comment


ជ័យជម្នះ ៧ មករា ខួប​ទី៣៩
(៧ មករា ១៩៧៩-២០១៨)

កាល​បរិច្ឆេទ​ចន្ទគតិ​​អាច​នឹង​ប្រើ​ទាំង​រដ្ឋ​ប្រើ​ទាំង​ឯកជន? សុក្រ 22 ធ្នូ 2017

Posted by រដ្ឋ in ទីនេះ​កម្ពុជា, ពីនេះ​ពីនោះ.
add a comment

សម្រាប់​ខ្ញុំ​ប្រហែល​ជា​ព័ត៌មាន​ភ្ញាក់​ផ្អើល​ដែរ ដែល​ពី​ដំបូង​ដែល​កាល​រាជរដ្ឋាភិបាល​កម្ពុជា​ចេញ​សារាចរ​ណែនាំ​ឱ្យ​ប្រើ​ប្រាស់​កាល​បរិច្ឆេទ​ថ្មី​សម្រាប់​ឯកសារ​គតិ​យុត្ត​និង​រដ្ឋបាលនានានោះ ខ្ញុំ​ស្មាន​តែ​ប្រើ​សម្រាប់​តែ​ក្រសួង​ឬ​ស្ថាប័ន​រដ្ឋ​ទេ​ដែល​ត្រូវ​ប្រើ ស្រាប់​តែ​នៅ​កន្លែង​ធ្វើ​ការ​ឮ​គេប្រាប់​ថា​ឱ្យ​អាប់ដេត​បណ្ដើរ​ៗ​ទៅ​សម្រាប់​ឯកសារ​ណា​ដែល​ត្រូវ​ប្រើ ឬ​ឆ្លង​កាត់​អាជ្ញាធរ​ឃុំ​/សង្កាត់ ឬ​ស្រុក/ខណ្ឌ ផ្សេងៗ​ក្រែង​ពួក​គាត់​ទាមទារ​ឱ្យ​ប្រើ​តាម​សារាចរ ។ ថ្នាក់​ដឹក​នាំ​ម្នាក់​បាន​បង្ហើប​ដូច្នេះ ដោយ​គាត់គិត​ថា​ក្រុម​ហ៊ុន​​របស់​យើង​ទំនង​នឹង​ចេញ​សេចក្ដី​ណែនាំ​រាល់​ឯកសារ​នានាត្រូវ​តែ​ប្រើ​កាល​បរិច្ឆេទ​របៀប​នេះ​ឆាប់​ៗ​មិនខានឡើយ ។

គួរ​រំឭក​ផង​ដែរ កាល​ពី​ពេល​កន្លង​ទៅ​ថ្មី​ៗនេះ (១៤ ធ្នូ ២០១៧) រាជ​រដ្ឋាភិបាល​កម្ពុជា បានចេញ​សារាចរ​ណែនាំ​ជា​ផ្លូវ​ការ​អំពី​ការ​ប្រើប្រាស់​កាល​បរិច្ឆេទ​ថ្មី ទាំង​ចន្ទគតិ ទាំង​សុរិយគតិ​ក្នុង​លិខិត​បទដ្ឋាន​គតិយុត្ត និង​លិខិត​រដ្ឋបាលនានា​​ដល់​ក្រសួង​ ស្ថាប័ន​ទាំងអស់ ដើម្បី​ឱ្យ​មាន​ភាព​ស៊ី​ចង្វាក់​គ្នា​ និង​រលូន ឬ​ឱ្យ​មាន​ស្ដង់ដារ​រួម​មួយ ៕

