ធ្លាប់ទាយសន្លឹកបៀទេ? ខែ កក្កដា 14, 2009
Posted by រដ្ឋ in ពីនេះពីនោះ, អំពីណារដ្ឋ.trackback
- រដ្ឋ series វគ្គស្នេហា
យ៉ាងណាក៏ធ្វើឲ្យយើងសប្បាយចិត្តនៅពេលដែលដឹងថា មានគេអាចទស្សន៍ទាយដឹងរឿងក្នុងចិត្តរបស់យើងដែរ ។ តើវាអាចទៅរួចដែរទេ គ្រាន់តែសន្លឹកបៀប៉ុន្មានសន្លឹកអាចដឹងរឿងរ៉ាវរបស់យើង ។ ថាមិនជឿក៏បាន តែដល់បានជួបផ្ទាល់ ខ្ញុំឆ្ងល់ណាស់ ហេតុអ្វីក៏អាចទៅរួច រឿងដែលគ្មាននរណាដឹង យើងយើងគ្រាន់តែបានត្រឹមគេស្ដាប់គេនិយាយ ចាត់ទុកថាគេទាយត្រូវរឿងរបស់យើងទៅហើយ ទោះបីមិនឥតខ្ចោះក៏ដោយ ។
ប្រហែលជាកន្លះឆ្នាំមុន មិត្តរបស់ខ្ញុំម្នាក់ គេថាគេចេះទាយសន្លឹកបៀ ទាំងដែលខ្ញុំមិនដែលដឹងថាគេចេះពីមុនមកទេ ។ ឲ្យគេសាកមុនចុះ ខ្ញុំចាំក្រោយ…។ ការទាយនេះគ្រាន់តែគេមិនអាចនិយាយចំៗប៉ុននោះ ប៉ុន្តែយើងអាចកាត់យល់បាន ។ រឿងនោះវាដូចនេះទេ ខ្ញុំចង់ដឹងថា តើខ្ញុំកំពុងនឹកដល់អ្នកណា? ខ្ញុំសឹងតែមិនចង់ឲ្យគេទាយ ព្រោះខ្លាចគេដឹងរឿងខ្ញុំ ព្រោះអ្នកមុនគេថាទាយត្រូវរឿងរបស់គេ គួរឲ្យស្ងើចដែរហ្នឹង ទោះជាគេនិយាយលួងថា ការទាយរបស់គេមិនឆុតទាំងអស់នោះទេ ព្រោះវាដោយមនុស្សដែរ ចង់និយាយថាមានត្រូវមានខុស ។ តាមខ្ញុំសង្កេតមើល ពីរបីនាក់ដែលទាយមុននោះ សុទ្ធតែត្រូវនិងស្រដៀងរឿង ។
ខ្ញុំត្រូវសាប់បៀ ហើយហូតតាមតែគេប្រាប់ ។ J មួយសន្លឹកតំណាងឲ្យរូបខ្ញុំ តែខ្ញុំមិនចាំថាសន្លឹកមួយណាទេ គ្រាន់ដឹងថាវាតំណាងឲ្យកម្លោះ ព្រោះខ្ញុំនៅកម្លោះ 
។ ដឹងទេថា បើកចុះបើកឡើង គេនិយាយថាមាន Q ពីរដែលពាក់ព័ន្ធនឹងខ្ញុំ មួយសន្លឹកខ្មៅ (តំណាងឲ្យមនុស្សស្រី ដែលមានសម្បុរមិនខ្មៅដូចបៀរទេ តែស្រអៀមមិនស) និងមួយទៀតសន្លឹកក្រហម (តំណាងឲ្យមនុស្សស្រីដែលមានសម្បុរស) ។
