About

Updated: August 20, 2011

• អំពី​ Blog

@ដំបូង​ឡើយមិន​ដែល​ស្គាល់​ Blog​​ទេ ដល់ប្រើ​យូរ​ៗ​ទៅ​ទើប​ដឹង​ថា​ជា Blog ។ បង្កើត​នៅ​ឆ្នាំ ២០០៦ ពី​បណ្ដាញ WordPress.com​ ។
@ជា​កំណត់​ហេតុ​ទំនើប​មួយ ដែល​មិន​ចាំ​បាច់​សរសេរ​ដោយ​ដៃ​ក្នុង​សៀវភៅ​​ទេ តែ​ប្រើ​កុំព្យូទ័រ ហើយ​អាច​បើក​មើល​បាន​គ្រប់​ទី​កន្លែង ។
@Blogger គឺ​ជា​អ្នក​និពន្ធ ឬ​ជា​អ្នក​សរសេរ​កំណត់​ហេតុ ឬ​អាច​ជា​អ្នក​សារព័ត៌មាន ។ល។ ក្រៅ​ពី​នេះ Bloggers អាច​ជា​មិត្រភ័ក្តិ អាច​ជា​សត្រូវ អាច​ជា​មនុស្ស​ដែល​ស្រលាញ់​យើង អាច​ជា​មនុស្ស​ដែល​ស្អប់​យើង ព្រោះ​ពួក​គេ​ជា​នរណា​ដែល​មក​ពី​គ្រប់​ទីកន្លែង ។
@អ្នក​អាច​មាន​ទស្សនៈ​ផ្សេង​ៗ​ពី​គ្នា​អំពី Blog តែ​សម្រាប់​ទី​នេះ ៖ ជាកំណត់​ហេតុ​ផ្ទាល់​ខ្លួន ជា​ការ​ចែក​រំលែក ជា​ទស្សនៈមតិ ជាការ​ចាប់​អារម្មណ៍ ជា​ការ​ធ្វើ​ទំនាក់ទំនង ជា​ការ​កម្សាន្ត និង​ជា​ការ​រាប់អាន ។

• អក្សរ​សាស្ត្រ​

@ភាសាខ្មែរ ត្រូវ​បាន​លើក​កម្ពស់​នៅ​ទី​នេះ ។ ខ្ញុំ​គិត​ថា យើង​នឹង​មាន​មោទនភាព​នៅ​ពេល​ដែល​យើង​អាច​ប្រើ​ភាសា​ជាតិ​របស់​ខ្លួន ដល់​គ្រប់​ទីកន្លែង ។ ដូច្នេះ​ក្នុង​ឧត្តម​គតិ​របស់​ខ្ញុំ ការ​ប្រើ​ពាក្យ​ខ្មែរ​​ទាំង​នោះ គួរ​តែ​ត្រូវ​បាន​យក​ចិត្ត​ទុក​ដាក់ បើ​មិន​បាន​ជួយ​បង្កើត​ថ្មី សុំ​ត្រឹម​ជួយ​រក្សា មិន​មែន​ជួយ​បំផ្លាញ​ទេ ។
@ខ្ញុំ​មាន​ទម្លាប់​សរសេរ​ខុស​ដោយ​អន្លើ ពាក្យ​សរសេរ​រាយ ពាក្យ​មិន​ផ្លូវ​ការ​ជា​ដើម… តែ​ខ្ញុំ​នឹង​មិន​​ហ៊ាន​សរសេរ​ពាក្យ​ដែល​សង្ស័យថា​មិន​ត្រូវ​ឡើយ ។ មិត្រភ័ក្ដិ​បន​ភឿន​អ្នក​អាន​ទាំង​ឡាយ យើង​គួរ​ជួយ​កែ​គ្នា នោះ​យើង​នឹង​មាន​ទម្លាប់​សរសេរ​តែ​ពាក្យ​ត្រូវ​ជា​ដរាប ។
@ពាក្យ​បរទេស ខ្ញុំ​សូម​រក្សា​ទម្រង់​ដើម​តែ​ក្នុ​ង​ករណីដែល​មិន​មាន​ក្នុង​ភាសា​ខ្មែរ​គ្រប់​គ្រាន់ តួយ៉ាង Blog, Update, Mail… ។

• អំពី​អ្នក​និពន្ធ

@ឈ្មោះ សៅ ណារដ្ឋ មាន​ដើម​កំណើត​កើត​ជា​នៅ​ស្រុក​ថ្មពួក ខែត្រ​បាត់ដំបង (បច្ចុប្បន្ន​​ជា​ស្រុក​មួយ​របស់​ខែត្រ​បន្ទាយ​មាន​ជ័យ) ពុទ្ធ​សករាជ ២៥៣០ ត្រូវ​នឹង​គ្រិស្ត​សករាជ ១៩៨៦ ។
@ទីលំនៅ​សព្វ​ថ្ងៃ ៖ ​សង្កាត់​ផ្សារ​ដើម​ផ្កូវ ខណ្ឌ​ចំការមន រាជធានី​ភ្នំពេញ ។
@បញ្ចប់​ថ្នាក់​បរិញ្ញាបត្រ​ផ្នែកវិទ្យាសាស្ត្រ​សេដ្ឋកិច្ច ឆ្នាំ​២០០៩ និង​បច្ចុប្បន្ន​បម្រើ​ការងារ​ក្នុង​ក្រុមហ៊ុន​មីក្រូ​ហិរញ្ញវត្ថុ​មួយ​នៅ​ក្រុង​តាខ្មៅ (មិន​ឆ្ងាយ​ប៉ុន្មាន​ពី​ភ្នំពេញ) ។
@ស្ថានភាព​គ្រួសារ៖ នៅ​លីវ ។

• ការ​រក្សា​សិទ្ធិ

@ការ​ដាក់ Comments ត្រូវ​បាន​បើក​ចំហ រាប់​ទាំង​យោបល់ មតិ​រិះគន់ ការ​លើក​ជា​សំណួរ​ជា​ដើម ។ ប្រការ​ដែល​លើក​លែង​មាន​ដូច​ជា Comments ដែល​គ្មាន​សារៈ គ្មាន​អត្ថន័យ ដែល​អ្នក​និពន្ធ​យល់ថា​ជា​ការ​រំខាន​ដល់​ជន​ទូទៅ (Spam) ។
@អាច​ដាក់​ជាសំណើ​សុំ Comments ជា​ការ​ជូន​ដំណឹង ការ​ចែក​រំលែក ការ​ផ្សព្វផ្សាយ … វៀរលែង​ការ​ប្រកាន់​ខ្ជាប់​ភាព​និយម​ជ្រុល​ហួស​ហេតុ ។
@អ្នក​និពន្ធ​​អាចលុប​ចោល ឬ​មិន​បង្ហាញប្រកាស (Post)​ណា​មួយរួម​ទាំង​ Comments ករណី​មាន​ការ​ស្នើ​សុំ​ជា​ពិសេស ឬ​ករណី​ប៉ះ​ពាល់​ធ្ងន់ធ្ងរ​ចំពោះ​បុគ្គល​ណា​ម្នាក់ ។

“សូម​ឲ្យ​ក្ដី​ស្រលាញ់ មាន​ចំពោះ​មនុស្ស​គ្រប់​រូប” “ផ្ដើម​ពីការ​ស្រលាញ់ ការ​យោគ​យល់ យើង​អាច​ជន្នះ​រាល់​ទោសៈ មោហៈ លោភៈ”
With Love;
Rath Series