———————
អាន​ប្រកាស៖
១. សារាចរ​ស្ដី​ពីការ​ប្រើកាល​បរិច្ឆេទ​ថ្មី

សារាចរ​ស្ដី​ពីការ​ប្រើកាល​បរិច្ឆេទ​ថ្មី ព្រហស្បតិ៍ 14 ធ្នូ 2017

Posted by រដ្ឋ in ទីនេះ​កម្ពុជា, ពីនេះ​ពីនោះ.
1 comment so far

ថ្ងៃ​នេះ (១៤ ធ្នូ ២០១៧) រាជ​រដ្ឋាភិបាល​កម្ពុជា ចេញ​សារាចរ​ណែនាំ​ជា​ផ្លូវ​ការ​អំពី​ការ​ប្រើប្រាស់​កាល​បរិច្ឆេទ​ថ្មី ទាំង​ចន្ទគតិ ទាំង​សុរិយគតិ​ក្នុង​លិខិត​បទដ្ឋាន​គតិយុត្ត និង​លិខិត​រដ្ឋបាល​នានា ។ បើ​តាម​ខ្ញុំ​មិន​ច្រឡំ​នោះ​ទេ សារាចរ​នេះ​គឺ​កើត​ឡើងពី​សម្ដេច​នាយករដ្ឋមន្ត្រី​លោក​ចាប់​អារម្មណ៍​នឹង​ក្រសួង​រដ្ឋ​មួយ​ដែល​ប្រើ​ទម្រង់​កាល​បរិច្ឆេទ​នេះ ហើយ​លោក​សរសើរ​ថា ជា​ការ​ល្អ​ដែល​នៅ​រក្សា​ការ​ប្រើ​កាល​បរិច្ឆេទ​ចន្ទ​គតិ​ផង​នៅ​ក្នុង​លិខិត​រដ្ឋបាល​នានា​កន្លង​មក ។ សូម​ទស្សនា​សារាចរ​ និង​ឧទាហរណ៍​ខាង​ក្នុង​ហ្នឹង​ផង ។

null
null

មក​មើល​ការ​បែង​ចែក​អាសនៈ​របស់​គ.ជ.ប សុក្រ 24 វិច្ឆិកា 2017

Posted by រដ្ឋ in ទីនេះ​កម្ពុជា, សេដ្ឋកិច្ច និង​នយោបាយ.
add a comment

null

កាល​ពី​ថ្ងៃ​ទី​២២ ខែ​វិច្ឆិកា ឆ្នាំ​២០១៧ គណៈកម្មាធិការជាតិ​រៀបចំ​ការ​បោះ​ឆ្នោត  (គ.ជ.ប) បាន​សម្រេច​បែងចែក​អាសនៈ​ដែល​ទំនេរ ស្រប​តាម​មាត្រា​188ស្ទួន នៃ​ច្បាប់​ស្ដី​ពី​វិសោធនកម្ម​ច្បាប់​ស្ដីពី​ការ​បោះ​ឆ្នោត​ជ្រើសតាំង​តំណាង​រាស្ត្រ​ ជូន​គណបក្ស​នយោបាយ​ដែល​បាន​ចូល​រួម​ក្នុង​ការ​បោះ​ឆ្នោត​ក្នុង​រាជធានី​ខេត្ត ក្នុង​សម័យ​បោះ​ឆ្នោត​ជ្រើសតាំង​តំណាង​រាស្ត្រ នីតិកាល​ទី៥ ឆ្នាំ​២០១៣ ។

គណបក្ស​ដែល​ទទួល​បាន​អាសនៈ​រួម​មាន៖​

  • គណបក្ស​ហ៊្វុនស៊ិន​ប៉ិច ទទួល​បាន ៤១ អាសនៈ
  • គណបក្ស​សម្ព័ន្ធ​ដើម្បី​ប្រជាធិបតេយ្យ ទទួល​បាន អាសនៈ
  • គណបក្ស​ខ្មែរ​ឈប់​ក្រ ទទួល​បាន អាសនៈ
  • គណបក្ស​សញ្ជាតិ​កម្ពុជា ទទួល​បាន អាសនៈ
  • គណបក្ស​ខ្មែរ​អភិវឌ្ឍ​ន៍សេដ្ឋកិច្ច ទទួល​បាន អាសនៈ

