Category Archives: ផ្សេងៗ
រឿងចម្លែកៗកើតនៅតាមសង្កាត់ស្រុកខ្មែរ
មិនមែនជារឿងថ្មីទើបកើតឡើងទេ ការរឹបអូសម៉ាស៊ីនផ្សេងៗ ខណៈពេលដែលអាជ្ញាធរចុះបង្ក្រាបហាងបម្រើសេវាកម្មឥន្ថឹណិត ដែលមានរូបភាព និងវីដេអូអាសអាភាស តែគេឃើញមានកើតមានយូរៗម្ដង ។ អានបន្ថែមពី លោកវិចិត្រ កាលនោះមានរឿងមួយតំណាលថា យុវជនម្នាក់រកស៊ីបញ្ចូលបទភ្លេង និងខារ៉ាអូខេក្នុងទូរស័ព្ទដៃ ។ ថ្ងៃមួយព្រលឹមអុល លោកពូម្នាក់កើតចិត្តអផ្សុកចង់បញ្ចូលខារ៉ាអូខេក្នុងទូរស័ព្ទដៃគាត់ ក៏បានទៅរកយុវជនអ្នកបញ្ចូលបទភ្លេងនោះ ។ ឆ!ឆ! ក្មួយមានរឿងសិចទេ? ដាក់ឲ្យពូពីរបីរឿងម៉ោ… ហាហា [...] មួយសន្ទុះក្រោយមក បើយើងក្រឡេកពីចម្ងាយ ឃើញថាមានរថយន្តមួយគ្រឿងដឹកម៉ាស៊ីនកុំព្យូទ័រកំលោះនោះទៅបាត់ ខានបានរកស៊ី ខ្សោះអង្ករច្រកឆ្នាំងពីថ្ងៃនោះទៅ… ។ បើចង់លោះ យក ៥០០ដុល្លារទៅ!!! ឡ! សុខចិត្តយក ៥០០ ទិញម៉ាស៊ីនថ្មី លែងហ៊ានដាក់រឿងឲ្យពូឯងចាប់ទៀតហើយ ។ ប្រទេសខ្មែរ ជាប្រទេសនីតិរដ្ឋ… មិនដឹងថាសង្កាត់ដែលអ្នករស់នៅយ៉ាងម៉េចទេ តែនៅសង្កាត់ដែលខ្ញុំរស់នៅ ការអនុវត្តន៏ច្បាប់ចរាចរណ៍ផ្លូវគោក ឃើញថា អាជ្ញាធរបាននិងកំពុងប្រឹងប្រែងសម្បើមណាស់ ដើម្បីសរឲ្យឃើញថា ស្រុកខ្មែរយើងត្រូវព្រួតដៃគ្នាពង្រឹងច្បាប់នានាឲ្យបានកាន់តែប្រសើរឡើង ប្រសិនបើមានចន្លោះប្រហោង ។ យុទ្ធសាស្រ្តថ្មី ដែលអស្ចារ្យនិងស័ក្តិសមបំផុតសម្រាប់បង្ក្រាបអ្នកមិនគោរពច្បាប់ចរាចរណ៍ងាយៗ ដូចយ៉ាងដាក់កញ្ចក់ទោចក្រយានយន្ត និងពាក់មួកសុវត្តិភាពជាដើម ។ យុទ្ធសាស្ត្រថ្មីនោះ គ្មានអ្វីក្រៅពីជិះម៉ូតូធំប្រដេញចាប់ ទាំងក្មេងទំនើង ចាស់ទំនើងអីនុះ!!! ដល់ណាក៏ដោយឲ្យតែចាប់បាន ដេញដល់ផ្ទះ ចាប់ដល់ផ្ទះ ទើបការចុះបង្ក្រាបមានប្រសិទ្ធភាព ។ នេះជាយុទ្ធសាស្រ្តស្រដៀងនឹងការតាមចាប់ចោរដែលអាជ្ញាធរតែងតែប្រើក្នុងករណីប្លន់ ឬតាមចាប់ជនល្មើសផ្សេងៗ ។ …
Repost: ស្រីខ្មែរទៅវត្ត
