Category Archives: កម្សាន្ត
សង្គមងងឹតនៅម៉ុងកា (Monga)
ម្រាមទាំងប្រាំ ទើបក្លាយជាកណ្ដាប់ដៃមួយ… ផ្ដើមចេញពីសិស្សថ្មីម្នាក់ហៅថា Mosquito ទើបចូលរៀននៅវិទ្យាល័យមួយ ។ ថ្ងៃដំបូងរបស់គេនៅសាលាត្រូវក្មេងមួយក្រុមវាយធ្វើបាបមាន់ថ្មីមួយនេះ និងគំរាមទារថ្លៃការពារតាមទម្លាប់ក្មេងកាងតាមសាលា ។ … ដោយឃើញភាពក្លាហានរបស់ Mosquito យុវជនអ្នកលេងប្រកបដោយគុណធម៌មកពីបក្សគួនមិន មានគ្នាបួននាក់ បានជួយរំដោះគេចេញពីការកៀបសង្កត់មួយនោះ ហើយបានសម្រក់ឈាមរាប់គ្នាជាបងប្អូនចាប់ពីថ្ងៃនោះ ។ ថ្ងៃនេះ បើឯងមិនសម្លាប់គេទេ ថ្ងៃស្អែកគេនឹងសម្លាប់ឯងមិនខាន!… ស្វាស, អាកូនឆ្កែ, Monk, Mosquito n Dragon (រូបខាងលើ) ។ Dragon គឺជាកូនប្រុសដ៏សង្ហារបស់បងធំនៅបក្សគួនមិនឈ្មោះ Geta ជាអ្នកមានមុខមានមាត់នៅ Monga ។ ថ្ងៃមួយ Geta ត្រូវបានសម្លាប់… ខ្ញុំនៅតែមិនយល់ថា ហេតុអីបងប្អូនកាប់សម្លាប់គ្នា… ឯងថានេះជាជីវិតក្នុងសង្គមងងឹត ឯងស្មានថាអំបាញ់មិញនេះ យើងពិតជាចង់ឱបឯងមែនទេ ទើបឯងឱបយើងវិញ… គឺយើងចង់សម្លាប់ឯង ។ នេះមិនហៅថាសង្គមងងឹតទេ គឺឯងរស់ក្នុងសង្គមមិត្តទៅវិញទេ ។ បើចង់ជ្រាបច្បាស់សូមអញ្ជើញទស្សនារឿង Monga ជាខ្សែភាពយន្តរបស់តៃវ៉ាន់អំពីជីវិតពោរពេញដោយការកាប់សម្លាប់គ្នា ស៊ីសាច់ហុតឈាមអង្គាមឆ្អឹង…
Repost: បេះដូងកំព្រា
ថ្ងៃនេះដូចមិនសូវសប្បាយចិត្ត គិតនាំគ្រប់គ្នារួមស្ដាប់ចំរៀងមួយបទ “បេះដូងកំព្រា” បទនេះថតតាំងពីពីរឆ្នាំមុន (២០០៨) ក្នុងប្រកាសនេះ អ្នកចម្រៀងល្បីមកបង្ហើរសំនៀងបន្តិចបន្តួចជួនបងប្អូនស្ដាប់លេង! សម្រួលតន្ត្រី និងដឹកនាំថត : ណារដ្ឋ អាល់ប៊ុម : Vol. 1 អ្នកច្រៀងអត់ប្រាប់ទេ!!! ហាមថតចម្លងធ្វើអាជីវកម្ម… រក្សាសិទ្ធិ naraths | records
កុនថ្មី ឬគ្រាន់តែជាការស្រមើស្រមៃរបស់ផលិតករភាពយន្តខ្មែរ?