ដោយ​សារតែ​គណបក្ស​២​ខាង​លើ គឺគណបក្ស​សម្ព័ន្ធ​ដើម្បី​ប្រជាធិបតេយ្យ (៦អាសនៈ) និងគណបក្ស​ខ្មែរ​ឈប់​ក្រ (៥អាសនៈ) មិន​ទទួល​យក​អាសនៈ​ដែលគ.ជ.ប.​បែង​ចែក​នោះ ទើប គ.ជ.ប បាន​សម្រេច​បែងចែក​ឱ្យ​ទៅ​គណបក្ស​ប្រជាជន​កម្ពុជា (សរុប​បាន ១១អាសនៈ) ដែលជា​គណបក្ស​សំឡេង​ភាគ​ច្រើន​នៅ​ក្នុង​រដ្ឋសភា និង​ជា​គណបក្ស​កាន់​អំណាច ។

គួរ​រំឭកផង​ដែរ​ថា ​គណបក្សសង្គ្រោះ​ជាតិ ត្រូវ​បាន​តុលាការ​កំពូល​នៃ​ព្រះរាជាណាចក្រកម្ពុជា​សម្រេច​ចេញ​សាលដីការម្លាយ​ជាស្ថាពរ​ និង​បិទ​ផ្លូវ​តវ៉ា​​ទៅ​ហើយកាលពី ថ្ងៃទី១៦ ខែវិច្ឆិកា ឆ្នាំ២០១៧ ហើយបាន​ផ្អាក​សកម្មភាព​នយោបាយ​រយៈពេល ៥ឆ្នាំ ​របស់​ថ្នាក់​ដឹកនាំ​ជាន់ខ្ពស់​របស់​គណបក្ស​សង្គ្រោះ​ជាតិ ចំនួន១១៨​រូប​ផង​ដែរ ៕

================
ប្រកាស​ទាក់ទង៖
១. ប្រវត្តិសាស្ត្រ​ថ្មី​មួយ​ទៀត​សម្រាប់​​ថ្ងៃនេះ​គឺ​ការរម្លាយ​គណបក្ស​ប្រឆាំង​ដ៏ធំ​មួយ​នៅ​កម្ពុជា

ប្រវត្តិសាស្ត្រ​ថ្មី​មួយ​ទៀត​សម្រាប់​​ថ្ងៃនេះ​គឺ​ការរម្លាយ​គណបក្ស​ប្រឆាំង​ដ៏ធំ​មួយ​នៅ​កម្ពុជា ព្រហស្បតិ៍ 16 វិច្ឆិកា 2017

Posted by រដ្ឋ in ទីនេះ​កម្ពុជា, ព្រឹត្តិការណ៍​សំខាន់, សេដ្ឋកិច្ច និង​នយោបាយ.
1 comment so far

nullមាន​កំណើត​ទើប​តែ​បាន ៥ឆ្នាំ ឬ​មិន​ពេញ​៥ឆ្នាំ​ស្រួលបួល​ផង គណបក្ស​ប្រឆាំង​ដ៏​ធំ​មួយ គឺ​គណបក្សសង្គ្រោះ​ជាតិ ដែល​ថ្ងៃ​នេះ (១៦ វិច្ឆិកា ២០១៧) ត្រូវ​បាន​តុលាការ​កំពូល​នៃ​ព្រះរាជាណាចក្រកម្ពុជា​សម្រេច​ចេញ​សាលដីការម្លាយ​ជាស្ថាពរ​ និង​បិទ​ផ្លូវ​តវ៉ា​​ទៅ​ហើយ ។

