គេការព្រោងព្រាតហើយ ខែ កក្កដា 6, 2009
Posted by រដ្ឋ in ពីនេះពីនោះ, អំពីណារដ្ឋ.trackback
ពាក់កណ្ដាលឆ្នាំ២០០៩ទៅហើយ ដូចដែលតាភាក់ថាធ្មេចបើកៗហ្នឹង ខ្លួនយើងកាន់តែចាស់ម៉ោៗ មិនដឹងជាបានធ្វើអ្វីជាដុំកំភួនខ្លះទេ ។ តែពុំថ្វីទេ ធម្មតាទេនរណាក៏គេចូលចិត្តនិយាយដូច្នេះដែរ តាមពិតទៅយើងមិនដឹងខ្លួនសោះហ្នឹង សាកមើលទៅក្រោយមើល តើយើងបានធ្វើអ្វីខ្លះ? ហេហេស
សម្រាប់តែមិថុនាដែលកន្លងទៅសើមៗនេះ ខ្ញុំផាត់ចោលតែម្ដង អត់បានអាប់ដេតសោះ ឯខែមុនៗវិញមានតែមួយប្រកាស ពីរប្រកាសប៉ុននោះឯង មិនដូចគេអ្នកភូមិផ្សេងទេ ។ ឥឡូវនេះ ឃើញគេប្រើពាក្យអ្នកភូមិច្រើន ។ ឮថាអ្នកភូមិខ្លះ ទៅដើរលេង ធ្វើទស្សនាចរណ៍ អ្នកភូមិខ្លះឈប់សម្រាកពីការងារអត់អីធ្វើក៏បាន ឯអ្នកភូមិជិតខាងគ្នាខ្លះ ឈ្លោះទាស់សម្ដីគ្នាអត់អំពើ អាមើលមុខគ្នាមិនឃើញផងហ្នឹង ។ ចំណែកឯអ្នកខ្លះវិញ គឺនិយាយឲ្យចំជាប្លករ ប្លការិនី (ខ្ចីពាក្យនេះប្រើសិនទាន) មានចូលរោងការ និងអ្នកខ្លះទើបមានស្នេហាជាដើម ។ល។ ហ៊ើយ!! មួយរយៈអាត្មាមិននៅទីនេះមានរឿងរ៉ាវច្រើនជាហូរហែផងហ្ន៎ (ដៀមដាមសង្ខេបប៉ុននេះ) ។
អាប់ដេតថ្ងៃនេះ គឺចង់ប្រាប់ថាខ្ញុំទើបតែមកពីហូមថោនប៉ុន្មានថ្ងៃមុននេះឯង ។ ទៅនោះក្នុងនាមបំពេញមុខប្អូនប្រុសខាងកូនកម្លោះ និយាយឲ្យចំទៅបងប្រុសខ្ញុំទើបបានប្រពន្ធ ។ ទៅចូលរួមពិធីមង្គលការរបស់ពួកគាត់ មានអីសប្បាយរីករាយដែរតើ ។ មិនចាស់ពេកទេអ្ហី គាត់អាយុ ២៩ឆ្នាំហើយយកប្រពន្ធ តាមពិតគ្មានចាស់ស្អីទេ ព្រោះខ្ញុំគិតថាបុរសដូចពួកយើង ទុកយូរវាមិនផ្អូមទេ តែដើម្បីឲ្យទាន់សភាពការណ៍ដែលប្រទេសជាតិត្រូវការធនធានមនុស្ស យើងត្រូវរៀបចំគូស្រករឲ្យទាន់ពេលវេលា ទាន់ខែទាន់រដូវ ដើម្បីចូលរួមកសាងជាតិឲ្យមានអភិវឌ្ឍន៍ណា៎បាទ ។
ចប់ការបងប្រុសខ្ញុំ ខ្ញុំទៅឫស្សីក្រោក មង្គលបុរី ចូលរួមមង្គលការបងស្រីរបស់មិត្តភក្តិម្នាក់ ។ ទៅលើកនេះ មានអារម្មណ៍ថាធុញមែនទែន ព្រោះមិនសូវស្គាល់គេ បន្ទាប់ពីហែជំនូនហើយខ្ញុំត្រូវអង្គុយមើលគេមើលឯងម៉ិងម៉ង់ គ្រាន់តែពេលខ្លះមិត្តមកនិយាយលេងបានធូរស្រាលខ្លះ ។ ការពិតមកពីយប់ខ្ញុំអត់ងងុយ ពិបាកចិត្តរឿងស្នេហា ហាហា ។ នេះមកពីខ្ញុំមិនសូវចង់ទៅប៉ុន្មានទេឯផ្ទះនោះ ទៅយូរចឹងដឹងទេ ថាខ្ញុំនឹកភ្នំពេញ ភ្នំពេញមិនសូវនឹកទេ សំខាន់នឹកអ្នកបីសេសបួនសេសឯនេះវិញទេ ។ ឥឡូវនេះមង្គលការគេនោះ ចប់អស់ហើយ ខ្ញុំស្ដាយមែនទែនមិនបាននៅចូលរួមការបងឌិតចែម៉ុមនៅភ្នំពេញ មិនដឹងថាសប្បាយយ៉ាងណាទេ ។៚
មិនបាច់ភៃទេ ការ៉ាត់អើយ ទុកឲ្យពួកគាត់ទៅមុនទៅ តាតិចទៀតយើងដែរហើ្យ ម៉ាដងម៉ានាក់តើហ៍ មិនចឹង?
តាភាក់អែងខ្ញុំមិនដឹង ទុកយូរប្រយ័ត្នខូចគុណភាព!! ហាហា គួរយល់ហើយថាអារម្មណ៍ខ្ញុំវាយ៉ាងម៉េច វាពុះកញ្ជ្រោលប៉ុនណា អាខ្ទង់ម្ភៃស្ដើង ហាហា មានចង់ចាមិនគ្រប់គ្រាន់ទេ ចង់បានប៉ាពន់ទៀត!!!
ពីនាក់នេះ នាំគ្នាច្រួលច្របល់ចង់បានប្រពន្ធហើយតើ….ហាហាហា កុំទាន់អាលទុកចិត្តច្រីៗអី ជឿតែខ្ញុំទៅ
មើលឃើញមួយនៅ? បើមើលឃើញកាលណាប្រាប់បង បងរៀបបាយម្ហូបទៅដណ្តឹងអោយ
រងារហើយមែនទេបងរដ្ឋ ហេហេ
យើសអន្ឌិត ឃើញគេមានប្រពន្ធ ម៉េចចង់បានគ្នីគ្នានឹងគេដែរអី?
ហ្នក…ឃើញអត់ម្ចាស់ប្លក់! បើចង់ខ្លាំងណាស់ ម៉េចក៏មិនទៅរកដណ្តឹងអ្នកណាម្នាក់អោយបានលឿនៗទៅ ប្រយ័ត្នហួស ដឺឡេ គ្រាន់តែជួយប្រាប់យកបុណ្យទេ
បងប្រុសខ្ញុំគាត់ថាកុំទៅដណ្ដឹងស្រី នាំតែពួកស្រីៗបានចិត្ត ។ គាត់ថាទុកអោយស្រីៗមកដណ្ដឹងយើងវិញ ។ មានអី គេមកមែនតើ តែគាត់អត់ព្រម គាត់ថាបើប្រញាប់ព្រមពេកនាំតែគេបានចិត្ត ។ គាត់ថាទុកអោយគេអង្វរ យើងជាប្រុសត្រូវធ្វើឫកអោយថ្លៃជាងស្រី ។ ដល់ឥឡូវក្បែរហា អស់សម្រស់ អត់មានអ្នកណាគេមកដណ្ដឹងទៀត
បែកគ្នាយូរស្ទើរភ្លេចមុខទៅហើយ! តែសំណាងដែលមិនភ្លេចឈ្មោះ…
សុខសប្បាយធម្មតាទេ?