ប្រហែលជាសល់តែមួយផ្ទាំងនេះផងក៏មិនដឹង ខ្ញុំឃើញបិទនៅផ្នែកខាងក្រោម នៃទូដាក់ថាសវីដេអូរឿងជាច្រើនរបស់ហាងលក់ស៊ីឌីមួយឈ្មោះស្មាតឌីស នៅផ្សារទំនើបសូរិយាជាន់ទី៣ ។ J7 គឺជាផ្ទាំងឃោសនាភាពយន្តមួយ ដែលខ្ញុំទើបឃើញប៉ុន្មានខែមុន ហើយមានការភ្ញាក់ផ្អើលជាខ្លាំង ។ តើវាជាកុនថ្មីស្ដីពីមហាវីរក្សត្រខ្មែរមួយរូបមែនទេ? គ្រាន់តែឃើញរូបក៏ដឹងបាត់ទៅហើយ ។ ខ្ញុំព្យាយាមសាកសួរអ្នកលក់ពីរឿងនេះ គាត់បានត្រឹមឆ្លើយថាមិនមានរឿងនេះទេ ក្រដាសមួយផ្ទាំងនេះ គ្រាន់តែគេព្រីនហើយយកមកបិទតែប៉ុននោះ ។ អ្វីដែលចង់ដឹងគឺ ថាវាជារបស់ថ្មី ឬចាស់ប៉ុននោះ ។ ខ្ញុំបានស្វែងរកព័ត៌មានពី J7 នេះ តែគ្មានតម្រុយឡើយ សូម្បីក្នុងឥន្ថឹណិត រូបនេះក៏គ្មានដានដែរ គឺគេលុបចោលសល់តែស្រមោលមួយនៅវេទិកាមួយនោះ ។ COMING SOON នេះគឺតាំងពីប្រមាណ ៥ឬ៦ឆ្នាំ(?)មុនម្ល៉េះបើតាមដឹង ។ ដំណឹងនេះសាបរលាបទៅវិញក៏យូរដែរហើយ ប៉ុន្តែពេលខាងមុខនេះ កុនខ្នាតខ្លីជយវរ្ម័នទី៧ នឹងមានមុខម្ដងទៀតជាមិនខាន ។
រឿងនិទានមុនចូលគេង៖ នេះឬពូថៅតា?
មានតំណាលមកថា បុរសកាប់អុសម្នាក់រស់នៅជាមួយប្រពន្ធកម្សត់ ដោយរកស៊ីតែកាប់អុសលក់ ដោយប្រើពូថៅដ៏កញ្ចាស់របស់គាត់មួយ… ។ មានថ្ងៃមួយបុរសនោះចេញទៅកាប់អុសនៅក្នុងព្រៃដូចសព្វមួយដងដោយទុកប្រពន្ធឲ្យនៅចាំផ្ទះ ។ …មកដល់ព្រៃក្បែរមាត់ស្រះទឹកដ៏ធំមួយ ។ គាត់បានកាប់ឈើសម្រាប់ធ្វើអុសបានខ្លះហើយ ចៃដន្យអីពូថៅរបស់គាត់បានរបូតផ្លែធ្លាក់ចូលទៅក្នុងទឹក ។ ពេលនោះគាត់មិនដឹងគួរធ្វើម្ដេចទេ គាត់ចាប់ផ្ដើមអស់សង្ឃឹមក្នុងចិត្ត ព្រោះអស់ពីផ្លែពូថៅតែមួយនោះទៅ គាត់មិនដឹងបានអ្វីប្រកបរបរសម្រាប់ចិញ្ចឹមជីវិតទៅថ្ងៃមុខទៀត ។ គាត់អង្គុយយំរហ៊ឹមតែម្នាក់ឯងជិតដង្គត់ឈើមួយ… ស្រាប់តែមើលទៅផ្ទៃទឹក ពពុះទឹកក៏ខ្ជោលឡើងខ្ពស់ទៅៗ អារក្សទឹកក៏បានផុសបង្ហាញខ្លួនច្បាស់នៅមុខរបស់គាត់ ។ មែនហើយសំឡេងថ្ងូរខ្សឹកខ្សួលរបស់បុរសកាប់អុសដ៏កម្សត់នោះ បានធ្វើឲ្យរំជួលដល់អារក្សទឹក ។ មក៍នេះមិនមែនមានការអ្វីទេ គឺមក៍ស្ដីឲ្យតែម្ដង ។ អារក្សទឹកក៏ធ្វើទឹកមុខមាំ តែភ្នែកនៅមមីនៅឡើយ ដូចទ្រង់ទើបភ្ញាក់ពីដេក ហាហា រួចក៏និយាយទៅកាន់បុរសកម្សត់ ដោយសំឡេងគ្រលរៗរបស់គាត់ ៖ -នែ៎! តាចាស់ម្ដេចក៏មកអង្គុយយំក្បែរមាត់ទឹកនេះទៅវិញ ដឹងថារំខានយើងកំពុងដេកទេ? ទៅ! ចង់យំអី ទៅយំនៅផ្ទះតាឯងទៅ! យើងថ្លង់ណាស់… (យី! ម៉ោហៅគេតាចាស់ចឹង គេទើបអាយុវ័យកណ្ដាលមនុស្សសោះហ្នឹង-ដឹងហៅចឹងគេអន់ចិត្តហ្អេ-បុរសនោះគិតតែក្នុងពោះ) ។ -«ខ្ញុំកំពុងតែពិបាកចិត្ត ម្ដេចលោកម្ចាស់មកស្ដីចំអកខ្ញុំទៀត? ខ្ញុំយំព្រោះបាត់ផ្លែពូថៅ! ចាប់ពីល្ងាចនេះ មិនដឹងបានអ្វីរកស៊ីទៀតទេ ហើយទៅដល់ផ្ទះច្បាស់ជាត្រូវមាត់ម៉ែប្រពន្ធមិនខាន» ។ (ហាហា អាប៉ិនេះទំនងខ្លាចប្រពន្ធផងតើ!) …
Repost: ស្រីខ្មែរទៅវត្ត
ឲ្យតែចូលដល់រដូវបុណ្យទានម្ដងៗ យើងនឹងឃើញសម្រស់នារីខ្មែរត្រូវបានបង្ហាញតាមរយៈការស្លៀកពាក់ស្អាតបាតបែបប្រពៃណីខ្មែរយួរស្រាក់ទៅវត្តមិនខាន ។ ហេតុដូចនេះហើយ កំលោះដូចជាពួកយើង មិនបណ្ដែតបណ្ដោយភ្នែក មិនមើលបានឡើយ ព្រោះជាឱកាសកម្រដែលបានឃើញនារីខ្មែរតែងខ្លួនម្ដងៗ ថាវាប្លែកយ៉ាងណា ។ សម្រាប់ខ្ញុំ មិនថាតាមផ្លូវ តាមណាតាមណីទេ ឲ្យតែបានមើលខ្ញុំស្រលាញ់ណាស់ មើលមិនចង់ដាក់ភ្នែកទេ ព្រោះស្អាតពេកទាំងកូនខ្មែរសុទ្ធ ទាំងកូនកាត់ចិន ។ ជាពិសេសក្នុងឱកាសបានជូនអ្នកម្ដាយទៅទីអារាម ខ្ញុំមិនព្រមឡើងសាលាឆាន់ ឬព្រះវិហារអីទេ សុខចិត្តនៅចាំគាត់នៅខាងក្រៅព្រោះបានមើលគេដើរ… គ្រានេះ សូមអញ្ជើញកំសាន្តតាមរយៈបទចម្រៀងប៉ុន្មានបទខាងក្រោមដោយមេត្រី ។ កូនអើយ!ភ្ជុំបិណ្ឌ ផ្កាកំពីងពួយ ផ្ទះបងឆ្ងាយវត្ត រដូវភ្ជុំបិណ្ឌ ស្រីខ្មែរទៅវត្ត សែនជូនដំណើរ
ស្ដាយយប់