សវនការ​ដ៏​កម្រ​មួយ​នេះ បាន​ធ្វើ​ឱ្យ​មហាជន​ទូទាំង​ប្រទេស រួមទាំង​អន្តរជាតិ​ផងដែរ មាន​ការ​ភ្ញាក់​ផ្អើល​ និង​ព្រួយ​បារម្ភ​ខ្លាំង​ពី​ស្ថានភាព​នយោបាយ​កម្ពុជា​បច្ចុប្បន្ន​ ខណៈ​សម្ដេច​អគ្គមហាសេនាបតីតេជោ ហ៊ុន សែន នាយករដ្ឋមន្ត្រី​ នៃព្រះរាជាណាចក្រកម្ពុជា មាន​ប្រសាសន៍​អះអាង​ថា ​អ្វី​ដែល​កើត​ឡើង​នេះ គឺ​ជា​ការ​រក្សាសន្តិភាព ដែល​ជា​មូលដ្ឋាន​នៃ​ការ​អភិវឌ្ឍ​ក្រោម​ការ​ដឹក​នាំ​របស់​សម្ដេច​ប៉ុណ្ណោះ ។ តាម​ប្រភព​ព័ត៌មាន​នានា​បាន​ឱ្យ​ដឹង​ថា ការ​សម្រេច​រម្លាយ​គណបក្ស​ប្រឆាំង​​ដ៏​ធំ​នេះ គឺ​ដោយ​សារ​មេដឹកនាំ​របស់​គណបក្ស​ឃុបឃិត​នឹង​បរទេស​ដើម្បី​ចង់​ផ្ដួល​រំលំ​រាជរដ្ឋាភិបាល​ស្រប​ច្បាប់ ដោយ​ទទួល​ការ​ចោទ​ប្រកាន់​ពី​ទោស​ក្បត់ជាតិ ដែលមាន​ចែង​ក្នុង​រដ្ឋធម្មនុញ្ញ​នៃ​​ព្រះរាជាណាចក្រកម្ពុជា ។ ក្រៅ​ពី​នេះ​ទៀត នៅ​មាន​ភ័ស្តុតាង​ជា​ច្រើនផ្សេងៗ​ទៀត​សរុប​ជាង ២០កញ្ចប់ ដែល​ធ្វើ​ឱ្យ​ឈាន​ដល់​ការ​រម្លាយ​នេះ។ រួម​ជាមួយ​គ្នានេះ សាលដីការ​តុលាការ​កំពូល​បាន​ផ្អាក​សកម្មភាព​នយោបាយ​រយៈពេល ៥ឆ្នាំ ​របស់​ថ្នាក់​ដឹកនាំ​ជាន់ខ្ពស់​របស់​គណបក្ស​សង្គ្រោះ​ជាតិ ចំនួន១១៨​រូប​ផង​ដែរ ។

គួរ​រំឭក​បន្តិច គណបក្ស​សង្គ្រោះ​ជាតិ កកើត​ឡើង​ពី​ការ​ច្របាច់​​បញ្ចូល​គ្នា​រវាង​គណបក្សធំៗពីរ​ គឺ​គណបក្ស​ សម រង្ស៊ី និង​គណបក្ស សិទ្ធិ​មនុស្ស ដែល​ដឹក​នាំ​ដោយ​ឯកឧត្តម សម រង្ស៊ី និង​ឯកឧត្តម គឹម សុខា ។ គណបក្ស​ប្រឆាំង​ដ៏​សំខាន់​មួយ​នេះ ត្រូវ​បាន​ប្រជាជន​ស្ទើរ​មួយ​ចំហៀង​ប្រទេស​ខ្មែរទទួល​ស្គាល់​ថា​ជា​គណបក្ស​មួយ​ដែល​មាន​និន្នាការ​នយោបាយ​ប្រកាន់​ខ្ជាប់​គោលការណ៍​ប្រជាធិបតេយ្យ​ពិតប្រាកដ ហើយ​បាន​ទទួល​ការ​គាំទ្រ​ខ្លាំងក្លាពី​មហាជន​មាន​សិទ្ធិ​បោះឆ្នោត ហើយ​បាន​ផ្ដល់​ការ​បោះ​ឆ្នោត​ជូន​ផង​នាសម័យ​ព្រះរាជាណាចក្រ​កម្ពុជា​​មានការ​បោះឆ្នោត​សភានីតិកាល​ទី៥​របស់​ខ្លួន ដែល​រៀបចំឡើង​ដោយ​គណៈកម្មាធិការ​ជាតិ​រៀបចំ​ការបោះឆ្នោត (គ.ជ.ប)។ ជាលទ្ធផល​ គណបក្ស​សង្គ្រោះជាតិ​ទទួល​បាន​សំឡេងគាំទ្រយ៉ាង​ច្រើន​លើស​លប់ រហូត​ទទួល​បាន​អាសនៈ​ (កៅអី) ក្នុង​រដ្ឋសភា​ដល់ទៅ ៥៥​កៅអី​នៃ​ចំនួន ១២៣​អាសនៈ (៥៥/១២៣) ដើម្បី​ដឹកនាំ​នាវា​កម្ពុជា​ជាមួយ​គណបក្ស​កាន់​អំណាច​ធំមួយ​ទៀត(បច្ចុប្បន្ន) គឺ​គណបក្ស ប្រជាជន​កម្ពុជា ។