គេនិយាយថា រាល់ថ្ងៃ (គិតត្រឹមថ្ងៃទាយ) ខ្ញុំកំពុងគិតដល់មនុស្សស្រីម្នាក់ដែលមានសម្បុរមិនសពេកទេ តែយើងនិយាយថាស្រីខ្មៅទៅចុះស្រួលស្ដាប់ អាចថានៅឆ្ងាយតែក៏មិនជិតដែរ ។ គេនោះកំពុងមានបញ្ហាគ្រួសារ បើកបៀបន្តទៀតបញ្ហានោះគ្រួសារគេអាចដោះស្រាយរួចហើយ ។ ខ្ញុំគិតដល់អ្វីដែលគេធ្លាប់ប្រាប់ ថាពីអតីតគេមានបញ្ហានោះមែន តែពេលវាយូរហើយរាល់ថ្ងៃពួកគេរស់នៅធម្មតា ។ បើកមួយឈុតពីរឈុតទៀត J របស់ខ្ញុំនៅតែមានចិត្តលើ Q ខ្មៅដដែល តែលើកនេះគេនិយាយពីសាច់ញាតិម្ដង ថាគេមានបងប្អូននៅកៀកហើយចាំបារម្ភ ។ តែមិនចាំបាច់ភ័យទេ Qខ្មៅ នៅកៀក J របស់ខ្ញុំមានន័យថា គេក៏មានចិត្តលើខ្ញុំ នៅមួយគូនេះ រាល់ថ្ងៃនឹកគ្នាណាស់ ស្រឡាញ់គ្នាឬមិនស្រឡាញ់មិនដឹងទេ គ្រាន់តែដឹងថា ក្នុងចិត្ត J នេះនឹកគេរាល់ថ្ងៃ ហើយ Q នោះក៏នឹក J នេះវិញដែរ ។ ខ្ញុំគិតអ៊ីចឹងដែរ
តែ… ហេតុអ្វីមាន Q ក្រហមនៅតាមកៀកខ្ញុំម៉្លេះ ។ គ្រូទាយនិយាយថា ថ្វីដ្បិតមាន Q ខ្មៅដែលយើងគិតដល់ តែនៅមានមនុស្សស្រីសម្បុរសកំពុងតែនៅកៀក អាចនិយាយថាគេលួចស្រឡាញ់ក៏ថាបាន តែគេនៅតែជឿជាក់ថា J មានចិត្តលើតែ Q ខ្មៅប៉ុននោះ ព្រោះសន្លឹក J បែររក Q ខ្មៅរហូត ឯរឿង Qក្រហមមិនមានបញ្ហាអ្វីទេ ឯខ្ញុំក៏មិនចាប់អារម្មណ៍ទេ ព្រោះមិនដឹងមានអ្នកណាផង ហើយក៏មិនជឿជាក់ខ្លួនឯងដែរ ។
សាច់រឿងបន្ត គឺនៅពេលដែលស្រីសបង្ហាញខ្លួន ទើបខ្ញុំដឹងថាមនុស្សដែលយើងស្រឡាញ់ និងមនុស្សស្រឡាញ់យើងជាមនុស្សផ្សេងពីគ្នា…
យីឃើញគេការព្រោងព្រាត រត់ទៅរកគ្រូទាយ ហាហា។
កាលនោះ នៅសុខៗធ្លាប់បានទៅស្រោចទឹកម្តង ព្រោះតែមិត្តភក្តិទាយអោយដែរ។ មិនដែលចង់ទេ តែទាយលេង។ ស្រាប់តែគេអោយខ្ញុំចាប់បៀរប៉ះចំអាត់ប៊ិចដល់ទៅ ២ដង។ គេថាអត់ល្អទាល់តែសោះ ត្រូវតែទៅស្រោចទឹក។ ទោះមិនចង់ ក៏គេចាប់ទៅស្រោចដែរ ព្រោះគេថាមិនខាតអីទេ ( ទៅងូតទឹក
) ហើយជៀសវាងថាដឹងហើយមិនធ្វើ។
ហេហេ ដល់ពេលរកគ្រូទាយហើយ ចង់ទាយដែរ
អន្ទិតហ្នឹងមែនទែនហើយ ហាហា…!