ល្ងាចនេះ ខ្ញុំរើក្នុងកាតាបចាស់មួយ ឃើញកូនសៀវភៅតូចមួយ ដែលសឹងតែភ្លេចថាមានវាទៅហើយ ។ សៀវភៅនេះជាកាដូពីមិត្រភក្តិម្នាក់ ។ បើកមើលប៉ុន្មានទំព័រទៅ ក៏ឃើញមានកំណាព្យចាស់ជាងដប់ដែលសរសេរឡើងវិញ និងអាថ្មីបីបួនផង ។ ភ្នកថា ឱ! កាលនោះចិត្តអង្គអញវក់តែនឹងកំណាព្យទេតើ មិនដូចឥឡូវសោះ ដែលវក់តែនឹងរឿងលោកិយសុទ្ធសាធ… ខាងក្រោមនេះ នឹងមានសេចក្ដីក្នុងកាព្យមួយនោះហើយ ។ សង្ខេប៖ កាលខ្ញុំនៅជាសិស្សលីសេនៅឡើយ ចាំបានថាកាលនោះ ពុំដឹងជាអ្វីឲ្យតែពេលយប់ឡើង ខ្ញុំមិនចង់ចូលគេងសោះឡើយ ព្រោះថាវេលាយប់ខ្លីណាស់ បើនឹងសម្រាកទៅតើមានពេលឯណានឹងបានកំដស្បៃរាត្រីដែលស្ងាត់មនោរម្យទៅ ព្រោះអីពេលថ្ងៃបើមិននៅសាលា ក៏ទៅជួយម៉ែនៅឯផ្សារដែរ ។ ពុំបានដូចចិត្តគ្រប់ពេលទេ ព្រោះនៅយប់ជ្រៅពុំមែនបានន័យថា ខ្ញុំសម្ងំរៀនសូត្រ បើកគម្ពីរវេទឯណាមកមើលនោះទេ ព្រោះយប់ជ្រេទៅ បន្ទាប់ពីអាស្រ័យបាយនៅម៉ោងជាង ៨យប់ និងងូតទឹករួចរាល់ ក៏តាំងឡើងទៅលើផ្ទះ បម្រុងរំឭកមេរៀនខ្លះ តែត្របកភ្នែកវាទន់ទេរទៅៗរកកលតែបិទ ។ សូមលើកកំណាព្យមួយស្រង់ចេញពីកូនសៀវភៅនោះមក មានចំណងជើងថា “ស្ដាយយប់” មើលកាលបរិច្ឆេទ វាត្រូវបានតែងចប់ក្នុងថ្ងៃទី ៦ ខែមិថុនា ឆ្នាំ២០០៨ ។ ១. ព្រះអាទិត្យ ខិតបាំងភ្នំ ទុំមេឃា ប្រែនភា ជាងងឹត បន្តិចម្ដង យប់ចូលដល់ ខ្យល់បក់វូ ត្រជាក់ខ្នង គ្រានេះម្ដង ដូចបំណង ប៉ងរាត្រី ។ …
តួស្រីក្នុងរឿងស្នេហ៍ដំបូងសេដ្ឋីប្រាក់លាន
ឈ្មោះ អ៊ី យ៉ុនហ៊ី អាជីព តារាសម្ដែងភាពយន្ត ថ្ងៃខែឆ្នាំកំណើត ទី២៦ ខែកុម្ភៈ ឆ្នាំ១៩៨៨ ទីកន្លែងកំណើត ទីក្រុងសេអ៊ូល កូរ៉េខាងត្បូង ទម្ងន់ ៤៨គ.ក ប្រភេទឈាម B ចំណូលចិត្ត ស្ដាប់ចម្រៀង ជំនាញផ្សេងទៀត ចេះច្រៀង ស្អាតទេ? ខ្ញុំឃើញនាងសម្ដែងដំបូងក្នុងរឿង A Millionaire’s First Love ។ រឿងនេះល្អមើលណាស់ ដ្បិតតួសម្ដែងស្អាតហើយសាច់រឿងរ៉ូមែនទិកយក៍តែមែនទែន ។ សង្ខេប៖ យ៉ុនហ៊ីសម្ដែងជាយុវតីវ័យ១៩ឆ្នាំម្នាក់ រៀននៅវិទ្យាល័យប៉ូរ៉ាម នាខែត្រមួយនៅកូរ៉េ ។ នាងជាក្មេងកំព្រាម្ដាយ រស់នៅជាមួយឪពុក និងមានមិត្តភក្តិល្អជាច្រើន ។ ថ្ងៃមួយនាងឡើងទៅសេអ៊ូល ដើម្បីស្វែងរកម្ដាយរបស់នាង ។ ទោះបីជាម្ដាយបោះបង់នាងចោលរយៈពេល ១៩ឆ្នាំហើយក្ដី តែនាងអាចចំណាំថានរណាជាម្ដាយនាងបាន ។ [...] ខ្ញុំមើលរឿងនេះមិនដឹងជាប៉ុន្មានដងហើយទេ ។ ពេលខ្លះមានអារម្មណ៍ថាកំសត់…
Ice Age 3: មែននី និងអេល្លីបានកូនស្រី
វគ្គបីនេះ និយាយពីកំណកំណើតដាយណូស័រ ។ វគ្គនេះពិតជាល្អមើលណាស់ កាន់តែប្លែកពីវគ្គមុនៗ ។ ក្មេងច្រឡឺមបីក្បាលខាងលើនេះ ជាកូនចិញ្ចឹមរបស់ ស៊ីដ ដែលមុននេះគេរើសបានពងដាយណូស័របី ហើយញាស់បានក្មេងបីនាក់នេះ ។ ពួកគេហៅស៊ីដ ថាម៉ាម៉ា… ហាសហាស!! តួថ្មីក្នុងរឿងនេះមានច្រើនណាស់ ។ ខាងលើនេះ គឺវីរៈបុរស Buck ដែលភ្នែករបស់គេខ្វាក់ដោយសារ Rooty ដាយណូស័រយក្សមានមាត់វែងដូចក្រពើ ។ អាវុធសំខាន់របស់ Buck គឺកាំបិតដែលច្នៃពីចង្កូមមួយរបស់ Rooty ដែលខ្លួនកាច់បាន ។ ឈុតខាងលើនេះ គឺត្រង់ដែលពួកគេធ្វើដំណើរទៅជួយស៊ីដ ហើយបានឮសំឡេងខ្សល់យ៉ាងខ្លាំង ។ Buck ប្រាប់ទៅប្អូនប្រុសទាំងពីររបស់ អេល្លី ថាគឺខ្យល់ដែលកំពុងនិយាយ តែគាត់មិនដឹងគេនិយាយអ្វីខ្លះទេ ព្រោះគាត់មិននិយាយភាសាខ្យល់ទេ ហាហា…! Ellie និងកូនស្រីរបស់នាង ។ វគ្គនេះសម្ដែងពីជីវិតគ្រួសាររបស់ដំរីមួយគូ ។ ខ្ញុំប្លែកតែតួ Manny ទេ ពេលដឹងថាខ្លួនជិតក្លាយជាឪពុកគេ គេយកចិត្តទុកដាក់នឹងប្រពន្ធខ្លាំងណាស់ ហើយមួយថ្ងៃៗពិតជាសប្បាយចិត្តណាស់ ហើយនិយាយពីថ្នម ហើយស្ដាប់ប្រពន្ធនុះ! ហាហា ខ្ញុំយល់ថាតួអង្គ Ellie ស្អាតណាស់ ខ្ញុំចូលចិត្តភ្នែករបស់នាង ។ ខ្ញុំនឹកឃើញកាលវគ្គពីរកាលពូកគេទើបស្រលាញ់គ្នាដំបូង ឲ្យតែពេល Manny និយាយដល់រឿងគូស្រករនាងអៀនអឺយអៀន ហេហេ …
ការងារល្អ តែខ្សែរឿង… (ត)