គួរ​បញ្ជាក់​ផង​ដែរ កាល​ពី​ខែ​តុលា​កន្លង​ទៅ​ថ្មី​ៗ រដ្ឋសភា​បាន​អនុម័ត​សេចក្ដី​ព្រៀង​ច្បាប់ និង​វិសោធនកម្ម​ច្បាប់​​សរុប​ចំនួន៤ ស្ដី​ពី​គណបក្ស​នយោបាយ ហើយ​ព្រះមហាក្សត្រិយ៍​នៃព្រះរាជាណាចក្រកម្ពុជា​ទ្រង់​ក៏​បាន​ឡាយ​ព្រះហស្តលេខា​ចេញ​ព្រះរាជក្រឹត្យ​ដាក់​ឱ្យ​ប្រើប្រាស់​ច្បាប់​ទាំងនោះ​រួច​រាល់​ហើយ​ដែរ គឺ​មុន​សវនាការ​ជំនុំ​ជម្រះ​ក្ដី​រម្លាយ​គណបក្ស​សង្គ្រោះ​ជាតិ​តែ​ប៉ុន្មាន​ថ្ងៃ​ប៉ុននោះ ។ នៅ​ក្នុង​អត្ថន័យ​នៃ​ច្បាប់​ថ្មី​ និង​វិសោធនកម្ម​ច្បាប់ ស្ដី​ពី​គណបក្សនយោបាយ​នោះ គឺត្រូវ​បាន​មហាជន​​ផ្ដោត​ការ​សំខាន់​លើ​ការ​បែងចែក​អាសនៈ​នៅក្នុង​រដ្ឋសភា​របស់​គណបក្ស​ដែល​ត្រូវ​រម្លាយ​ ទៅ​ឱ្យ​គណបក្ស​ដទៃ​ផ្សេង​ទៀត ៕

pppostចំនួន​អាសនៈ​ក្នុង​រដ្ឋសភា និង​ចំនួន​អាសនៈ​ដែល​នឹង​ត្រូវ​បែងចែក

 

រូបភាព៖ Facebook និង​ភ្នំពេញ​ប៉ុស្តិ៍

និយាយ​ត្រួសៗ​ពី​វិមាន​ឯករាជ្យ អង្គារ 7 វិច្ឆិកា 2017

Posted by រដ្ឋ in ទីនេះ​កម្ពុជា, ប្រវត្តិសាស្ត្រ, ព្រឹត្តិការណ៍​សំខាន់.
1 comment so far