ឲ្យតែចូលដល់រដូវបុណ្យទានម្ដងៗ យើងនឹងឃើញសម្រស់នារីខ្មែរត្រូវបានបង្ហាញតាមរយៈការស្លៀកពាក់ស្អាតបាតបែបប្រពៃណីខ្មែរយួរស្រាក់ទៅវត្តមិនខាន ។ ហេតុដូចនេះហើយ កំលោះដូចជាពួកយើង មិនបណ្ដែតបណ្ដោយភ្នែក មិនមើលបានឡើយ ព្រោះជាឱកាសកម្រដែលបានឃើញនារីខ្មែរតែងខ្លួនម្ដងៗ ថាវាប្លែកយ៉ាងណា ។ សម្រាប់ខ្ញុំ មិនថាតាមផ្លូវ តាមណាតាមណីទេ ឲ្យតែបានមើលខ្ញុំស្រលាញ់ណាស់ មើលមិនចង់ដាក់ភ្នែកទេ ព្រោះស្អាតពេកទាំងកូនខ្មែរសុទ្ធ ទាំងកូនកាត់ចិន ។ ជាពិសេសក្នុងឱកាសបានជូនអ្នកម្ដាយទៅទីអារាម ខ្ញុំមិនព្រមឡើងសាលាឆាន់ ឬព្រះវិហារអីទេ សុខចិត្តនៅចាំគាត់នៅខាងក្រៅព្រោះបានមើលគេដើរ… គ្រានេះ សូមអញ្ជើញកំសាន្តតាមរយៈបទចម្រៀងប៉ុន្មានបទខាងក្រោមដោយមេត្រី ។ កូនអើយ!ភ្ជុំបិណ្ឌ ផ្កាកំពីងពួយ ផ្ទះបងឆ្ងាយវត្ត រដូវភ្ជុំបិណ្ឌ ស្រីខ្មែរទៅវត្ត សែនជូនដំណើរ
Spam ចម្លែកដ៏គួរឲ្យសង្វេគ
កំពុងតែពិបាកចិត្តផង បើកមើលវិចារណ៍មកឃើញ Spam មួយនេះយ៉ាងចម្លែក មិនដឹងមកពីខាងណាទេ ។ គាត់អស់ក្ដីសង្ឃឹមក្នុងឆាកជីវិតហើយ តើមានអ្នកណាជួយគាត់បានទេ? NATION RELIGIONS KING Appeal to humanitarian Subject:Request for humanitarian in local and oversea to support the fund who take care of hemodialise of broken groin for Mr VAR VETHYEAR.If you want to help me.please sent money for me following address direct : Reason :My name Mr VAR VETHYEAR …
មានគេបាញ់មនុស្សស្លាប់ក្បែរវត្តបទុម
ល្ងាចមិញម៉ោងជាងប្រាំពីរទៅហើយ ខ្ញុំជិះម៉ូតូម្នាក់ឯងដើម្បីយកខ្យល់អាកាស ព្រោះដេកនៅផ្ទះចេះតែឈឺក្បាល ក៏ចេញរកអីញ៉ាំរួចក៏ហួសមើលគេឯងម្រ៉ងទៅ ។ ដំបូងខ្ញុំមានដឹងឯណា មនុស្សជុំៗហើយចរាចរណ៍ស្ទះផ្លូវក្បែរវត្តបទុមហ្នឹង គិតថាថ្ងៃអាទិត្យចឹងផ្លូវស្ទះជារឿងធម្មតាទេ ចេះតែបញ្ជ្រៀតគេជិះហួសទៅដោយមិនចាប់អារម្មណ៍ស្អីសោះ ។ ពេលដល់ផ្ទះ ឮអ្នកជិតខាងគេទើបមកពីដើរលេងមាត់ទន្លេដែរជជែកគ្នាពីរឿងបាញ់បោះអែណាអែណី ខ្ជិលស្ដាប់ ។ ទៅងូតទឹក បិទភ្លើងដេក (ដេកមានលក់ឯណា ពីម៉ោង៨កន្លះរហូតទៅដល់អាធ្រាត្រ ព្រោះតែ…) ។ ប្រហែលជាអ្នកដែលបានស្ដាប់អាស៊ីសេរីពីយប់មិញ ដឹងរឿងហើយមើលទៅ ព្រោះឮគេនិយាយថាមានផ្សាយទាន់ហេតុការណ៍ណាស់ ។ រឿងរ៉ាវគ្រាន់តែឡានប៉ះម៉ូតូហ្នឹងឯង អ្នកបានឃើញហេតុការណ៍និយាយថា អ្នកស្លាប់មិនជាចាស់ទេឯអ្នកនិយាយតគ្នាតាមព័ត៌មានថាអ្នកស្លាប់ គឺជាកូនអ្នកតំណាងរាស្ត្រអីផងហ្ន៎ ។ មិននិយាយគ្នាស្រួលបួល ប្រទាញប្រទង់ៗ អ្នកដែលជិះម៉ូតូរាងចំណាស់ក្បាលឆកដែរដកកាំភ្លើងទៅផ្អឹបនឹងពោះបងស្ទាវ ប៉ច ចប់! អេវំទៅ ។ ការពិតកន្លែងដែលខ្ញុំឃើញថាស្ទះនោះ ទើបមានរឿងសោះ ស្មានតែវាស្ទះ គេដើរលេងថ្ងៃអាទិត្យ ។ ចឹងហើយចេះតែប្រដៅគ្នាទៅ ឃើញគេជិះឡានស្អាតៗកប់ស៊េរីអី វែកផ្លូវឲ្យគាត់ទៅតែគាត់ទៅ សូម្បីប៉ូលីសតាមផ្លូវមិនហ៊ានក្អកផងគ្រាន់តែឃើញឡាន ហាហា រាស្ត្រនៅដោយរាស្ត្រ មិនរាស្ត្រនៅដោយមិនរាស្ត្រ ៕
វីដេអូថ្មីរឿង៖ ស្នេហ៍ប្រែរូប
ប៉ុន្មានរយៈនេះ ហាក់ដូចជាពុំមាននរណាសូវខ្វល់ពីកុនខ្មែរ កុនខ្មោចអីទេមើលទៅ ព្រោះគេដឹងថាវាបះដៃបះជើងទៅហើយ តែគេបែរល្បីខ្សែវីដេអូភាគតាមកញ្ចក់ទូរទស្សន៍ទៅវិញ ដែលល្បីនោះ មិនដឹងល្បីម៉េចទេ លាន់ឮតែពីមាត់មួយទៅ មាត់មួយថាមើលមិនកើត សម្ដែងឆ្កួតៗជាដើម ក្រៅពីនេះមានអ្នកខ្លះជេរអ្នកនិពន្ធ និងអ្នកដឹករឿងទៀតក៏មាន ។ ថ្ងៃនេះសូមលើករឿងមួយ ដែលជាខ្សែវីដេអូដែលទើបថតចប់សើមៗនៅខែមុននេះ គឺរឿងស្នេហ៍ប្រែរូបរបស់លោក គង់ សុភី អ្នកនិពន្ធ និងដឹកនាំរឿង ។ រឿងនេះនិយាយពី មិត្តភក្តិដែលបែកគ្នាយូរហើយ ហើយដែលមានគូស្រករតែរៀងខ្លួនហើយនោះ ប៉ុន្តែជីវិតរបស់ពួកគេទាំងពីរបានក្លាយជាពោះម៉ាយ និងមេម៉ាយ ។ ជាខ្សែរឿង ដែលស្ដែងពីស្នេហាវ័យចំណាស់ ហើយក៏ឆ្លុះបញ្ចាំងផងដែរពីការអប់រំមនុស្សទូទៅក្នុងសង្គម ដូច្នេះហើយរឿងនេះពុំមានសម្ដែងជាឈុតស្នេហាច្រើនពេកទេ ។ រឿងស្នេហ៍ប្រែរូបនេះ ចូលរួមសម្ដែងជាតួអង្គឯកដោយ លោកទេពរិន្ទ ដារ៉ូ និងអ្នកស្រីឌី សាវ៉េត (រូបខាងលើ) ។ ការជួបគ្នាសាជាថ្មីរវាងស្រីមេម៉ាយម្នាក់ និងពោះម៉ាយម្នាក់ (ឌី សាវ៉េត និងទេព រិន្ទដារ៉ូ) បានបង្កើតបានជាអារម្មណ៍ស្នេហាថ្មីមួយដែរ ដែលពួកគេចង់យកគ្នាជាប្ដីប្រពន្ធ ប៉ុន្តែវគ្គសំខាន់ក្នុងរឿងនេះ ត្រូវបានរារាំងដោយកូនស្រីរបស់អ្នកស្រីឌី សាវ៉េត គឺគេពុំពេញចិត្តនឹងស្នេហាមួយនេះទេ ព្រោះគេពុំហ៊ានធានាថាតើបុរសចំណាស់ដែលនឹងក្លាយជាឪពុកចុងរបស់នាងនឹងល្អជាមួយម្ដាយនាង និងនាងដែរឬយ៉ាងណា ។ ស្នេហាវ័យចំណាស់នេះ លាតត្រដាងនៅរោងភាពយន្តដែលក្រាញរកស៊ីបញ្ចាំងកុនមួយនារាជធានីភ្នំពេញ គឺរោងភាពយន្តលុច្ស ៕