ខ្ញុំសូមនិយាយឡើងវិញនូវអ្វីដែលខ្ញុំចាប់អារម្មណ៍មួយចំនួននៅក្នុងរឿង ដែលបានទស្សនាគ្រាកន្លងមក ។ ចំពោះសាច់រឿងតាំងពីដើមរហូតដល់ចប់ គឺពុំមានអ្វីវែងឆ្ងាយទេ គ្រាន់តែមាលាហាក់ពុំសប្បាយចិត្តសោះ នៅពេលដែលនាងដឹងថាឃាតកដែលបានសម្លាប់ឪពុករបស់នាងនៅមានជីវិតរស់យ៉ាងសុខសាន្ត ។ នាងតែងតែមានក្ដីកង្វល់ជារៀងរាល់ថ្ងៃ ហើយមួយថ្ងៃៗនាងតែងតែស្រាវជ្រាវរឿងរ៉ាវដែលកើតឡើងនោះ និងចង់តាមរកឈ្មោះ វណ្ណ ដែលជាឃាតកសម្លាប់ឪពុកនាងកាលពីសម័យប៉ុល ពត ។ ខាងក្រោមនេះ ខ្ញុំនិយាយត្រួសៗពីកុនរឿង វិញ្ញាណក្រហម ដោយស្រង់យកតែចំណុចដែលគួរឲ្យចាប់អារម្មណ៍ និងកន្លែងដែលខ្ញុំមិនពេញចិត្តមួយចំនួន ។ អំពីកុន មិនខុសពីកុនទូទៅ ការធ្វើឲ្យមានសោភ័ណភាពរូបភាពប្រកបដោយភាពរស់រវើក គឺដំបូងយើងឃើញមានការរាយជាឈ្មោះអ្នកសម្ដែងសំខាន់ៗ ។ សម្រាប់រឿងនេះ ក្បាលរឿង គេយករូបភាពដែលថតពីគុកទួលស្លែងធ្វើជាផ្ទាំងខាងក្រោយ សម្រាប់បង្ហាញឈ្មោះតួសម្ដែងម្ដងមួយៗ ។ ដំបូងឡើយ ប្រហែលជាយើងគិតថា រឿងនេះប្រាកដជាមានអ្វីទាក់ទងនឹងគុកទួលស្លែងមិនខាន តែមិនដូចការស្មានឡើយបន្ទាប់ពីមើលដល់ចប់ ។ គេបានចំណាយពេលយូរដែរ ក្នុងការរាយតួនេះ ហើយមានឮសំឡេងរន្ធត់ផងដែរ គឺសំឡេងស្គរវាយចុះវាយឡើង បន្ទាប់មកក៏ឮចម្រៀងបដិវត្តន៍(?) ក្នុងសម័យកម្ពុជាប្រជាធិបតេយ្យ បន្លឺល្វើយៗ… ។ ខ្ញុំយល់ថា រឿងនេះជារឿងបែបស៊ើបអង្កេតមួយដែរ ព្រោះមានលំនាំខ្លះដែលធ្លាប់ឃើញក្នុងកុនហុងកុង ដែលពេលខ្លះឃាតកបានដាក់សញ្ញា ឬរបស់សម្គាល់ចោលមួយនៅនឹងកន្លែងកើតហេតុ ដែលការធ្វើនេះក្នុងន័យអ្វីឲ្យប្រាកដមិនដឹង ឬក៏ប្រហែលជាឃាតកនោះចង់ល្បីឈ្មោះក៏មិនដឹង ។ ចំណែកឯក្នុងរឿងនេះ ក៏មានជនអាថ៌កំបាំងធ្វើច្នោះដែរ ។ បទសន្ទនា តួអង្គនិយាយភាសាខ្មែរ និងមានលាយភាសាអង់គ្លេសបែបអូស្ត្រាលីខ្លះៗ ។ ក្រៅពីនេះមានឈុតរន្ធត់ សង្ស័យ និងមានការប្រើកាំភ្លើង ហើយមានការវាយតប់គ្នាបន្តិចនៅពេលកុនជិតចប់… ។ ចំណាប់អារម្មណ៍ ផ្ដើមរឿងភ្លាម …
ការងារល្អ តែខ្សែរឿងដូចជាមិន…