២ថ្ងៃ​ទៀត​នឹង​ដល់​ថ្ងៃ ០៩ វិច្ឆិកា ដែល​ជា​ទិវា​ប្រារពពិធី​បុណ្យ​​ឯករាជ្យ​ជាតិ​ ដើម្បី​រំឭក​ខួប​អនុស្សាវរីយ៍​ដែល​កម្ពុជរដ្ឋ​បាន​ទទួល​ឯករាជ្យពេញ​បរិបូណ៌​ពី​ប្រទេស​បារាំង និងជា​ថ្ងៃ​កំណើត​កង​យុទ្ធពល​ខេមរភូមិន្ទ​ផង​ដែរ ។ គ្រា​នេះ​ខ្ញុំ​សូម​និយាយ​ខ្លះ​ៗ​ពីប្រវត្តិ​របស់​​​​វិមាន​ឯករាជ្យ៖

វិមាន​ឯក​រាជ្យ​ កសាង​ឡើង​ពី​បេតុង​អាមេ មាន​ជណ្ដើរ​គ្រប់​ទិស​ទាំង​បួន​តាក់​តែង​ដោយ​ថ្ម​កែវ​ដ៏​វិចិត្រ​ ។ កំពូល​​ប្រដាប់​ដោយ​ក្បាច់​រចនា​​យ៉ាង​ស្រស់​ឆើត​ឆាយ លម្អ​ដោយ​ក្បាល​នាគ​ចំនួន​១០០ ដែល​មាន​៥​ថ្នាក់ ក្នុង​១​ថ្នាក់​ៗ​មាន​ក្បាល​នាគ​២០ (ក្នុង​មួយ​ជ្រុង​មាន​ក្បាល​នាគ​៥) ។ ក្បាល​នាគ​ទាំង​១០០​នេះ មាន​អត្ថន័យ​យ៉ាង​ណា​នោះ​ក៏​មាន​មតិ​សាធារណៈ​ខ្លះ​និយាយ​ថា សម្រាប់​ជា​និមិត្ត​រូប​នៃ​ការ​ដែល​កម្ពុជរដ្ឋ​ស្ថិត​ក្រោម​នឹម​របស់​អាណា​និគម​និយម​បារាំង​ដែល​សរុប​ទៅ​​អស់​រយៈ​ជិត​​មួយ​សតវត្ស ដែល​ចាប់​ពី​ឆ្នាំ ១៨៦៣ រហូត​ដល់ ១៩៥៣ ។ ហើយ​ត្រូវ​បាន​រួច​រំដោះ ទាមទារ​និង​ដណ្ដើម​បាន​មក​វិញ​នូវ​ខឿន​ឯករាជ្យ​ជាតិ​ពេញ​បរិបូណ៌​ដោយ ​ព្រះ​ករុណា ​ព្រះ​បាទសម្ដេច​ព្រះ​ នរោត្តម ​សីហនុ​ ។ *យោង​ឯកសារ​ស្រាវ​ជ្រាវ លោក​ឡុងសារិន

