កម្មវិធីមេគង្គឆ្នាំនេះនៅ CCF ខែ មីនា 26, 2008
Posted by រដ្ឋ in ដំណឹងផ្សេងៗ, ពីនេះពីនោះ, ភាពយន្ត.trackback
មហោស្រពមេគង្គ ឆ្នាំ២០០៨ បានបញ្ចប់ជាស្ថាពរកាលពី ថ្ងៃសុក្រ ទី២១ សប្ដាហ៍មុននេះ ដែលមហោស្រពនេះត្រូវបានដាក់បញ្ចូលទៅក្នុង ខែហ្វ្រង់កូហ្វូនី ជារៀងរាល់ឆ្នាំនៅប្រទេសកម្ពុជា ។ មហោស្រពនេះ រៀបចំឡើងដោយមជ្ឈមណ្ឌលវប្បធម៌បារាំងប្រចាំនៅកម្ពុជា ដោយឡែកក្រៅពីនេះ ការដាក់បញ្ចាំងភាពយន្តជាសាធារណៈលើកនេះក៏ មានការចូលរួមពី មណ្ឌលធនធានសោតទស្សន៍បុប្ផាណា និងគ្រឹះស្ថានមេត្តាហៅស៍ (Métahouse) ផងដែរ ។ កន្លែងដទៃទៀត គឺបញ្ចាំងកណ្ដាលវាលនៅទីលានមុខវត្តបុទុមវត្តី ។
ងាកមករោងភាពយន្តនៃ CCF វិញមានការការដាក់បញ្ចាំងភាពយន្តសរុបទាំងអស់ ១៧រឿង ដែលរួមមាន បារាំង ខ្មែរ ថៃ និងវៀតណាម ។ ឆ្នាំនេះខ្ញុំបានមើលរឿងខ្មែរ ២រឿង គឺរឿងនៅកម្លោះដល់ពេលណា ដែលធ្លាប់មើលម្ដងហើយ និងរឿងជាងគំនូរ ដែលពុំធ្លាប់បានមើលពីមុនមកទេ ។ សម្រាប់រឿងបរទេស គឺអត់ទាំងអស់ 
បានមើល២រឿងហ្នឹង ទៅទាំងប្រផិតប្រផើយ ចេញពីប្រឡងនៅសាលាភ្លាមស្ទុះវឹងតែម្ដង ។ ខ្ញុំនឹងនិយាយជាបន្តបន្ទាប់នូវរឿងមួយចំនួននៅ ប្រកាសលើកក្រោយៗទៀត ។
មណ្ឌលធនធានសោតទស្សន៍បុប្ផាណា ឆ្នាំនេះបានជ្រើសរើសភាពយន្តវីដេអូ ឯកសារខ្មែរមួយចំនួនដែលទាក់ទងទៅនឹងជលសារជាច្រើន ជាពិសេសគឺរឿង អ្នកស្រែ របស់លោក រឹទ្ធី ប៉ាន់ ។ រីឯនៅគ្រឹះស្ថានមេត្តាហោស៍ បានចូលរួមដាក់នូវភាពយន្តឯកសារ «The Best of Cambodia Doc Film Fest» នៅរៀងរាល់ល្ងាចក្នុងកំឡុងកម្មវិធីនោះដែរ ។
នៅឯទីលានមុខវត្តបុទុមវត្តី វិញ បងប្អូនដែលចូលចិត្តមើលកុន ក៏បាននាំកូននាំចៅ ទៅមើលយ៉ាងច្រើនកុះករផងដែរ អ្នកខ្លះទៅក្រាលកន្ទេលចាំតាំងពីក្បាលល្ងាចទម្រាំដល់ ពេលរាត្រីនៃការដាក់បញ្ចាំងចែកជូន ។
ឱកាសដ៏អស្ចារ្យនៃការបញ្ចាំងកុននេះ ក៏នៅមិនទាន់ចប់ទេ តែសម្រាប់អ្នករស់នៅតាមខេត្តវិញម្ដង ។ ក្រុមភាពយន្តចល័តនឹងទៅដល់ ១២ខេត្តក្រុងនៃប្រទេសកម្ពុជាចាប់ពីខែមីនា ដល់ខែមិថុនា នេះបើតាមកម្មវិធីប្រចាំខែរបស់មជ្ឈមណ្ឌលវប្បធម៌បារាំង ។
pictures source (ccf)
ឡូយបស់គេមែន!
អរគុណសម្រាប់ការចែកចាយដំណឹងនេះ តែសម្រាប់ខ្ញុំឥឡូវមិនសូវជាទំនេរទេ ទើបមិនបានចូលមកលេង…
អូហូ បានអង្គុយមើលកុនក្រោមដួងព្រះចន្ទ័ ថែមមានពោតអាំង គ្រាប់ឈូកផង ប្រាកដអស្ចារ្យ!
ចប់នៅន៎ កម្មវិធីហ្នឹង? ចង់មើលរឿងនៅកម្លោះដល់ណា ដល់ហើយ
♣ បង posoky : ឡូយគួរសមដែរ!! កិកិ
រឿងនេះគេមើលតែអ្នកដែលកំពុងរកប្រពន្ធតើ… កិកិ អត់ឆំណាងមើល៍ ប្រហែលគេមិនចេញថាសលក់ទេ!!!
♣ អាចម៍ផ្កាយ ចាំទំនេរចាំមកលេង អត់បង្ខំរ៉េ!!
♣ បងសួស្ដី ដូចភ្លេចកន្តេះឡង់ និងចង្រិតលីងហើយ…
♣ ដឹងចង់នៅកម្លោះដល់ណាទេ បងក្ឌិតជិតការហើយ បាច់មើលទេ!!