ថ្ងៃនេះថ្ងៃស្អែកប្រឡងបាក់ឌុប
កាលបរិច្ឆេទប្រឡងបញ្ចប់មធ្យមសិក្សាចំណេះទូទៅទុទិយភូមិឆ្នាំ២០០៩ គឺចាប់ផ្ដើមពីថ្ងៃនេះតទៅ និងថ្ងៃបន្តបន្ទាប់ ។ សូមជូនពរសិស្សានុសិស្សទាំងអស់ សំណាងល្អគ្រប់ៗគ្នា…
អប្សរហង្សមាសមានបញ្ហា
បងប្អូនអ្នកស្នេហាចម្រៀងសម័យប្រហែលជាដឹងហើយថា ថ្មីៗនេះក្រុមហ៊ុនរស្មីហង្សមាសទើបចេញស៊ីឌីថ្មីមួយចំនួន ដែលក្នុងចំណោមនោះ បទចម្រៀងមួយដែលទទួលការចាប់អារម្មណ៍ពីសំណាក់យុវវ័យខ្លាំងបំផុតនោះ គឺបទ Nobody ដែលច្រៀងដោយបុប្ផាទាំង៤ទងប្រចាំហង្សមាស ដែលមជ្ឈដ្ឋានខាងក្រៅគេហៅថា RHM Angels នោះ ។ បទ Nobody របស់ក្រុមហ៊ុនកូរ៉េល្បីឈ្មោះមួយ JYP Entertainment ដែលច្រៀងដោយក្រុម Wonder girls កំពុងមានភាពល្បីល្បាញនៅអាស៊ីយើងនេះ ហើយមិនមែនមានតែបទនេះមួយទេ គឺមួយអាល់ប៊ុមសុទ្ធសឹងជាបទពីរោះៗរបស់គេមែន ខ្ញុំក៏បានស្ដាប់ប៉ុន្មានបទហើយដែរ ។ ក្នុងអាល់ប៊ុននោះ ខ្ញុំចូលចិត្តបទ Saying I Love You ជាងគេ ។ ខ្ញុំទើបអានព័ត៌មានព្រឹកមិញនេះ គេសរសេរថាតំណាងក្រុមហ៊ុន JYP មានគម្រោងលើកបញ្ហានេះមកនិយាយជាមួយភាគីដែលលួចចម្រៀងរបស់គាត់ ។ មិនមែនមានតែកម្ពុជាមួយទេ សូម្បីនៅស្រុកថៃ និងស្រុកគេដទៃៗទៀតក៏បានលួចចម្លងបទល្បីៗពីក្នុងអាល់ប៊ុមហ្នឹងដែរ ។ គាត់ចង់ឲ្យដឹងថា តើអាកម្មសិទ្ធបញ្ញាហ្នឹងវាយ៉ាងម៉េច បានជាមានគេហ៊ានចម្លងដោយគ្មានការអនុញ្ញាត ។ បទ Nobody នេះត្រូវបានក្រុមហ៊ុនហង្សមាសលើកមកធ្វើជាកម្មវិធីពិសេសមួយក្នុងឱកាសបុណ្យនៃក្ដីស្រលាញ់ដែលទើបកន្លងទៅពីខែមុន ។ ហេហេ ខ្ញុំក៏បានទៅមើលដែរ កញ្ញាៗរាំស្អាតណាស់ តែស្ដាប់ពុំសូវបានព្រោះអង្គុយមើលឆ្ងាយពេក ។
បើកឆាកកម្ពុជាចាញ់សិង្ហបុរី ០ ទល់ ៥
SINGAPORE: Singapore wants to make history by winning the ASEAN Football Federation Cup for the third successive time. And the Lions got off to a good start, beating Cambodia 5-0 in their opening tie at the Gelora Bung Karno Stadium in Jakarta. Singapore was the clear favourite to score and Aleksander Duric came close in …