អីយ៉ា ប្អូនប្រុសខ្ញុំ នឹកគេ ក៏ចាំបាច់ទៅសួរអ្នកដទៃថា ខ្លួននឹកស្រីណាដែរហ្អ? ហាហាហា
ក្មេងៗ មែនហ្មង អត់ដឹងចិត្តខ្លួនឯងទេ បានជាទៅសួរបៀរ។
ល្មមដល់គូហើយ ព្រោះល្បីថាចេះវិធីច្រើនសាសន៍ផង!
ធ្លាប់ទាយសន្លឹកបៀរទេ? »»មិនធ្លាប់ទេ តែធ្លាប់ទាយបាតដៃ… តែម្ដងគត់! ឆុតមិនឆុតមិនដឹងទេ តែក៏ជឿខ្លះដែរ…
ពួកម៉ាកខ្ញុំត្រូវគេបោកតែញយ អារឿងទាយបៀហ្នឹង
○ គូនោះ វាដល់ឡើងចង់ហួសអែនោះ ប្អូនអាចម៍មិនដឹងទេអ្ហី?
○ មើលបាតដៃអូនរ៉ាច់អែង គេថាម៉េចខ្លះ? កាលថ្ងៃបុណ្យសង្សារពីរឆ្នាំមុនណា៎ អ្នកអត់សង្សារដូចគ្នា គេណាត់ជួបគ្នា … បឿនគេមើលបាតដៃបង គេថាបងនឹងបានប្រពន្ធពីរឯណោះ ហាហា ឥឡូវនេះចាំតែអ៊ុតមើលទេ !!
○ គ្មានកីឡាកាសណាមកបោកយើងទេ គ្រាន់ទាយលេងៗ ជាមួយមិត្តគេចេះទាយសោះហ្នឹង… !!!
ចង់សាកចិត្តគ្រូទាយតើបង!! ថាគេនិយាយត្រូវអត់….
ឲ្យដឹងម៉េចបង បើថ្ងៃមុនមែលមកខ្ញុំថា រកមិនទាន់បានផង ឡូវស្រាប់តែដាក់
ព្រាត!
មួយនាទី មិនដូចគ្នាទេណា៎ មួយនាទីដែលថាគ្មាន មិនប្រាកដថាមួយនាទីក្រោយរកមិនបានអែណា មែនទេ? យល់អត់!!
ដូចជាអត់មានអីទាក់ទងគ្នាសោះ… គ្រាន់តែសន្លឹកបៀសោះ ក៏ជឿដែរ។ ទិចទៀត ដើរទៅក្រោមដើមឈើ ឃើញស្លឹកឈើធ្លាក់ ក៏តាំងទស្សន៍ទាយតាមស្លឹកឈើដែរ :p
លោកបងថា…
និយាយអ៊ីចឹង ឌីសអូនណាដល់ណាហើយ? មិនដឹងអង្កាល់បានមើលទេ!
យីតាប៉ិបូក្រាណនេះ មិនមើលប្រធានបទគេទេ!!
មែនហ្នឹង! ^^*
អូនរ៉ាច់អ្ហា!! អត់មានអីរ៉ាយទេ ដាក់តែឌីសធម្មតាវាមិនចង់រីតផង… ថាខ្ចីពួកម៉ាករ៉ាយ ផស់វាឆេះហាតឌីសហើយ ។ យ៉ាងយូរខែពីរ យូរជាងនេះខែបី ហាហា
“ ជូនពរថ្ងៃខួបកំណើត” បងជាអ្នកភ្លេច! មិនភ្លេចទេតែវាហួសង៉ៃបាននឹកឃើញ!!
:’( បីខែក៏បីខែទៅ!
“ ជូនពរខួបកំណើតណាគេ???”
យឺស! តាំងមួយតាំងពីរ…
កុំច្រឡំរវាង បីខែ = 3 months ចំណែកឯ ខែបី = 3 moons ហាហា
○ អឺមែន ខួបកំណើតអ្នកណាគេទៅ