ខ្ញុំដូចជារងារខុសពីធម្មតា មិនដឹងជាយ៉ាងម៉េចទេ
ពេលទៅចូលរួមមង្គលការគេ ម្តងៗ មកវិញដេកមិនដែលលក់សោះ 
យ៉ាងម៉េចហ្នឹង machmorn ? កុំប្រាប់ថារងាចង់បានប្រពន្ធអោយសោះណា…?ជឿខ្ញុំ! ធ្វើជាប្រុសកុំអោយចិត្តងាយអោយសោះ….បើខ្លួនងាយមិនអីទេ?
ជឿសាម៉ាឌីបានប្រយោជន៍ដែរអ្ហី? ជឿច្រីៗទៅក្រែងបាន… ខ្លះ…
បងកុំនិយាយលេងណា៎ ខ្ញុំមើលឃើញច្រើនណាស់ តែឥឡូវមានតែមួយទេ … តែថ្ងៃចូលរោងមិនឃើញបងចងដៃ ឬចូលរួម… គេនិយាយដើមបងថានិយាយលេបសំដីហើយហ្នា៎ ខ្ញុំមិនដឹងទេ !! នៅដល់អូសាលីក៏ខលអញ្ជើញដែរ ភាប់ឲ្យហោយហូវវវវ កិកិកិ
រងាររាល់តែយប់ហ្នឹង ប្អូនមិនដឹងទេ…!!
○ និយាយលែងសើចអីបង!! កំពុងតែចង់…
○ ឌី កុំនិយាយចឹងអ្នកណាគេថាប្រុសដូចយើងហួសដឺឡេ!! ដឺឡេខ្ញុំមិនអិចស្ប៉ាយទេណា៎ ទុកដល់ណាក៏បានដែរ… បើដណ្ដឹងបានភ្លាមៗគេដណ្ដឹងហើយ មិនបាច់មកប្រាប់ទេ …
បងកុំភ្លេចថា អ្នកក្លាហានឆ្លងមិនផុតពីសំណាក់ស្រីស្អាតទេ…
សុខជាធម្មតាទេ ហើយកំពុងមានក្ដីសុខទៀតផង!! អរគុណបានសួរសុខទុក…!!
○ កុំភ័យ ក្រែងមិនទាន់ដល់គូណា៎
○ ឌី និយាយត្រូវ កុំចិត្តងាយឲ្យសោះ…
សប្បាយណាស់អាអូនតូចអើយ ការបងនោះ ចាំទំនេរផុសឲ្យមើល តារាៗស៊ីធីអិន បាយ័ន្តចូលរួមច្រើណាស់ រាំដូចឆ្កួតចឹង!!!! ចាំកាលម៉ាការតាម្តងសោះ
ចុះខាងប្លក់ ណាគេទៅខ្លះ? ដាក់រូបថតចែកគ្នីគ្នាមើលផង!!
ខាងប្លក់ទៅតែបឿននិង លោកវីហ្នឹង ខ្ញុំអាលែងតារវល់ពេកមិនបានថតជាមួយសោះ មិនដឹងជាគេមានរូបដែរអត់ទេ តែពួកគេក៍ឆាប់ទៅមុនកម្មវិធីដែរហ្នឹង បើនៅដល់ចប់ បែបមានរូបពួកគេឲ្យមើល ព្រោះពួកខ្ញុំនៅឡែដល់ម៉ោងគេចប់តែម្ដង។ គេនាំគ្នាឆ្ងល់ចុះអាកូនកម្លោះហ្នឹងវាមិនគិតទៅមុនភ្ញៀវអាងធ្វើអ្វីៗអត់ នៅក្រោយគេបំផុតអីណោះ ទាល់តែគេឡើងមកតឿនថាដល់ម៉ោងទៅហើយ។ លោកអើយ ងាយបានការពីរបីដងអី? នៅជួបពួកម៉ាកផឹកស៊ី រាំរែកតិចសោះហ្នឹង….យ៉ាប់!!!!
ចឹងអែងបងអើយ!! ចង់រកសិរសាកូនកម្លោះក្រមុំមិនងាយទេ … កាលខ្ញុំទៅស៊ីការគេនៅអំពេញហ្នឹង ទៅស៊ីតាម្ហូប ផឹកស្រាជុំមិត្តភក្តិហ្នឹងអែង ហាហា មិនទាំងដឹងថា កូនកាមុំកាឡោះ មុខម៉េចផង កិកិកិ