វិមាន​ឯករាជ្យ​កសាង​ឡើង​តាំង​ពី​ពេល​ដែល​ប្រទេស​ខ្មែរ​ទទួល​បាន​ឯករាជ្យ​ពីប្រទេស​បារាំង ហើយ​បាន​ស្ថាបនា​រួច​រាល់នៅក្នុង​ឆ្នាំ ១៩៦២ (ឃើញ​ថា​រយៈ​ពេល​សាង​សង់​យូរ​បែប​នេះ បណ្ដាល​មក​ពី​ថវិកា​ជាតិ​​នៅ​ពេល​នោះ​មាន​លក្ខណៈ​ខ្សត់​ខ្សោយ) ។ សម្ដេច​ ព្រះ​នរោត្តម​ សីហនុ​​ បាន​សម្ភោធ​វិមាន​ឯករាជ្យ​នៅ​ថ្ងៃ​ទី ៩​ វិច្ឆិកា ឆ្នាំ ១៩៦២ វេលា​ម៉ោង ១០​ព្រឹក ។ នៅ​ថ្ងៃ​ទី ១១ វិច្ឆិកា ១៩៦២ ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​សម្ដេច​បាន​រំលត់​ភ្លើង​ទៀន​ជ័យ​នៅ​ពេល​ម៉ោង​១០ព្រឹក​​ដដែល ហើយ​នា​ពេល​យប់​ថ្ងៃ​ដដែល​នេះ ចាប់​ពី​ម៉ោង​ ៨​យប់​​ទៅ​នៅ​ជុំ​វិញ​វិមាន​​ឯករាជ្យ តាម​ដង​មហា​វិថី​ព្រះ​នរោត្តម​ និង​នៅវត្ត​ភ្នំ មាន​ការ​រាំ​វង់​កម្សាន្ត ។​ ការ​រាំ​កម្សាន្ត​ជា​សាធារណៈ​បែប​នេះ បាន​ប្រព្រឹត្ត​ទៅ​រហូត​ដល់​ម៉ោង​បី​ទាប​ភ្លឺ​ទើប​ចប់ ។ នេះ​បើ​តាម​ប្រវត្តិ​កាល​ពី​សម័យ​នោះ តែ​មក​ដល់​ឥឡូវ​សម័យ​កាល​​កាន់​តែ​វិវត្ត​ទៅ ពុំ​ឃើញ​មាន​ការ​រាំ​រែក​​បែប​ប្រជាប្រិយ​ច្នោះ​ទៀត​ទេ ប្រជា​អ្នក​ភ្នំពេញ​បែរ​មាន​វប្បធម៌​ដើរ​កម្សាន្ត​តាម​សួន​ច្បារ​នានា ឬ​នៅ​វត្ត​ភ្នំ​ជា​ដើម ជាពិសេស​ពេល​ព្រលប់ នាំ​គ្នា​​រង់​ចាំ​មើល​​​ពិធី​បាញ់​កាំជ្រួច ដើម្បី​អបអរ​ថ្ងៃ​បុណ្យ​ឯករាជ្យ​ជាតិ នៅ​វិមាន​ឯករាជ្យ​នោះ​ផង ។ ​សព្វ​ថ្ងៃ​វិមាន​ឯករាជ្យ​មាន​ការ​លម្អ​ច្រើន​ជាង​មុន ដូច​ជា​ធ្វើ​ធ្លា​បាញ់​ទឹក​ជុំ​វិញ អម​ដោយ​ភ្លើង​ព័ណ៌​ផង ។ ទិដ្ឋភាព​សព្វ​ថ្ងៃ​​គួរ​ចេតនា នឹង​សប្បាយ​ណាស់ សោត​ទីក្រុង​ភ្នំពេញ​មាន​រៀប​ចំ​ភ្លើង​ព័ណ៌​បំភ្លឺ​តាម​ទី​សាធារណៈ​ដោយ​អន្លើ ។

ក្នុង​មួយ​ឆ្នាំ​ម្ដង ខ្មែរ​តែង​តែ​ធ្វើ​​ពិធី​ថ្វាយ​ព្រះ​ភ្លើង​ជ័យ​រំឭក​គុណ​បំណាច់​​ដល់​ដួង​ព្រលឹង​អ្នក​ស្នេហា​ជាតិ​ ដែល​បាន​បូជា​ឈាម​ស្រស់ សាច់​​ស្រស់ និង​ជីវិត​ក្នុង​បុព្វ​ហេតុ​ការពារ​ជាតិ​មាតុ​ភូមិ​របស់​ខ្លួន ក្នុង​ថ្ងៃ​បុណ្យ​ឯករាជ្យ​របស់​ខ្មែរ នៅ​ថ្ងៃ​ទី ៩ ខែ​វិច្ឆិកា ជា​រៀង​រាល់​ឆ្នាំ​ដរាប​រៀង​មក ។