បើមួយថ្ងៃៗ ខ្ញុំរវល់តែដើរមើលប្លក់របស់គេនោះ ប្រាកដជាគ្មានពេលសរសេរខ្លួនឯងទេ ព្រោះអ្វីៗមានច្រើនហួសពីការស្មានទៅទៀត មួយថ្ងៃអានមិនអស់ទេ ។ ការកើនឡើងនូវអ្នកសរសេរកំណត់ហេតុតាមឥន្ថឹណិត ធ្វើឲ្យខ្ញុំពុំអាចតាមដានទាន់សភាពការណ៍បានទេ ព្រោះវាមិនចេះរីងស្ងួតសោះ ហើយចំគ្មានពេលមកអានទៀតនុះ ឲ្យគេទៅតែគេទៅ ឯខ្ញុំងាកមកផុសរបស់ផងខ្ញុំវិញទើបគេហៅថាអាប់ដេត ។ បើក្រឡេកមើលទៅ Twitter ដែលនៅខាងស្ដាំនៃកំណត់ហេតុរបស់ខ្ញុំគ្រានេះ វាមានរយៈពេលជិត ៣ខែហើយដែលចក្ខុរបស់ខ្ញុំបានទស្សនាផ្ទាល់នូវខ្សែភាពយន្តខ្មែរមួយរឿងដែលនាំចូលពីប្រទេសអូស្ត្រាលី ហើយក៏ប្រហែលជាមានតិចណាស់សម្រាប់អ្នកនៅស្រុកខ្មែរបានមើលរឿងនេះ ព្រោះអីកុននេះពុំបានដាក់បញ្ចាំងឲ្យមើលជាផ្ទាំងសំពត់សធំហើយវែងដូចកុនឯទៀតទេ ។ ខ្ញុំបានមើលត្រឹមតែជាលក្ខណៈឌីជីថល នៅ MetaHouse កាលពីថ្ងៃទី២៤ ខែមេសាឆ្នាំនេះ ។ ដំបូងឡើយខ្ញុំស្មានតែមានមនុស្សទៅមើលច្រើន ដល់ពេលទៅដល់មនុស្សតែប៉ុន្មាននាក់ ហើយមើលទៅការបញ្ចាំងនេះ ហាក់ពុំមានលក្ខណៈសាធារណៈផង តែអាចចូលមើលដោយសេរី ណាមួយពុំសូវមានអ្នកស្គាល់ Meta House ផង (មានទីតាំងជិតវត្តបទុមវតី រកទម្រាំតែឃើញ) ទៀតសោតគួបផ្សំកន្លែងវាតូចចង្អៀតផង មនុស្សប៉ុណ្ណឹងល្មមសមគួរ ។ មើលរឿងនេះហើយ ខ្ញុំមានកន្លែងរិះគន់ជាច្រើន ហើយក៏សរសើរផងដែរ ។ ឈុតខ្លះមើលពុំសូវយល់ ឬក៏អាចថាអ្វីដែលថតជារូបវាមិនដូចគេរៀបរាប់ក្នុងសំណេរក៏បាន តែមានឈុតខ្លះបង្ហាញពីបច្ចេកទេសសុទ្ធសាធ ឬអាចនិយាយបានថាជាឈុតពុំមានសារៈសំខាន់ក្នុងរឿងគួរកាត់ចេញ ។ ឈុតដែលខ្ញុំពុំពេញចិត្តផ្សេងទៀត មានដូចជាការសម្ដែង ការនិយាយស្ដីទាំងនោះពុំមានលក្ខណៈធម្មជាតិទេ លើសពីនេះទៀតយោបល់ខ្ញុំផ្ទាល់អ្នកនិពន្ធនៅមានគំនិតចាស់គំរិលនៅចុងបញ្ចប់នៃរឿង ដែលជាសភាពដូចគ្នាជាច្រើនក្នុងកុនជំនាន់ឆ្នាំកៅជាង ។ នៅមានត…
Khmer Dictionary
Recent Comments