វិញ្ញាណក្រហមនៅសៀមរាប
កាលបើពុំទាន់បានមើលរឿងនេះទេ ខ្ញុំនៅតែមិនអស់ចិត្តឡើយ ។ ព័ត៌មានមួយធ្វើឲ្យរសើបចិត្តខ្ញុំនោះ គឺកុននេះទីបំផុតនឹងមកដល់ស្រុកខ្មែរទាល់តែបាន ។ ប្រហែល ឬពិតណាស់ដែលសេរីភាពកុនខ្មែរមិនទាន់ត្រូវបានផ្ដល់តម្លៃ ។ ថ្ងៃមួយ ខ្ញុំបានអានព័ត៌មានមួយ និយាយថារដ្ឋាភិបាលខ្មែរ នឹងនិយាយថា “ទេ” រាល់ភាពយន្តណាដែលទាក់ទងរបបខ្មែរក្រហម ។ បើច្នោះខ្ញុំបានគិតថាលែងរំពឹងបានមើលរឿងកុនបែបចឹងៗទៀតហើយ ។ តើវាប៉ះពាល់ធ្ងន់ធ្ងរដល់ថ្នាក់មិនអាចបញ្ចាំងបាននៅស្រុកខ្មែរ? ឬក៏និយាយមិនត្រូវគ្នា… ចុងឆ្នាំនេះ ខេមបូហ្វេស រៀបចំមហោស្រពភាពយន្ត វីដេអូ លើកទី២នៅខែត្រសៀមរាប ទឹកដីអង្គរដ៏បវរនៃប្រទេសកម្ពុជា ។ ភាពយន្តអន្តរជាតិសម្បូរណ៍បែបនឹងបញ្ចាំងទីនោះ អានកម្មវិធី ទាំងស្រុង ។ ស្ដាយដែរ ដែលមិនមែនបញ្ចាំងនៅភ្នំពេញ ។ វិញ្ញាណក្រហម ផលិតនៅប្រទេសអូស្ត្រាលី ដោយលោក ធីម ប៉ិក បានទទួលការគាំទ្រមិនត្រឹមតែមួយលើកទេ នៅអូស្ត្រាលី ។ តើវាគួរឲ្យកោតសរសើរដែរទេ ដែលកូនខ្មែរមានគំនិតបង្កើតកុនទំនើបល្អ ។ ខ្ញុំអត់ថាអីថាវ៉ាន់ទេ គ្រាន់តែចង់មើលកុនខ្មែរល្អៗប៉ុណ្ណោះ បើគេថារឿងនេះមិនគួរបង្ហាញមុខក្នុងស្រុកខ្មែរ ឬធ្វើឲ្យប៉ះពាល់សតិអារម្មណ៍ប្រជាជនក្រៃណា ក៏មិនថ្វី… ចឹងទេ ឲ្យកុនខ្មែរគេងមួយស្របក់ចុះ ។ តែក៏មិនអស់សង្ឃឹមដែរ ព្រោះគាត់ …
គេព្រីស៊ីម ០៩៧ ហ្ន៎
ព្រឹកពីម្សិលនេះ ខ្ញុំបានទៅសាខាវៀតតែល នៅជិតស្តុបទេពផនជាមួយភឿន ។ ០៩៧ ហ្នឹងគេមានកម្មវិធីចែកស៊ីមមិនគិតថ្លៃសម្រាប់ស្ទូដិនចំនួន ១០០.០០០ ស៊ីមឯណោះ គេហៅថាកម្មវិធី Met4Ever ។ និយាយអ៊ីចឹងមានបងប្អូនណា បានទិញ ឬបើកស៊ីមហ្នឹងហើយឬនៅ? កិកិ អីក៏សម្បូរណ៍សេវាម៉េះទេ… បើតាមសង្កេតមើលទៅក្រុមហ៊ុននេះខុសគេ មុននឹងបើកដំណើរការសេវារបស់ខ្លួន គេរាយអង់តែនចាប់តាំងពីទីក្រុងអំពេញ រហូតដល់ខេត្តក្រុងនានារួចជាស្រេច ប្រើពេលអស់ខ្ទង់ប្រហែល ៣ឆ្នាំឯណោះ មិនដូចក្រុមហ៊ុនមុនដែលទើបបើកសើមៗនេះទេ ដែលគេដាក់ឲ្យប្រើតែអ្នកអំពេញមុន ។ ស៊យវិន ទៅម្សិលគេថាធើអត់ទាន់ហើយ… ចឹងចាំយូរតិចចាំញ៉ុមមក៍យកម្ដងទៀតចែអឺយ ——— 097 is coming?
Khmer Dictionary
Recent Comments