ប៉ុន្តែ​នៅ​ក្រោយ​ថ្ងៃ​រំដោះ ៧ មករា ១៩៧៩ វិមាន​ឯករាជ្យ​ត្រូវ​បាន​គេ​ដាក់​ឈ្មោះ​ថា “​វិមាន​​ជ័យ​ជំនះ” តែ​រហូត​មក​ដល់​ចាប់​ពី​ឆ្នាំ ១៩៩០ មក​ដល់​បច្ចុប្បន្ន​នេះ បាន​ប្រែ​ឈ្មោះ​មក​តាម​នាម​ដើម​វិញ​ គឺ “​វិមាន​ឯករាជ្យ​” ។ ខ្ញុំ​ពុំ​មាន​ឯកសារ​ដែល​ទាក់​ទង​នឹង​ការណ៍​​ដែល​​​មាន​ការ​​ប្ដូរ​ឈ្មោះ​របស់​បូជនីដ្ឋាន​នេះទេ បើ​មិត្រ​ណា​ដឹង​ក៏​គួរ​ចែករំលែក​តាម​ការ​គួរ ៕

ព្រះរាជ​ពិធី​បុណ្យ​អុំទូក​ចប់​ហើយ​នៅ​ឡើយ​តែ​សំរាម​ពាសវាល​ពាសកាល អាទិត្យ 5 វិច្ឆិកា 2017

Posted by រដ្ឋ in ទីនេះ​កម្ពុជា, ពីនេះ​ពីនោះ.
1 comment so far

ឃើញ​ចំណង​ជើង​ប្រកាស​នេះ លោកអ្នក​ប្រាកដ​ជា​គិត​ថា​គ្មាន​អ្វី​ប្លែក​ទេ ព្រោះ​ស្រុក​យើង​ឱ្យ​តែ​មាន​ពិធី​អី​ធំៗ​ម្ដង មាន​មនុស្ស​ច្រើន ដឹង​តែ​មាន​សំរាម​ពោរពាស​ជារឿង​ធម្មតា​ទៅ​ហើយ និយាយ​ឱ្យ​ខ្លី គឺ​កែលែង​ឡើង​ហើយ ។

ប្រកាស​នេះ​ក៏​ពុំ​បាន​មាន​ន័យ​ថាបន្ទោស​បង្អាប់​ដល់​ប្រជាជន​ខេមរា​ម្ចាស់​នគរវត្ត​ដ៏​បវរ​ដែរ ព្រោះ​ពូរដ្ឋ​ជឿ​ជាក់​ថា​​អ្វី​ដែល​មនុស្ស​ធ្វើ​សុទ្ធ​តែ​មាន​ហេតុ​ផល ។ “អ្វី​ដែល​មនុស្ស​ធ្វើ​សុទ្ធ​តែ​មាន​ហេតុ​ផល” មួយ​ឃ្លា​នេះ​ខ្ញុំ​គិត​ឃើញ​ប៉ុន្មាន​ថ្ងៃ​ហើយ​តាំង​ពី​ផ្ដើម​ព្រះរាជពិធី​ម្ល៉េះ ព្រោះ​អ្វី​ដែល​អាជ្ញាធរ​យក​ចិត្ត​ទុកដាក់​ខ្លាំង​ គឺ​សន្តិសុខ និង​សំរាម​នេះ​ឯង ដែល​ក្នុង​នោះ​រដ្ឋបាល​រាជធានី​បាន​បង្កើត​ធុង​សំរាម​ជាច្រើន​ពាន់​ធុង ។ ហេតុផល​ដែល​ខ្ញុំ​សំដៅ​នោះ គឺ ប្រហែល​គ្រប់​គ្នា​គិត​ថា​មាន​អ្នក​ចាំ​សម្អាត​ហើយ យើង​មិន​បាច់​ខ្វល់ទេ ។ ដោយសារ​តែ​ហេតុផល​នេះ​ហើយ ទើប​លទ្ធផល​ចេញ​ជាយ៉ាង​នេះ (ដូច​រូបខាងក្រោម) ។

null
null

null

null

null

null

null

null

រូបភាព៖បណ្ដាញសង្គម​ហ្វេសប៊ុក